Economic sabotage, ituturing nang isang malaking krimen

Isinulong ngayon ng isang bagitong mambabatas sa Kamara ang pagkakapasa ng panukalang batas na magpoproteksiyon sa mga pang-ekonomiyang impormasyon ng bansa, kasama na ang hinggil sa komersiyal, pangangakalakal at trade secrets at pagpapataw ng kaparusahan sa aktong economic sabotage, pagnanakaw, misappropriation at tiwaling paggamit ng mga ito.

Sinabi ni Camarines Sur Rep Diosdado Dato Arroyo na ang kasalukuyang umiiral na mga batas sa bansa hinggil dito ay hindi nagbibigay ng sapat na proteksiyon sa mga proprietary economic information.

Ayon kay Arroyo, ang kanyang panukala, ang HB06485, ay may layuning mahadlangan ang tinatawag na economic sabotage sa pamamagitan ng pagpapaibayo at tamang paggamit ng mga proprietary information ng bansa sa pamamagitan ng pagprotekta ng mga ito sa pagnanakaw, wrongful destruction at conversion nito ng ilang mga banyagang pamahalaan.

Importanteng umanong maproteksiyunan ang mga naturang impormasyon na minamay-ari ng pamahalaan laban sa mga tiwaling indibidwal na layun lamang na nakawin ang mga ito at gamitin sa masamang layunin lalu na ng mga foreign governments, ng kanilang mga ahente o corporate entities na siyang maging dahilan ng kalugihan sa pambansang ekonomiya na aabot sa milyun-milyong piso bawat taon.

Ang pagpapaibayo ng proprietary economic information, dagdag pa ni Arroyo, ay mahalaga at importanteng bahagi sa pagpapausbong ng negosyo at komersiyo ng bansa.

Ang kanyang panukala ay tataguriang “Economic Espionage and Protection of Proprietary Information Act of 2009” na siyang magmimintina ng confidentiality ng mga impormasyon na tinukoy bilang highly classified information para sa trade at business.

Biyahe sa Amerika, opisyal at hindi junket

Upang tuldukan na ang kontrobersiya tungkol sa pagbisita sa Estados Unidos ng mga Filipinong opisyal, dalawang mambabatas ang nangakong bayaran na lamang nila ang kanilang mga nagastos sa kanilang biyahe para matapos na ang isyu hanggil dito.

Sinabi nina Manila Rep Bienvenido Abante at Batangas Rep Hermilando Mandanas na hindi naman ito big deal para sa kanila na akuin ang gastos ng kanilang biyahe.

Ngunt igiit nina Abante at Mandanas na ang kanilang pagsama kay Pangulong Gloria Macapagal Arroyo sa Amerika ay opisyal na trabaho at hindi isang junket lamang ayon sa naiulat.

Samantala, sinabi naman ni Quezon Rep Danilo Suarez na ang pangatlong dinner ng grupo ng Pangulo sa isang upscale restaurant na Bouley sa New York ay tinatawag niyang isang magarbo.

Hindi naman daw masyadong maluho ang lugar at hindi niya alam kung sino ang nagbayad para sa hapunang iyon, ayon pa kay Suarez

Matatandaang inamin ni Suarez na binayaran niya ang $15,000 na hapunan sa Bobby Van’s steakhouse sa Washington DC matapos makipagpulong si Pangulong Arroyo kay US President Barack Obama.

Maliban dito, ang unang hapunan ay naganap sa le Cirque restaurant sa New York na binayaran naman diumano ni Leyte Rep Martin Romualdez.

Sa bahagi naman ni Mandanas, sinabi ng mambabatas na susundin nila ang Speaker hinggil sa mga administrative matter.

Karagdagang benepisyo para sa mga sundalo ng AFP at sa kanilang dependents, isinusulong

Ipinursige ngayon ni House Deputy Majority Leader at Aurora Rep Juan Edgardo Angara ang pagkakapasa ng panukala na may layuning daragdagan ang benepisyo ng mga military personnel at ang kanilang mga dependent na ayon sa kanya ay mga tagapagtanggol ng bansa at marapat lamang na magawaran ng sapat na social services at pinalawig na benepisyo.

Sinabi ni Angara na ang kanyang inihaing HB00146 na tataguriang Military Dependent’s Benefits Act ay bilang pagtanaw ng Estado sa mga miyembro ng armed forces partikular na rito ang mga na-assign sa combat zones na walang patumangging nag-alay ng kanilang mga buhay madepensahan lamang ang mga mamamayan laban sa mga armadong insurektos, terorista at mga kriminal

Ayon sa kanya, ang pagiging sundalo ay ang pinaka-delikado trabaho lalu na dito sa bansang Pilipinas kung saan na palaging nasa pakikipaglaban sila laban sa mga insurgent, terrorist at armed bandits kung kayat marapat lamang na tatanawin ang kanilang pakikipaglaban dito sa pamamagitan ng pagtanaw ng kanilang mga sakripisyo para sa kapakananng mga mamamayan.

Layunin ng HB00146 na i-instutionalize ang mga benepisyong kalusugan, pabahay at edukasyon para sa mga military personnel at para sa kanilang mga dependent.

Sobrang mahal ng ibinibentang mga makabagong taxi meter

Tinatayang aabot sa halagang P322 milyon ang kinita ng mga importer ng taxi meter-issuing receipt base sa 43,000 taxi units sa buong bansa.

Sinabi ni party-list Rep Vigor Mendoza na umaabot ng P15,800 ang bentahan ng taxi meter-issuing receipt imbes na P7,500 lang ang isang unit.

Ayon sa kanya, bagamat hindi pa ganap na ipinatutupad ang pagbibigay ng resibo sa mga pampublikong taxi, naging talamak na ang pag-monopolya sa importasyon at suplay ng taxi meter-issuing receipt, tumaas ng 100 porsiyento na ikinabahala ng mga taxi operator.

Dahil dito, naghain si Mendoza ng isang resolusyon, ang HR01230, para imbestigahan ng Kamara ang cartel o pag-monopolya sa importasyon ng taxi meter-issuing receipt.

Nalaman aniya na isa hanggang dalawa lamang ang kompanya na nag-iimport ng taxi meter issuing receipt na nag-monopolya sa bentahan nito sa napakalaking halaga.

Kamakailan lamang ay pinayagan ng Land Transportation Franchising and Regulatory Board (LTFRB) ang paggamit ng Bureau of Internal Revenue-accredited taxi meter-issuing receipt para sa lahat ng taxi sa buong bansa.

Sobrang mahal ng ibinibentang mga makabagong taxi meter

Tinatayang aabot sa halagang P322 milyon ang kinita ng mga importer ng taxi meter-issuing receipt base sa 43,000 taxi units sa buong bansa.

Sinabi ni party-list Rep Vigor Mendoza na umaabot ng P15,800 ang bentahan ng taxi meter-issuing receipt imbes na P7,500 lang ang isang unit.

Ayon sa kanya, bagamat hindi pa ganap na ipinatutupad ang pagbibigay ng resibo sa mga pampublikong taxi, naging talamak na ang pag-monopolya sa importasyon at suplay ng taxi meter-issuing receipt, tumaas ng 100 porsiyento na ikinabahala ng mga taxi operator.

Dahil dito, naghain si Mendoza ng isang resolusyon, ang HR01230, para imbestigahan ng Kamara ang cartel o pag-monopolya sa importasyon ng taxi meter-issuing receipt.

Nalaman aniya na isa hanggang dalawa lamang ang kompanya na nag-iimport ng taxi meter issuing receipt na nag-monopolya sa bentahan nito sa napakalaking halaga.

Kamakailan lamang ay pinayagan ng Land Transportation Franchising and Regulatory Board (LTFRB) ang paggamit ng Bureau of Internal Revenue-accredited taxi meter-issuing receipt para sa lahat ng taxi sa buong bansa.

Sobrang mahal ng ibinibentang mga makabagong taxi meter

Tinatayang aabot sa halagang P322 milyon ang kinita ng mga importer ng taxi meter-issuing receipt base sa 43,000 taxi units sa buong bansa.

Sinabi ni party-list Rep Vigor Mendoza na umaabot ng P15,800 ang bentahan ng taxi meter-issuing receipt imbes na P7,500 lang ang isang unit.

Ayon sa kanya, bagamat hindi pa ganap na ipinatutupad ang pagbibigay ng resibo sa mga pampublikong taxi, naging talamak na ang pag-monopolya sa importasyon at suplay ng taxi meter-issuing receipt, tumaas ng 100 porsiyento na ikinabahala ng mga taxi operator.

Dahil dito, naghain si Mendoza ng isang resolusyon, ang HR01230, para imbestigahan ng Kamara ang cartel o pag-monopolya sa importasyon ng taxi meter-issuing receipt.

Nalaman aniya na isa hanggang dalawa lamang ang kompanya na nag-iimport ng taxi meter issuing receipt na nag-monopolya sa bentahan nito sa napakalaking halaga.

Kamakailan lamang ay pinayagan ng Land Transportation Franchising and Regulatory Board (LTFRB) ang paggamit ng Bureau of Internal Revenue-accredited taxi meter-issuing receipt para sa lahat ng taxi sa buong bansa.

Mabilis na pag-release ng mga retirement benefits, aprubado na sa Kamara

Inaprubahan na sa ikatlo at pinal na pagbasa sa Kamara de Representantes bago pa man mag-adjouorn ang 2nd regular session, ang panukalang mag-uutos sa lahat ng mga tanggagapng pamahalaan na seguraduhing i-release ang retirement benefits ng kanilang empleyado sa loob ng labinglimang araw matapos ang mga ito mag-retire.

Sinabi ni Paranaque Rep Roilo Golez na ang HB06096 ay mag-papataw ng kaparusahan sa sinumang mabigong ipatupad ang nasasaad sa panukala sa sandaling maging batas na ito.

Ayon kay Golez, ang pangulo o hepe ng tanggapang pamahalaan na bigong mag-comply sa mga pobisyon ng batas ay paparusahan ng anim na buwang suspensiyon na walang suweldo.

Idinagdag pa ni Gole na inatasan sa panukala ang hep eng tanggapan para ma seguro ang release ng lahat na mga retirement benefit at gratuities ng mga empleyado sa loob ng compulsory o optional retirement man sa loob g labinglimang araw.

Naniniwala si Golez na ang panukalang ito ang maging solusyon sa mga problemang pagkakaantala ng release nga mag benepisyo sa mga nagretirong empleyado ng pamahalaan sa kadalasang naging mga pagyayari.

Tinukoy ni Golez ang mga patakaran ng Government Service Insurance System o GSIS kung saan ang isang claimant ay maaari nang kumuha ng kanyang retirement benefits sa loob ng apat na araw.

Inaantabayanan na lamang ngayon ang pagkakapasa sa Senado ng naturang panukala bago ito lagdaan ng Pangulo upang maging ganap na batas.

Rekonsilyasyon sa pagitan ng mga Aquino at mga Marcos, posible

Ang ipinakitang kilos ng mga miyembro ng mga pamilyang Aquino at Marcos sa burol ng yumaong dating Pangulong Cory Aquino ay isang magandang pangitain tungo sa posibleng rekosiliyasyon ng dalawang angkan.

Sa isang pulong-balitaan kahapon, pinapurihan ni Paranque Rep Roilo Golez ang dalawang pamilya at sinabing si Cory ay tunay na nanatiling isang bukal ng pagkakaisa at inspirasyon at ang ikinilos ng dalawang panig ay isang magandang aksiyon.

Matatandaang noong nakaraang Martes, si Ilocos Norte Rep Ferdinand Bongbong Marcos at dating Rep Imee Marcos ay bumisita sa burol ni Gng Aquino upang magpaabot ng kanilang tunay na pakikiramay at simpatiya sa pamilya.

Ang mga Marcos ay tinanggap ni Ballsy, ang panganay na anak nina ex-President Aquino at dating Sen Benigno Ninoy Aquino, Jr.

Naniniwala din si Golez na ang pagtanggap naman ni Sen Benigno Noynoy Aquino III kay Pangulong Arroyo na bumisita rin sa lamay ay isa namang magandang sinyales na ipinakita ng nakababatang Aquino bilang isang tao at pulitiko.

Karta ng Philippine Retirement Authority, aamiyendahan

Isinusulong ngayon sa Kamara de Representantes ang panukalang batas na mag-aamiyenda ng karta ng Philippine Retirement Park System, o ang Philippine Retirement Authority (PRA) upang ito iayon sa kasalukuyang panahon.

Sinabi ni Oriental Mindoro Rep Rodolfo Valencia, may akda ng HB02782, na layunin ng kanyang panukalang na tugunan ang pakay ng pamahalaan na paunlarin at itaguyod ang Pilipinas bilang isang paraiso ng mga nagreretiro maging ng mga dayuhan o mga Pilipinong mula sa ibang bansa.

Ayon kay Valencia, layunin ng panukalang ito na amiyendahan ang EO No. 1037 Series of 1985, na naglalayong madagdagan ang lokal na trabaho ng bansa at ang pagpasok ng salapi mula sa ibang bansa sa pamamagitan ng paninirahan dito ng mga retiradong dayuhan.

Sa ganitong paraan daw sisigla ang palitan ng dolyar at ng ibang salapi sa loob ng bansa at magiging masigla rin daw ang ekonomiya at teknolohiya ng Pilipinas.

Naniniwala si Valencia na napapanahon na upang amiyendahan na ang nabanggit na batas na may 20 taon na ring pinaiiral at hindi pa naiaangkop sa kasalukuyang panahon at kapag naamiyendahan na ito ay magkakaroon ng mas malinaw, mas angkop sa kasalukuyang panahon at mas matatag na batas at alituntunin para sa bansa at sa mga dayuhang posiblenbg dito na magretiro sa Pilipinas, at kung papaanong mas magiging kapakipakinabang para sa bayan.

Ayon kay Valencia gagawing pang-engganyo sa mga dayuhang nagbabalak na magretiro dito sa bansa ang pagkakaroon ng magandang klima ng bansa, mababang bilihin o low dollar cost of living and services, ang pagiging bukas-palad ng mga Pilipino sa pakikipag-kaibigan, pagiging magalang at marespeto sa mga nakakatanda, at pagiging matatas sa pagsasalita ng wikang English.

Gagamitin na ring pang-engganyo sa mga dayuhan upang piliin nila ang Pilipinas para sa kanilang pagreretiro ang mga hospital at mga pasilidad pangmedikal ng bansa na maaaring makatulong upang lalong pagyamanin ang ekonomiya ng bansa.

Sa panukalang ito, papayagan din na magkaroon ng permanenteng residence status ang principal PRA program applicant kasama ang kanyang asawa at isang minor de edad na anak, at sila ay hindi pagbabayarin ng import duties at buwis.

Kamara de Representantes, nagpahayag ng pakikiramay sa pagyao ni Cory.

Nag-alay ng kanilang pagpapahayag ng pakikiramay at simpatiya sa pamilya ni dating Pangulong Corazon “Cory” Aquino ang mga mambabatas sa Kamara de Representantes sa pangunguna ni House Speaker Propero Nograles.

Inihain kaninang umaga sa pag-bukas ng tanggapan ng Bills and Index Service ng House Secretariat ang dalawang resolution, nauna ang kapasyahang inakda ni Speaker Nograles,ang House Resolution No. 1299 na kasama sina Majority Floor Leader Arthur Defensor, San Juan Rep Ronaldo Zamora at CIBAC Party-list Rep Joel Villanueva at ang pangalawang resolution, ang House Resolution No. 1301 na naman iniakda ni Palawan Rep Abraham Mitra.

Alinsabay sa paghain ng mga nabanggit na resolusyon ay ang kapasyahan, House Resolution No. 1300 na nagpapahayag ng papuri, pagbunyi at pasasalamat ng Kongreso at ng buong sambayanan para sa yumaong dating Pangulong Cory dahil sa kanyang sakripisyo at walang patumangging pagsumikap upang makamtan ang minimithing demokrasya ng bansa na siya namang iniakda rin ni Nograles at ng lahat na mga mababatas bilang mga co-author.

Nakatakdang aprubahan sa plenaryo mamayang hapon ang mga nabanggit na resolusyon upang tuluyang maibigay ang mga ito sa mga miyembro ng pamilya ng namayapang dating pangulo ng bansa na tinaguriang Ina ng Demokrasya.

“Former President Corazon C. Aquino’s greatness lies in her profound love of God and country,” pahayag pa ni Nograles.

Paalam, Tita Cory...