Nakasalalay sa mga STL ang pinakamalaking kita ng PCSO operations

Inamin ni Philippine Charity Sweepstake Office (PCSO) General Manager Royima Garma na nagmumula  sa   mga Small Town Lottery ( STL) operations ang  pinakamalaking kita ng PCSO.

Sa pagharap ni Garma sa ikalawang araw ng budget hearing ng Committee on Appropriations sa kamara, sinabi nito na  pinakamalaking revenue ng PCSO o 52% ay nagmumula sa STL operations na aabot sa P12.6 Billion. 

Aniya pumangalawa lamang ang Lotto na may P10.9 Billion na nasa 41% habang 5% lamang sa Keno at other games at 2% naman sa instant sweepstakes. 

Sa datos na ipinakita ng opisyal sa pagpadinig 55% na kita ng ahensya ay napupunta sa premyo, 35% sa mga charity programs habang ang natitirang 15% naman  ay napupunta sa PCSO. 

Bumaba naman sa P24.6 Billion ang na-generate na kita ng PCSO sa unang kalahati ng 2019 o mula January hanggang June, malayo pa ito kumpara sa P63.6 Billion na naabot na revenue ng ahensya noong 2019. 

Kabilang sa mga pondong pinopondohan ng PCSO ay  individual medical assistance program, procurement medical equipment program, AFP and PNP capability project, calamity assistance program, milk feeding program, medical transport donation program, outpatient services, multi specialty clinics, medical-dental special mission at auxiliary ambulance.