Budget hearing ng DND, pinaumpisahan na kahapon

Isinalang na sa paghimay ng Kamara de Representantes ang mahigit 258 billion pesos na budget ng Department of National Defense para sa taong 2020. 

Hinati ang nasabing budget sa personnel services na may alokasyon na mahigit 119 billion pesos, capital outlay - 28 billion 831 million 396 thousand pesos, MOOE - 40 billion plus at pension na mahigit 69 billion pesos. 

Nadagdagan ang 2020 budget ng DND ng 2.43 billion pesos kumpara sa budget para sa kasalukuyang taon.

Karamihan sa mga dumalong kongresista ang sumuporta sa pag-aapruba ng Budget 2020 ng DND upang matamo ang kapayapaan at kaunlaran ng bansa sa pamamagitan ng pagkakaroon ng seguridad sa bansa. 

Samantala, muli namang sinabi ni Lorenzana na napapanahon na umano upang talakayin sa China ni Pangulong Rodrigo Duterte ang arbitration ruling sa isyu ng West Philippine Sea.