Mga prepaid SIM card at social media accounts, kailangang i-rehistro

Sa pagpupulong ng Technical Working Group (TWG) ng committee on Public Order and Safety ng Kamara, sa pamumuno ni Manila Rep Manny Lopez, na tumatalakay ng mga mapanghasik na mga bomb threat sa mga pampublikong lugar na patuloy na nananakot at umi-estorbo sa mga pang-araw-araw na buhay ng mga mamamayan.

Sinabi ni Lopez na marapat lamang umanong i-rehistro ang lahat na mga SIM card at mga social media account ng mga gumagamit nito kung kaya’t naghain siya ng panukalang naglalayong magbigay ng 30 araw upang iparehistro ang mga SIM card at pagbibigay ng kaukulang parusa sa mga lalabag nito upang makapagpatuloy gumamit sila ng mga account nila sa Facebook, Instagram, Twitter at sa mga kagaya nitong social media.

Lahat ng mga nabanggit na platform ay uutusang makapag-labas ng madaling mapuntahang registration center upang ang lahat na mga Filipinong rehistradong gumagamit ng mga ito ay makapag-bibigay ng impormasyon para ma-validate ang kanilang mga account.

Ang mga account user, batay sa panukala, ay kailangang magrehistro sa loob ng 30 araw para hindi ma-deactivate ang kanilang mga account.

Ang panukala ay inihain sa layuning magkaroon ng mabilis pagta-track down ang mga tiwaling indibidwaa na gumagamit ng mga nabanggit na platform at mapatawan ng karampatang kaparusahan sa kanilang paglabag sa batas.