Walang pork barrel sa 2020 proposed national budget - DPWH

Mariing itinanggi ni Public Works Secretary Mark Villar na may nakapaloob na pork barrel sa ilalim ng 2020 proposed national budget.

Sa pagharap ni Public Works Secretary Mark Villar sa budget hearing ngayong araw, personal nitong sinagot ang tanong ni House Speaker Alan Peter Cayetano at iginiit na pork barrel free ang P534. 29 Billion (P454.79 B in 2019) na pondo ng ahensya.

Bukod sa pork barrel, sinabi din ni Villar na walang parked funds sa loob ng pambansang pondo at tiniyak na walang ganitong sistema na iiral sa spending bill.

Batay sa proposal ng DPWH, nasa P37. 2 Billion ng pondo nito ay mapupunta sa NCR, P83. 9 Billion sa mga rehiyon ng Northern Luzon, P79.9 Billion sa Southern Luzon, P65.3 Billion sa Visayas at P140.11B naman sa Mindanao.

Mayorya naman ng pondo ay mapupunta sa mga road projects sa buong bansa, bukod pa sa mga flood control projects at mga proyektong sakop ng build build build program ng administrasyon.