BENIPISYO PARA SA MGA BARANGAY TANOD, IPINANUKALA

IGINIIT KAHAPON NI QUEZON REP WILFRID ENVERGA ANG PAGKAKAPASA NG KANYANG PANUKALA, ANG HB02459 NA MAY LAYUNING BIBIGYAN NG MGA KARAMPATANG BENEPISYO ANG LAHAT NA MGA BARANGAY TANOD SA BUONG BANSA KAGAYA NG PROTEKSIYON SA KALUSUGAN AT SOCIAL SECURITY, RETIREMENT, UNEMPLOYMENT AT EDUCATIONAL BENEFITS BILANG PAGTANAW SA KANILANG MAHALAGANG GAWAING PAGPALAGANAP NG KAPAYAPAAN AT KAAYUSAN SA MGA BARANGAY.

LAYUNIN NG PANUKALA NI ENVERGA NA TATAGURIANG BARANGAY TANOD INCENTIVES ACT ANG PAGTUGON SA MGA PANGEKONOMIKONG PANGANGAILANGAN NG MGA NATURANG MIYEMBRO NG BARANGAY NA SIYANG GANAP NA INAASAHAN MGA MAMAYAN SA PAGMINITINA NG KAPAYAPAAN SA KOMUNIDAD.

AYON KAY ENVERGA, NAPAPANAHON NA UMANONG MAGGAWARAN NG SUPISIYENTENG BENEPISYO ANG MGA BARANGAY TANOD DAHIL SILA NAMAN TALAGA AY TUNAY NA BAHAGI NG LONG-TERN FOUNDATION NG TUNAY NA DEVELPMENT SA ANTAS NG BARANGAY.

IDINAGDAG PA NIYA NA TILA YATA UMANO AY NAPABABAYAAN NA LAMANG ANG DEDIKASYON AT COMMITMENT NG MGA BARANGAY TANOD SA KANILANG SERBISYO AT NAKAKALIMUTAN NA LAMANG MAY MGA PANGANGILANGAN DIN SILANG MABIGYAN NG MGA BENEPISYO.

IILAN SA PROBISYON MGA NG PANUKALA AY NAGSASABING LAHAT NG MGA MIYEMBRO NG BARANGAY TANOD BRIGADE NA TULOYTULOY NA NAKAPANUNGKULAN NG HINDI BABABA SA ISANG TAON AY OTUMATIKONG MAGING MIYEMBRO NG GSIS NA MAY LIFE INSURANCE AT SOCIAL SECURITY PROTECTION KAGAYA NG RETIREMENT, DISABILITY, SEPARATION AT UNEMPLOYMENT BENEFITS.

KASO NG HIV AT AIDS SA BANSA, TUMATAAS ANG BILANG

HUMIGIT KUMULANG SA 11,000 MGA FILIPINO NA ANG MAY DALANG SAKIT NA HIV AT AIDS O ANG TINATAWAG NA MGA CARRIER NG NABANGGIT NA SAKIT NGUNIT 2,857 LAMANG ANG MGA KASO NA NAMOMONITOR NG MGA AWTORIDAD SA KALUSUGAN.

SINABI NI CEBU REP NERISSA SOON-RUIZ NA MAGMULA NOONG ENERO 1984 HANGGANG MAYO 2007, ANG HIV AT AIDS REGISTRY NG KAGAWARAN NG KALUSUGAN AY NAKAPAG-ULAT NG 2,857 PA LAMANG NA KASO SA BUONG BANSA AT
ISINAWALAT SA PAGAARAL NA KARAMIHAN SA MGA CARRIER AY MGA LALAKI SA EDAD NA 25-39 NA TAONG GULANG AT NA KALIMITAN AY NAKUHA ITO SA PAMAMAGITAN NG SEXUAL INTERCOURSE AT NA NOONG MAYO NOONG NAKARAANG TAON LAMANG, 35 NA KAAGAD ANG NAIULAT NA KASO HIV AT AIDS.

AYON KAY SOON-RUIZ, ANG MGA KASO NG HIV AT AIDS SA PILIPINAS AY HINDI LAMANG MAITUTURING NA MABABA AT MABAGAL KUNDI ITO AY PATAGO AT DUMARAMI NA RIN AT ANG NAKAKAALARMA UMANO DITO, AYON PA SA KANYA, AY ANG PARAMI NG PARAMING BILANG NG MGA HINDI NAIUULAT AT HINDI DOKUMENTADONG MGA KASO NA UMAABOT NA SA 11,000.

DAHIL DITO, IPINANUKALA NI SOON-RUIZ SA HB01389 NA AMIYENDAHAN ANG RA08504 NA KILALA SA KATAWAGANG "THE PHILIPPINE AIDS PREVENTION AND CONTROL ACT OF 1998" NA MAY LAYUNING MAGTATAG NG AUGMENTATION FUND
UPANG MADAGDAGAN ANG TAONANG BADYET NG PHILIPPINE NATIONAL AIDS COUNCIL PARA ITO AY MAKAPAGSAGAWA NG FINACIAL AT ADMINISTRATIVE FUNCTION NITO BILANG ISANG AUTONOMOUS ATTACHED AGENCY NG DEPARTMENT OF HEALTH.

IDENTITY THEFT, PAPATAWAN NG MABIGAT NA KAPARUSAHAN

PAPATAWAN NG MABIGAT NA KAPARUSAHAN ANG SINUMANG TAGAPAG-ULAT O REPORTER O WRITER, PUBLISHER O SINUMANG MEDIA PRACTITIONER NA MAGBUBUNYAG NG PAGKAKAKILANLAN SA PAMAMAGITAN NG PAGLATHALA SA MGA NEWSPAPER NA WALANG PAHINTULOT SA TAONG TUNUKOY.

SINABI NI CAMARINES NORTE REP LIWAYWAY VINZONS-CHATTO NA SA ILALIM NG KANYANG PANUKALA, ANG HB03828, ANG REPORTER, WRITER, PRESIDENT, PUBLISHER, MANAGER AT EDITOR-IN-CHIEF NG ISANG NEWSPAPER NA LALABAG SA TINATAWAG NA "IDENTITY THEFT" O ANG MALICIOUS DISCLOSURE NG IMPORMASYON SA MEDIA NA WALANG PAHINTULOT NG CONCERNED PERSONS AY PAPATAWAN NG HINDI BABABA SA ANIM NA TAONG PAGKAKAKULONG AT MULTANG HINDI HIHIGIT SA P500,000.00.

AYON KAY VINZONS-CHATTO, BATAY SA SURVEY NA ISINAGAWA NG PRIBADONG SEKTOR, MAYROONG MALAKAS NA CLAMOR PARA SA PAGPAPATUPAD NG CRIMINAL PENALTIES SA PAGLABAG NG DATA PRIVACY RIGHTS.

DAHIL UMANO SA PAGTAAS NG SOPHISTICATION NG IMPORMASYON DAHIL NA RIN TEKNOLOHIYA NA DULOT NG COMPUTER LINKS, ALISABAY NA RIN SA HIGH-SPEED NETWRKS NA MAY ADVANCED PROCESSING SYSTEM, AYON PA SA KANYA, MADALI NA LAMANG DAW MAGKAROON NG ACCESS SA IMPORMASYON NG MGA INDIBIDWAL AT GUMAWA NG MGA KOMPREHENSIBONG DOSSIERS HINGGIL SA ISANG TAO.

DITO NA RIN ITATATAG ANG NATIONAL DATA PROTECTION COMMISSION (NDPC) NA MAY LAYUNING MAG-REHISTRO NG LAHAT NA MGA DATA CONTROLLERS AT PROCESSORS AT MAG-MONITOR NG PAGSUNOD SA INTERNATIONAL STANDARDS PARA SA DATA PROTECTION, DAGDAG PA NI VINZONS-CHATTO.

GENERICS ONLY PROVISION SA CHEAPER MEDICINES ACT, AALISIN NA

PARA MABASAG NA ANG PAGKAKAANTALA NG PAGPASA NG PANUKALANG CHEAPER MEDICINES ACT, NAPAGKASUNDUAN NG MGA KONGRESISTA SA MABABANG KAPULUNGAN NA ALISIN NA LAMANG ANG GENERICS ONLY PROVISION NITO AT SA HALIP, MAGHAIN NA LAMANG SILA NG ISA PANG PANUKALA NA MAGPAPAIGTING PA SA RA06675, ANG GENERICS LAW.

AYON KAY HOUSE SPEAKER PROSPERO NOGRALES, NAPAGKASUNDUAN NILA NA ALISIN NA LAMANG ANG NATURANG PROBISYON SA RECONCILED VERSION NG NABANGGIT NA PANUKALA PARA MALAGDAAN NA NI PANGULONG GLORIA MACAPAGAL ARROYO ITO AT MAGING GANAP NA NA BATAS BAGO PA SUMAPIT ANG ARAW NG MGA MANGGAGAWA O LABOR DAY.

AYON SA KANYA, ITO NA MARAHIL ANG MAGING REGALO NG KONGRESO AT NG PANGULO NG BANSA SA MGA FILIPINO SA PAGGUNITA NG LABOR DAY.

IDINAGDAG PA NI NOGRALES NA PINAGBIGYAN NA LAMANG NG KAMARA ANG NAGING HARD-LINE POSITION NG SENADO NA ALISIN ANG NATURANG PROBISYON SANGAYON NA RIN SA PANGAKO NG MGA SENADOR NA WALANG MASAMANG EPEKTO SA INTENSIYON NG BATAS NA NAIS PABABAIN ANG PRESYO NG MEDISINA O GAMOT.

ANG PAGKAKAPASA NG HB02844 UPANG MAGING GANAP NA NA BATAS AY TUNAY NA MAKAKATULONG UMANO NA MAIBSAN ANG ECONOMIC PRESSURE NA DINARANAS NG MGA FILIPINO DAHIL SA TUMATAAS NA HALAGA NG MGA PRODUKTONG PAGKAIN AT LANGIS, DAGDAG PA NG SPEAKER.

KONTROBERSIYA SA RECTAL OPERATION

ANG PAGPAPATAW NG PARUSA SA MGA TIWALI NA DOKTOR AY HINDI MAGIGING EPEKTIBO KAHIT AMYENDAHAN ANG CODE OF ETHICS NG PHILIPPINE MEDICAL ASSOCIATION (PMA) DAHIL HINDI NAMAN MANDATORY ANG MEMBERSHIP DITO.

GANITO ANG REAKSIYON NI ILOILO REP JANETTE GARIN MATAPOS GAWING KATATAWANAN SA YOUTUBE ANG ISINAGAWANG RECTAL OPERATION KAY GENARO IBARRA FAROLAN, ISANG 39-ANYOS NA HINIHINALANG BAKLA NG BASAK PARDO SA CEBU CITY, PARA ALISIN ANG PERFUME CANISTER MATAPOS ANG NAPABALITANG PAKIKIPAGTALIK SA ISANG LALAKI NOONG HULING BISPERAS NG BAGONG TAON.

SINABI NI GARIN SA KANYANG INIHAING HR00524 NA NAKAKABAHALA ANG INSIDENTE DAHIL INAASAHANG MAAAPEKTUHAN ANG TINATAWAG NA MEDICAL TOURISM SA BANSA LALO’T BUONG MUNDO ANG NAKAKAPANOOD SA INSIDENTE.

SA NAKAKAHIYANG VIDEO CLIP NA KINUHA SA PAMAMAGITAN NG CELLULAR PHONE, NAKITANG PINAGTATAWANAN NG 10 MEDICAL STAFF ANG BIKTIMA NA NASA LIKOD NG RECTAL OPERATION NITO SA VICENTE SOTTO MEMORIAL MEDICAL CENTER (VSMMC) NOONG ENERO 3, 2008 KUNG SAAN NAKITA RIN ANG PAG-SPRAY NG PABANGO.

KABILANG SA PINANGALANAN NG DEPARTMENT OF HEALTH (DOH) NA SANGKOT UMANO SA RECTAL SCANDAL SINA DR. PHILIP LEO ARIAS, HEAD SURGEON; DR. ANGELO ALINAWAGAN, ASSISTING SURGEON; DR. MAX JOSEPH MONTECILLO, SURGEON AT AN ADJACENT OPERATING TABLE; NURSING ATTENDANT ROSEMARIE VILLAREAL; AT CIRCULATING NURSE CARMENIA SAPIO.

SA ISANG PRIVILEGE SPEECH MARTES NG GABI, IGINIIT NI GARIN NA IPASA ANG PHYSICIANS ACT OF 2008 O ANG HB03703, AN ACT REGULATING THE EDUCATION AND LICENSURE OF PHYSICIANS AND THE PRACTICE OF MEDICINE IN THE PHILIPPINES, REPEALING FOR THE PURPOSE OF RA 2382 UPANG MAGING MAHIGPIT ANG PAGSASA-PRAKTIKA NG KANILANG PROPESYON BITBIT ANG PROTEKSIYON SA MGA PASYENTE.

USAPING BIGAS

NANANATILING HATI ANG MGA KONGRESISTA KAUGNAY SA KANILANG PANGAMBA NA MAGANAP RIN SA BANSA ANG ISANG MADUGONG FOOD RIOT.

KINUWESTIYON NI ANAK MINDANAO REP MUJIV HATAMAN ANG KAKAYAHAN NG PAMAHALAAN NA IWASAN ANG FOOD RIOT SA GITNA NG NAPAPABALITANG KAKAPUSAN SA BIGAS NA IBINEBENTA NG NATIONAL FOOD AUTHORITY (NFA) SA PUBLIKO BASE SA NAPAKAHABANG PILA SA ROLLING STORES.

AYON SA KANYA, DALAWA HANGGANG TATLONG ORAS UMANO SA PILA ANG ATO BAGO MAKABILI NG BIGAS AT TALAGANG KAWAWA ANG MGA ITO NA NAKABILAD SA ARAW AT NAGMAMAKAAWA NA HAYAAN SILANG MAKABILI NG MARAMI PARA LANG HINDI SILA PABALIK-BALIK.

SA ISANG PRESS CONFERENCE NAMAN, NILINAW NI BUTIL REP LEONILA CHAVEZ, KINATAWAN NG MGA MAGSASAKA, NA WALANG DAPAT IKATAKOT SA FOOD RIOT KATULAD NG NANGYARI SA HAITI DAHIL LUMALAKI ANG PRODUKSIYON NG ANING PALAY PARA SA MGA FILIPINO.

SINABI NI CHAVES NA PARA SA LAHAT NG ATING MGA KABABAYAN, HUWAG MAG-PANIC DAHIL WALANG RICE SHORTAGE AT KASALUKUYAN TAYONG UMAANI AND OUR FARMERS ARE NOW EFFICIENT IN PLANTING HYBRID RICE.

SINABI NI CHAVEZ NA SUPORTADO NG KANILANG SEKTOR ANG PANUKALANG CORPORATE FARMING O HB03837 NINA PALAWAN REP. ABRAHAM MITRA AT SPEAKER PROSPERO NOGRALES KUNG SAAN MAGTATANIM NG PALAY ANG MGA NANGUNGUNA AT MALALAKING KOMPANYA PARA SA PANGANGAILANGAN SA BIGAS NG KANILANG MGA EMPLEYADO KAPALIT NG TAX INCENTIVE.

SINUPORTAHAN NAMAN NI HATAMAN ANG PANUKALA NI MANILA REP BENJAMIN ASILO NA GAMITIN NG PAMAHALAAN ANG BARANGAY SA DISTRIBUSYON NG MURANG BIGAS NG NFA PARA MATIYAK NA MAKIKINABANG ANG MGA MAHIHRAP NA BENEPISYUNARYO.

SALARY INCREASE SA MGA EMPLEYADO NG GOBYERNO

KUNG NANGANGAPA PA ANG PRIBADONG MGA MANGGAGAWA SA DILIM, MISTULANG MASUWERTE NAMAN ANG MGA EMPLEYADO NG GOBYERNO DAHIL INAASAHANG TATAAS PA ANG KANILANG SUWELDO SA 2009 AT 2010.

MATAPOS IHAYAG NG MALACANANG ANG 10 PORSIYENTONG UMENTO SA MGA KAWANI NG PAMAHALAAN NA MAGIGING EPEKTIBO SIMULA SA HULYO 1, INIHAYAG KAHAPON NI BUDGET SEC ROLANDO ANDAYA JR. SA PAGDINIG NG HOUSE COMMITTEE ON APPROPRIATIONS ANG INAASAHANG DALAWANG TAON PANG UMENTO SA KANILANG BASIC PAY MULA 2009 HANGGANG 2010.

GINAWA NI ANDAYA ANG PAHAYAG SA KOMITE KUNG SAAN KANILANG ISASAMA SA DELIBERASYON NG PAMBANSANG BADYET SA 2009 ANG HALAGANG KAKAILANGANIN SA UMENTO.

IPINALIWANAG NAMAN NI ANDAYA NA ISASAMA SA BAGONG SALARY STANDARDIZATION LAW ANG UMENTONG GAGAWIN SA 2009 AT 2010.

SINABI NI ANDAYA NA LAYUNIN NG BAGONG SALARY STANDARDIZATION BILL NA ISAMA ANG LAHAT NG MGA MANGGAGAWA SA UMENTO ALINSUNOD SA PRINSIPYO NG PAGKA-PANTAY-PANTAY.

CARP EXTENSION, INAPRUBAHAN NA SA KAMARA

INAPRUBAHAN KAHAPON NG HOUSE COMMITTEE ON AGRARIAN REFORM ANG CONSOLIDATED BILL NA NAGLALAYONG DUGTUNGAN NG LIMANG TAON O HANGGANG 2013 ANG COMPREHENSIVE AGRARIAN REFORM PROGRAM (CARP) NA MAPAPASO NGAYONG 2008.

SA GITNA NG KRISIS SA MAHAL NA BIGAS AT KAHALAGAHAN NA MANATILI ANG MAS MALAWAK NA LUPAIN BILANG TANIMAN NG PALAY, NAGKASUNDO ANG KOMITE SA PAMAMAGITAN NG BOTONG 16 KONTRA TATLO AT ISANG ABSTENTION NA ISULONG ANG CARP SA SUSUNOD NA LIMANG TAON.

KABILANG SA MGA AWTOR NG 15 PANUKALANG BATAS NA PAG-IISAHIN SINA ALBAY REP EDCEL LAGMAN, PALAWAN REP ABRAHAM MITRA, AKBAYAN REP RISA HONTIVEROS-BARAQUEL, NUEVA ECIJA REP EDNO JOSON AT MARAMING IBA PA.

NABATID SA SECTION 2 NG PANUKALA NA MAGLALAAN RIN ANG PAMAHALAAN NG P100 BILYON PARA SA PAGBILI AT DISTRIBUSYON NG MGA LUPA SA ILALIM NG CARP.

NAPAG-ALAMAN NA KUKUNIN NAMAN ANG PONDO SA NAPAGBENTAHAN NG ASSETS PRIVATIZATION TRUST (APT), LAHAT NG MABABAWING NAKAW NA YAMAN NG PRESIDENTIAL COMMISSION ON GOOD GOVERNMENT (PCGG), PAGBEBENTA NG ARI-ARIAN NG PAMAHALAAN SA IBANG BANSA, LAHAT NG KOLEKSIYON SA OPERASYON NG PROGRAMANG AGRARYO, PINANSIYAL NA SUPORTA NG LEHETIMONG SOURCES, TAUNANG PAGLALAAN SA ILALIM NG PAMBANSANG BADYET NG P5 BILYON AT IBA PANG PONDO MULA SA MGA AHENSIYA NG PAMAHALAAN.

MAGUGUNITANG ITO ANG IKALAWANG PAGKAKATAON NA MAGKAKAROON NG EKSTENSIYON ANG CARP NA NAISABATAS NOONG 1988 AT NADUGTUNGAN NOONG 1998 HANGGANG SA KASALUKUYANG TAON.

BINALIKAN NG MGA KONGRESISTA SI SENADOR SANTIAGO-DEFENSOR HINGGIL SA BASELINES BILL

BINALIKAN KAHAPON NG MGA KONGRESISTA SI SEN MIRIAM DEFENSOR-SANTIAGO MATAPOS SILANG TAWAGING “IDIOTS” AT “TARANTADO” DAHIL SA PAGSUSULONG NG PANUKALANG BASELINES BILL O TERRITORIAL BOUNDARY NG BANSA, KABILANG ANG SPRATLYS GROUP OF ISLANDS.

PINAALALAHANAN NI PALAWAN REP ABRAHAM MITRA SI SANTIAGO KAUGNAY SA TINATAWAG NA “PARLIAMENTARY COURTESY.”

SINABI NI MITRA NA KUNG MAY PROBLEMA SI DEFENSOR-SANTIAGO SA MGA KAPWA NIYA SENADOR, HUWAG UMANO NIYA ITO IBALING SA MGA CONGRESSMEN AT KUNG MAY PROBLEMA SIYA OUTSIDE THE HALLS OF CONGRESS, HUWAG NAMAN SA MGA CONGRESSMEN IBABALING.

DISMAYADO RIN SI CEBU REP ANTONIO CUENCO, PANGUNAHING AWTOR NG PANUKALA AT CHAIRMAN NG HOUSE COMMITTEE ON FOREIGN AFFAIRS, SA WALANG PAKUNDANGANG PAHAYAG NI SANTIAGO .

PAMBIHIRA NAMAN UMANO ITO SI DEFENSOR-SAMTIAGO NA NAGSABING KINONSULTA PA NG MGA KONGRESISTA ANG MGA EKSPERTO SA PANGUNGUNA NI DATING SOLICITOR GENERAL ESTELITO MENDOZA SA PAGBUO NG HOUSE BILL 3216
O NEW ARCHIPELAGIC BASELINES BILL, AYON PA KAY CUENCO.

KUNG TARANTADO UMANO SILA, EH DI TARANTADO NA RIN DAW SI SENATOR PIMENTEL KASI GUSTO NITONG I-ADOPT ANG VERSION NG KAMARA; TARANTADO RIN SI MENDOZA KASI ISA SIYA SA MGA CONSULTANT NG KONGRESO, ANI CUENCO SA PANUKALANG IBINALIK SA KOMITE MATAPOS APRUBAHAN SA IKALAWANG PAGBASA KUNG SAAN NAAANTALA UMANO ANG PAGDINIG DAHIL NASA ABROAD PA ANG CHAIRMAN NG HOUSE COMMITTEE ON ENERGY NA KASAMA SA DELIBERASYON NA SI PAMPANGA REP JUAN MIGUEL ARROYO.

PAIIGTINGIN ANG TAX COLLECTION NG BIR PARA SA KASALUKUYANG TAON

HINIMOK NG CHAIRMAN NG HOUSE COMMITTEE ON WAYS AND MEANS ANG KAGAWARAN NG RENTAS INTERNAS O BIR NA ISUSTINE LAMANG ANG TAX COLLECTION EFFORTS NITO PARA MAKAMIT ANG LAYUNIN NG PAMAHALAAN NA MAKALIKOM PARA SA BUONG TAON NG SABIHIN NIYA NA MASYADONG MAAGA PA NA MAGBUNYI ANG AHENSIYA DAHIL SA PAGTAAS NG KOLEKSIYON NITO SA FIRST QUARTER NA UMABOT SA P21 BILYON.

SINABI NI ANTIQUE REP EXEQUIEL JAVIER NA MATAPOS MAGSUMITE NG PAGUULAT ANG BIR NA ITO AY NAKAKOLEKTA NG P163 BILYON MULA ENERO HANGGANG MARSO NA SIYANG MATAAS NG P21 BILYON SA P142 BILYON NA KOLEKTA NOONG NAKARAANG TAON AT MATAAS PA SA TARGET NG AHENSIYA PARA SA PERIOD NG P155.11 BILYON.

NGUNIT ANG FIGURE NA ITO AY MAS MABABA SA P181 SA TARGET NA INITAKDA NG DEVELOPMENT BUDGET COORDINATION COMMITTEE (DBCC) PARA SA FIRST QUARTER PARA SA KASALUKUYANG TAON AYON PA KAY JAVIER.

MARAMING ASPETO PA UMANO NG TAX COLLECTION ANG DAPAT NA AYUSIN UPANG MAKAMTAN NG BIR ANG P845 BILYON NA TAX GOAL PARA SA TAONG ITO NA SIYA NAMANG 18.4 NA POSIYENTO MATAAS KAYSA SA P713.6 BILYONG KOLEKSIYON NOONG TAONG 2007.

UMAASA UMANO SIYA NA MAS LALAUNG PAG-IBAYUHIN NG BIR ANG TAX COLLECTION NITO SA MGA SUSUNOD NA MGA BUWAN.

DAPAT ISA LAMANG ANG POSISYON NG BANSA HINGGIL SA ARCHIPELAGIC BASELINES ISSUE

MARAPAT LAMANG NA HANAPAN NG PARAAN KONGRESO AT NG EHEKUTIBO NG PARA MAPAG-ISA ANG POSISYON NG BANSA HINGGIL SA DEFINITION NG ATING ARCHIPELAGIC BASELINES NA HINDI MAAPEKTUHAN ANG ATING CLAIMS SA PINAGTATALUNANG MGA PULO NG SPRATLYS.

ITO ANG IPINAHAYAG NI HOUSE SPEAKER PROSPERO NOGRALES NG KANYANG SINABI NA ANG ISANG SENSITIBONG ISYU NG NASYONAL INTERES AT INTERNATIONAL CONCERN NA KAGAYA NITO AY DAPAT NATING HARAPIN UPANG ATING MAPANATILI ANG INTEGRIDAD NG ATING NATIONAL SOVEREIGNTY.

NAGSAGAWA KAHAPON NG EXECUTIVE MEETING ANG HOUSE COMMITTEE ON FOREIGN AFFAIRS SA PAMUMUNO NI CEBU REP ANTONIO CUENCO NA DINALUHAN NAMAN NG HOUSE SPEAKER UPANG MAITATAG ANG POSISYON NG KAMARA HINGGIL SA MGA CONTENTIOUS PROVISIONS SA PANUKALANG BASELINES LAW.

AYON KAY SPEAKER NOGRALES, MAAARING MAGRESULTA ITO NG PINSALA KUNG TAYO AY MAGING BIGO SA PAGSUNOD SA DEADLINE NG UNITED NATIONS DAHIL LAMANG SA HINDI TAYO MAKAKAMIT NG COMMON GROUND TUNGKOL SA BASELINE BILL.

ANG BATAS NA TUTUKOY NG ARCHIPELAGIC BASELINES NG BANSA AY ISANG FUNDAMENTAL REQUIREMENT NA DAPAT ISUMITE SA UNITED NATIONS CONVENTION ON THE LAW OF THE SEAS O UNCLOS BAGO PAMAN MAGTAPOS ANG BUWAN NG MAYO NG KASALUKUYANG TAON.

SOLUSYON SA MGA KLASE “UNDER THE MANGO TREE”

DADALO PA RIN ANG MGA ESTUDYANTE SA PAMPUBLIKONG PAARALAN SA BUONG BANSA SA ILALIM NG MGA PUNONG MANGGA O UNDER THE MANGO TREE, SA DARATING NA PASUKAN DAHIL SA KAKULANGAN NG MGA SILID-PAARALAN.

ITO ANG TINURAN NI CAGAYAN DE ORO REP RUFUS RODRIGUEZ NG KANYANG SINABI NA DAHIL SA CLASSROON SHORTAGE NOONG MGA NAKARAANG TAON BUNSOD NG PAGLOBO NG BILANG NG MGA ESTUDYANTE NA UMABOT NA SA 65 KADA KLASE NA MINSAN AY UMAABOT PA NGA SA 90 PATAAS DAHIL SA MATAAS NA POPULATION GROWTH RATE AT DAHIL NA RIN SA MGA PAGLIPAT NG MGA ESTUDYANTE GALING SA MGA PRIBADONG ESKUWELAHAN.

TINUKOY NI RODRIGUEZ ANG ULAT NG DEPARTMENT OF EDUCATION NA NAGSASABING ANG CLASSROOM REQUIREMENT BACKLOG SA PAGTAPOS NG ECHOOL YEAR 2003-2004 AY UMABOT SA 57,930 CLASSROOMS AT LUMOBO SA 74,115 NOONG TAONG 2006-2007.

AYON SA KANYA, PARA MATUGUNAN ANG NABANGGIT NA PROBLEMA, NAG SET NG TARGET ANG DEPED NA BABAAN ANG RATION NG BAWAT CLASSROOM SA 1:45 O 1:30 UPANG MAKAMIT ANG EPEKTIBONG CLASSROOM TO PUPIL RATIO SA 2009-2010.

DAHIL DITO, IMINUNGKAHI NIYA SA HB03448 NA MAGLAAN NG CAPITAL OUTLAY ANG GOBYERNO MAGMULA SA STUDENT POPULATION TUNGO SA CLASSROOM SHORTAGE PARA SA ISANG PANTAY DISTRIBUTION NG APPROPRIATION PARA SA MGA LUGAR KUNG SAAN ANG NATURANG SILID-ARALAN ANG KINAKAILANGAN.

CREDIT CARD FRAUD ACT, DAPAT IPASA SA LALUNG MADALING PANAHON

KAILANGANG MAIPASA SA LALUNG MADALING PANAHON NGAYONG PAGBUKAS MULI NG KONGRESO, ANG CREDIT CARD FRAUD ACT NA INUMPISAHA NANG TALAKAYIN NG HOUSE COMMITTEE ON JUSTICE NOONG OKTUBRE NG NAKARAANG TAON.

ITO ANG MARIING IPINAHAYAG NG MGA NAGHAIN NG HB02675 NA SINA PARTY LIST REP NARCISO SANTIAGO III, PASIG SITY REP ROMAN ROMULO AT BATANGAS REP MARK LLANDRO MENDOZA NA MAY LAYUNING PAPATAWAN NG MULTA NA P10,000 HANGGANG SA DOBLE NG HALAGA NG NAKULIMBAT AT PAGKAKAKULONG NG RECLUSION TEMPORAL SA MINIMUM AT MAXIMUM NA PANAHON PARA SA ISANG CREDIT CARD FRAUD.

AYON KAY MENDOZA, BUNSOD NG PAGTAAS NG BILANG NG MGA GUMAGAMIT NG CREDIT CARD, ANG POSIBILIDAD NG KATIWALIAN O ANG TINATAWAG NA FRAUD AY TUMAAS DIN AT DAHIL SA SITWASYONG ITO, MARAPAT LAMANG NA MAGPASA NA NG KARAMPATANG BATAS UPANG MATUGUNAN ANG PROBLEMANG ITO.

AYON NAMAN KAY SANTIAGO, LAYUNIN NG KANILANG PANUKALA NA HADLANGAN ANG NATURANG KATIWALIAN AT MAPROTEKTAHAN ANG ATING BANKING AT FINANCIAL INSTITUTIONS SA PAMAMAGITAN PAGGAGAWAD NG MGA REMEDIAL MEASURE SA MGA PROBLEMANG BUNSOD NG MGA GANITONG FRAUDULENT ACTS.

PALALAWIGIN PA ANG PERSONAL TAX EXEMPTION NG MGA MANGGAGAWA

IPINAHAYAG KAHAPON NI HOUSE SPEAKER PROSPERO NOGRALES NA BIBIGYANG PRAYORIDAD NG KAMARA DE REPRESENTANTES ANG PAGPASA NG ISANG PANUKALA NA MAGPAPALAWIG NG NASASAKLAWAN NG MGA PERSONAL TAX EXEMPTION NA IGINAGAWAD SA MGA EMPLEYADO SA PRIBADO AT PAMPUBLIKONG SEKTOR PARA MAIBSAN ANG TUMATAAS NA MGA PRESYO NG PAGKAIN, BAGAY AT SERBISYO.

SINABI NI SPEAKER NOGRALES NA DAPAT LAMANG UMANONG HANAPAN NG MGA PAMAMARAAN NA ANG TAKE HOME NA SAHOD NG ORDINARYONG MANGGAGAWA, LALU NA ANG MGA MINIMUM WAGE EARNER, SA PAMAMAGITAN NG PAGBAWAS NG KANILANG BINUBIWISANG KITA O ANG TINATAWAG NA TAXABLE INCOME NA MAGING BUNSOD NG PAGSIKAP NA TUMAAS ANG SUWELDO NG MGA WORKER SA PAMAMAGITAN NG REGIONAL WAGE BOARDS.

NGUNIT NAGBABALA NAMAN ANG LIDER NG KAMARA SA HAKBANG NA ALISIN ANG EXPANDED VALUE ADDED TAX O EVAT DAHIL MAAARING ITO UMANO AY MAKAKAAPEKTO SA REVENUE NG PAMAHALAAN AT MAAPEKTUHAN ANG MGA VITAL SOCIO-ECONOMIC AT INFRASTRUCTURE PROGRAMS NG GOBYERNO NA NAKADESINYO PARA MASUSTINE ANG PAGLAGO NG EKONOMIYA.

BAGAMAT ANG PANUKALANG PAGLIBAN SA MGA PRODUKTONG PAGKAIN KAGAYA NG NOODLES AT SARDINAS SA PAGKAKASAKLAW SA EVAT AY IBIBIGAY PARA MAKASABAY DIN ANG PUBLIKO SA TUMATAAS NA PRESYO NG FOOD COMMODITIES SA BUONG MUNDO, HINDI NAMAN UMANO MAGAWA NG PAMAHALAAN NA I-SUBSIDIZE ANG GAMOT, FARM INPUTS AT IBANG MGA PRODUKTONG PAGKAIN.

SA KANYANG KONSULTASYON SA MGA LIDER NG MABABANG KAPULUNGAN, ANG HOUSE COMMITTEE ON WAYS AND MEANS NA PINAMUMUNUAN NI ANTIQUE REP EXEQUIEL JAVIER AY TUMATANGGAP NA UMANO NG PANUKALANG AMIYENDAHAN ANG PROBISYON NA MAGGAGAWAD NG MGA PERSONAL EXEMPTION SA MANGGAGAWA SA GOVERNMENT AT PRIVATE SECTORS, DAGDAG PA NG SPEAKER.

POWER OF THE PURSE NG KONGRESO, DAPAT IBALIK

NAIS NG ISANG BAGITONG MAMBABATAS NA IPANUMBALIK ANG TINATAWAG NA POWER OF THE PURSE OF CONGRESS O ANG KAPANGYARIHAN NG KONGRESO SA PAGLALAAN NG MGA PONDO NA SIYANG BINALEWALA UMANO NG NAKARAANG MARCOS AT AQUINO ADMINISTRATIONS.

LAYON NI PANGASINAN REP MA. RACHEL ARENAS SA KANYANG HB01721 NA AMIYENDAHAN ANG SECTION 31 NG PD 1177 AT SECTION 26, BOOK VI NG EO 292 SERIES OF 1987 NA TUMATALAKAY SA NATURANG USAPIN.

NAKASAAD SA MGA NABANGGIT NA PROBISYON NA LAHAT NG MGA BAYARIN PARA SA 1) PERSONAL RETIREMENT PREMIUMS, GOVERNMENT SERVICE INSURANCE AT IBA PANG MGA KAHALINTULAD NA GASTOS; 2) PRINCIPAL AT INTERES SA MGA PAMPUBLIKONG PAGKAKAUTANG; 3) NATIONAL GOVERNMENT GUARANTEES NG MGA OBLIGASYON AY OTUMATIKONG ILALAAN: NGUNIT, WALANG MGA BAYARIN NA MANGGAGALING SA PONDONG LAAN MALIBAN LAMANG KUNG ITO AY REGULAR NA NAKALAAN NA.

SINABI NI ARENAS NA ANG OTOMATIKONG PAGLALAAN NG PONDO PARA PAMBAYAD SA PAGKAKAUTANG AT INTERES NITO SA MGA PUBLIC DEBTS AT BORROWINGS AY INALIS NA SA KONGRESO PARA HINDI NA ITO MAKAPAGSAGAWA NG REVIEW AT ACCOUNTING NG PAGGAMIT NG PAMPUBLIKONG PERA.

MARAPAT LAMANG UMANONG DUMAAN SA REVIEW AT APRUBAHAN NG KONGRESO ANG LAHAT NA APPROPRIATIONS NA SINUMITE NG MALAKANYANG AT KASAMA NA ANG APPROPRIATION PARA SA PAMBAYAD SA AMORTIZATION NG UTANG AT INTERES O YAONG TINATAWAG NA AMORTIZATION OF DEBT SERVICING.

AYON SA KANYA, MAAARI NANG I-ADJUST NG KONGRESO ANG ANTAS NG GASTUSIN NA INILALAAN PARA SA PAMBAYAD SA MGA UTANG AT INTERES SA DEBT SERVICING BAGAMAT HINDI MAAARING TAASAN NILA ANG PONDO NA HIHIGIT PA SA INIREKOMENDA NG PANGULO NG BANSA SA GENERAL APPROPRIATIONS ACT.

SA KANYANG PANUKALA, ISINAMA NA RIN DITO ANG PAGTATATAG NG ISANG CONGRESSIONAL OVERSIGHT SA CONTRACTING LOANS UPANG MAMONITOR ANG LAHAT NA GASTOS SA DEBT SERVICING.

PAGKAKAISA AT KOOPERASYON NG MGA MAMAMAYAN ANG KAILANGAN PARA MALUTAS ANG FOOD SHORTAGE

IPINAHAYAG KAHAPON NI HOUSE SPEAKER PROSPERO NOGRALES NA HINDI NA KAILANGAN PA NG KARAGDAGANG KAPARANGYARIHAN, MAGING EMERGENCY MAN O ANUPAMAN, ANG PANGULONG GLORIA MACAPAAGAL ARROYO SAPAGKAT KASALUKUYANG NAGSASAGAWA NA NG KARAMPATANG HAKBANG ANG ADMISTRASYON PARA MATUGUNAN ANG PROBLEMA SA BIGAS.

SINABI NG SPEAKER NA ANG TANGING KULANG NA LAMANG AT KINAKAILANGAN UPANG MAHADALANGAN ANG FOOD SHORTAGE AY ANG PAGKAKAISA AT KOOPERASYON NG LAHAT NA MGA MAMAMAYANG FILIPINO MAGING ANUMAN ANG POLITICAL AT RELIGIOUS NA PANINIWALA.

AYON SA KANYA, NAKAKALUNGKOT UMANO NA KAHIT KUMAKAHARAP ANG BANSA SA PROBLEMA SA PAGKAIN, KARAMIHAN SA MGA POLITICAL PERSONALITIES, MGA PEOPLE'S ORGANIZATION, NGO, CIVIL SOCIETY AT MGA LIDER SA PANGANGALAKAL AY HINDI NAGKAKAISA SA PAGLUTAS SA NABANGGIT NA PROGLEMA.

ANG PAHAYAG NG SPEAKER AY BUNSOD NA RIN SA MGA PANUKALA AT PANANAW NG MALAKANYANG NG PAGKAKAROON NG EXTRA POWERS PARA SA PANGULONG ARROYO UPANG MATUGUNAN ANG CRISIS SA BIGAS.

NGUNIT IGINIIT NIYA NA ANG HOUSE LEADERSHIP AY HANDA UPANG TALAKAYIN ANG USAPING PAGGAGAWAD NG NATURANG KAPANGYARIHAN SA PANGULO KUNG ANG NABANGGIT NA PROBLEMA AY LALALA PA AT AABOT NA SA PINAKASUKDULANG KRITIKAL NA ANTAS.

PINAPURIHAN: OAKWOOD MUTINEERS SA KANILANG PAGTANGGAP NG PARUSA

HINIKAYAT KAHAPON NI HOUSE SPEAKER PROPERO NOGRALES ANG LAHAT NG MGA SEKTOR NA HAYAAN NA LAMANG NITONG GUMULONG ANG HUSTISYA SA NORMAL NA PANGYAYARI MATAPOS IBINABA NG MAKATI REGIONAL TRIAL COURT ANG HATOL SA DALAWANG LIDER AT PITONG JUNIOR OFFICERS NG MAGDALO GROUP SA TERMINO NG PARUSANG PAGKAKAKULONG DAHIL SA KANILANG PARTISIPASYON SA NABIGONG 2003 COUP ATTEMPT LABAN KAY PANGULONG GLORIA MACAPAGAL ARROYO.

ITO AY BUNSOD NA RIN SA MGA KRITISISMO AT PASARING NA NAKAKASIRA LAMANG UMANO AYON PA SA KANYA, SA SISTEMA NG HUSTISYA AT ITO AY HINDI NAKABUBUTI SA LIPUNAN AT ITO AY ISANG MALAKING DISSERVICE LAMANG SA ATING SISTEMANG DEMOKRASYA.

IDINAGDAG PA NG SPEAKER NA ANG MABIGAT NA KAPARUSAHANG PAGKAKAKULONG NA IPINATAW SA MGA AKUSADO NG NABANGGIT NA KORTE AY DAPAT NA LAMANG NA MAKA-DISCOURAGE SA MGA SUSUNOD PANG MGA MILITARY ADVENTURISM HABANG KANYA NAMANG PINURI ANG KATAPANGAN NG MGA NATURANG MILITARY OFFICERS PARA SA KANILANG PAGTANGGAP NG KANILANG KASALANAN NG BUONG PUSONG PAGHARAP SA NAGING RESULTA NG KANILANG MGA AKSIYON.

MATATANDAANG SINABI NG MGA MATURANG OPISYAL SA MILITAR DOON SA OAKWOOD NOONG KASAGSAGAN NG MUTINY SA HARAP NG MEDIA NA HANDA SILANG HARAPIN ANG ANUMANG MGA MAGING KONSEKWENSIYA NG KANILANG MGA AKSIYON NA SIYA NAMANG NANGYARI SA SIYAM NA MGA SUNDALO.

OBLIGADONG SERBISYO SA BAYAN ANG BAYAD DAPAT SA MGA EDUCATIONAL LOAN

DAPAT BAYARAN NG MGA NAKATANGGAP NG STUDENT LOANS ANG KANILANG PAGKAKAUTANG SA PAMAHALAAN SA PAMAMAGITAN NG SERBISYO SA PAGTUTURO.

ITO ANG IMINUNGKAHI NI PANGASINAN REP MA RACHEL ARENAS SA KANYANG HB01720 NA NAGLALAYUNG OBLIGAHIN ANG MGA RECIPIENT NG STUDENT LOAN SA PAGGAWAD NG TEACHING SERVICE SA MGA MALALAYONG LUGAR.

SINABI NI ARENAS NA ANG EDUCATIONAL LOAN NG PAMAHALAAN AY NANGGAGALING SA MGA BUWIS NA NAKOLEKTA NG GOBYERNO O TAXPAYERS'MONEY KAYAT ANG MGA BENEPISYARYO NITO AY DAPAT MAGBAYAD SA PUBLIC INVESTMENT PARA SA KANILANG PAG-ARAL SA PAMAMAGITAN NG SERBISYO SA BAYAN MATAPOS SILANG MAG-GRADUATE.

AYON SA KANYA, ANG NAKABABAHALANG BILANG NG MGA GURONG TUMUNGO SA IBANG BANSA UPANG MAGKAROON NG PRODUCTIVE EMPLOYMENT AY NAGRERESULTA NG TINATAWAG NIYANG SYSTEMATIC DEGRADATION NG MGA DI-KALIDAD NA GURO SA ATING BANSA.

IMBIS NA IPATUPAD ANG KALAKARAN NG ESTADOS UNIDOS NA BAYARAN ANG MGA PAGKAKA-UTANG NG EDUCATIONAL LOAN BENEFICIARIES SA PAMAMAGITAN NG CASH, IPINANUKALA UMANO NIYA NA ITO AY DAPAT BAYARAN LAMANG NG SERBISYO NG PAGTUTURO SA MGA FAR-FLUNG AREAS.

30% BAHAGI NG NATIONAL BUDGET PARA SA MINDANAO, I-RELEASE NA

NANAWAGAN KAHAPON ANG MGA KONGRESISTA SA BUONG KAPULUAN NG MINDANAO, SA PANGUNGUNA NI HOUSE SPEAKER PROSPERO NOGRALES, PARA SA AGARANG PAG-RELEASE NG 30% BAHAGI NG BUONG PULO NA LUMP SUM NA NAGKAKAHALAGA NG P1.227 TRILYON MULA SA NATIONAL BUDGET UPANG MA-UMPISAHAN NA ANG TRANSPORMASYON NG PULO BILANG FOOD BASKET NG BANSA.

SINABI NI NOGRALES NA BAGAMAT MAY MGA KUMAKALAT AT PINALALAKING BALITA NA MAYROONG FOOD SHORTAGE ANG BANSA, ANG TUMATAAS NA PRESYO NG MGA BILIHING PRODUKTONG PAGKAIN AY HINDI NA RIN NAPIPIGILAN AT ANG TANGING PARAAN LAMANG UPANG MAPATINING ANG PRESYO NG MGA BILIHIN AY ANG PAGPAPATAAS NG PRODUKSIYON NITO SA PAMAMAGITAN NG PAG-MAXIMIZE NG MGA POTENSIYAL NG MINDANAO BILANG AGRICULTURAL HUB.

AYON SA KANYA, ANG BUDGETARY PROVISION PARA SA MINDANAO AY NAILAAN NA NI PANGULONG GLORIA MACAPAGAL ARROYO, SA PAMAMAGITAN NG REKOMENDASYON NG MGA SOLON NG MINDANAO NA KANYANG PINAMUNUAN NOONG SIYA AY MAJORITY FLOOR LEADER PA LAMANG SA DELIBERASYON NG BUDGET 2008. NOONG NAKARAANG TAON.

DAPAT LAMANG UMANONG MAUMPISAHAN NANG MAGAWA ANG PAGPAPATUPAD NG KANILANG PLANONG GAWING SENTRO PARA SA PRODUKSIYON NG PAGKAIN ANG BUONG KAPULUAN NG MINDANAO SA LALUNG MADALING PANAHON.

PAGGAYA NG MAY PUNTONG PAGSALITA, GAGAWING CRIMINAL OFFENSE

ANG PANGGAGAYA NG PAGSASALITA NG ISANG TAO LALU NA KUNG MAY PUNTO ITO NA MAY DALANG PANG-IINSULTONG AY MAAARI NANG DAHILAN NA MAIKULONG ANG TAONG GUMAGAYA NITO.

ITO ANG LAYUNIN NG INIHAING PANUKALANG BATAS NI LANAO DEL SUR REP FAYSAH DUMARPA, ANG HB00948, NA INAPRUBAHAN NA NG HOUSE COMMITTEE ON NATIONAL CULTURAL COMMUNITIES NA PINAMUNUAN NI BENGUET REP SAMUEL DANGWA, UPANG TALAKAYIN NA SA PLENARYO.

SINABI NI DUMARPA NA ANG KANYANG BILL AY NAGLALAYONG IPAGBAWAL ANG RELIGIOUS O RACIAL DISCRIMINATION LABAN SA MUSLIM AT IBA PANG MIYEMBRO NG CULTURAL COMMUNITIES.

PAPATAWAN ANG SINUMANG LALABAG SA NATURANG BATAS NG MULTA NA MAGMULA P200 HANGGANG P6,000 O DILI KAYA AY ARRESTO MAYOR NA ANG IBIG SABIHIN AY PAGKAKAKULONG NG ISA HANGGANG ANIM NA BUWAN O DILI KAYA AY PRISION CORRECTIONAL, ANIM NA BUWAN HANGGANG ANIM NA TAONG PAGKAKAKULONG.

MALIBAN SA MIMICKING O PAGGAYA NG ISANG TAO, ANG TAONG NAGKAKASALA AY PAPATAWAN DIN NG MGA NABANGGIT NA KAPARUSAHAN KUNG ITO AY NAGSASAGAWA NG UNNECESSARY, UNJUSTIFIED, ILLEGAL AT DEGRADING SEARCH SA KADAHILANAN LAMANG NG KANYANG PANANAMIT, RELIHIYON, KULAY, CREDO AT ETHNIC IDENTITY.

ANG PAG-DISCRIMINATE NG TAO NA NAG-AAPPLY PARA SA ISANG TRABAHO, AYON PA SA KANYA, DAHIL LAMANG SA KANYANG PANGALAN, RELIHIYON O ETHNIC BACKGROUND AY MAAARI DING MAGING GROUND PARA MAKULONG ITO.

IDINAGDAG PA NG SOLON NA ANG KANYANG PANUKALA AY GANAP NA MAG-INSTITUTIONALIZE NG NAKASAAD SA SALIGANG BATAS NA GUMAGARANTIYA NG PANTAY NA PROTEKSIYON AT RELIGIOUS FREEDOM PARA SA LAHAT NG MAMAMAYAN.

MATAAS NA INTERES NG MGA CREDIT CARD, IPAGBAWAL NA

MAMADALIIN NG HOUSE COMMITTEE ON BANKS AND FINANCIAL INTERMEDIARIES ANG PAG-APRUBA NG PANUKALANG BATAS, ANG HB02787 NA INIHAIN NI REP SALVADOR ESCUDERO NA NAGLALAYONG I-REGULATE ANG ABOT-LANGIT NA MGA INTEREST RATE NA KINAKARGA NG MGA CREDIT CARD COMPANY SA KLIYENTE NITO.

SINABI NI ESCUDERO NA DAPAT LAMANG UMANONG IPAGBAWAL NA ANG MGA NAKATAGONG PENALTY O COST NA IPINAPATAW NG MGA KUMPANYA NG CREDIT CARD, MGA BANGKO AT IBA PANG MGA KAHALINTULAD NA INSTITUSYON.

AYON KAY ESCUDERO, INIHAIN NIYA ANG NABANGGIT NA PANUKALA BATAY SA PAG-AARAL NA NAGSASABING ANG MGA BANGKO AY NAGKAKAROON NG GINANSIYA NA UMAABOT SA PINAKAMATAAS NA ANTAS SA NAKARAANG LIMANG TAON DAHIL SA TINATAWAG NA CREDIT CARD DEBT AND PERSONAL BANKRUPTCIES.

BATAY UMANO SA NABANGGIT NA PAG-AARAL, PARAMI NG PARAMI SA MGA CREDIT CARD HOLDER ANG HINDI NA NAKAKAPAG-MANAGE NG KANILANG MGA PANANALAPI NA RESULTA NG PAGKAKA-UTANG SA CREDIT CARD.

TINUKOY NI ESCUDERO ANG MGA SHOCKING NA KARANASAN NG MGA FIRST TIME CREDIT CARD HOLDER MATAPOS NILANG MATANGGAP ANG KANILANG PINAKA-UNANG STATEMENT OF ACCOUNT DAHIL SA DAMI NG INTERES AT MGA SURCHARGE NA IKINAKARGA RITO.

MAARI UMANONG PINA-WALANG BISA NA ANG USURY LAW NGUNIT HINDI UMANO ITO LISENSIYA SA MGA TAONG MAG-CHARGE NG MGA PROHIBITIVE INTEREST RATE.

IPINANUKALA NI ESCUDERO NA MAGKAROON NG LIMITASYON ANG MGA SURCHARGE AT PENALTY SA PINAKAMATAAS NA ISANG PORSIYENTO KADA BUWAN LAMANG UPANG MAKAPAGTATAG NG ISANG MALUSOG NA ECONOMIC ENVIRONMENT PARA SA IKABUBUTI NG KAPWA CARD HOLDER AT NG CREDIT CARD COMPANY.

DAHILAN NG PAGTAAS NG PRESYO NG KARNENG BABOY AT MANOK, SMUGGLING

NAGBABALA SI PARTY LIST REP NICANOR BRIONES NA MAAARING AABOT SA P200 KADA KILO NG KARNENG BABOY O HIHIGIT PA KUNG HINDI AGARANG MAAKTUHAN NG PAMAHALAAN ANG PAPARAMING PAGPUPUSLIT O SMUGGLING NG NATURANG PRODUKTO AT IBA PANG PRODUKTONG PANG-AGRIKULTURA.

SA ISANG PAGDINIG NG COMMITTEE ON AGRICULTURE HINGGIL SA HR00308 NA KANYANG INAKDA, NANAWAGAN SI BRIONES KAY PANGULONG GLORIA MACAPAGAL-ARROYO NA AGARANG SERTIPIKAHAN BILANG ISANG URGENT BILL ANG HB00015 NI QUEZON REP LORENZO TANADA III AT ANG HB03115 NA KANYA RING INIHAIN NA MAY LAYUNING MAGTATAG NG PREVENTIVE MEASURES SA PAMAMAGITAN NG PAGGAWAD NG MAS KLARO AT TRANSPARENT NA MGA PAMANTAYAN O RULES AND REGULATIONS AT PAGPAPA-IGTING NG PAPEL NG PRIBADONG SEKTOR HINGGIL SA NABANGGIT NA KATIWALIAN.

AYON KAY BRIONES, DAHIL SA WALANG HUMPAY NA SMUGGLING NG MGA INANGKAT NA KARNENG MANOK AT BABOY, ISDA AT MGA GULAY SA IILANG MGA DAUNGAN KAGAYA NG CLARK, SUBIC, NORTH AT SOUTH HARBOR SA MANILA, CEBU AT BATANGAS, ANG CONCERNED NA MGA LOKAL NA INDUSTRIYA AY MATINDING NAAAPEKTUHAN SA KANILANG MGA PRODUKTO AT KANILANG IBINIBENTA NA LAMANG SA MABABANG HALAGA ANG KANILANG MGA PRODUKTO.

ANG FARMGATE PRICE DAW NG KARNENG BABOY, DAGDAG PA NG SOLON, AY P70 LAMANG KADA KILO NOONG MAYO NG NAKARAANG TAON NGUNIT ANG PRODUCTION COST NITO AY UMABOT SA P85 KADA KILO KAYA NAG-SHIFT NA LAMANG SA IBANG NEGOSYO ANG MGA NEGOSYANTE DAHIL NGA SA TUMATAAS NA GASTUSIN SA KANILANG PAG-PRODUCE NG KARNE.

ANG MGA MAGSASAKA NG BIGAS AT GULAY AY KAKAUNTI NA LAMANG UMANO ANG KANILANG PRODUKSIYON HABANG ANG IBA NAMAN AY NAG-DIVERSIFY NA LAMANG DAHIL SA KAKULANGAN NG SAPAT NA SUPORTA GALING PAMAHALAAN AT DAHIL NA RIN MISMO SA SMUGGLING.