Sandra Cam, galit dahil hindi ito nakapagsiwalat sa hearing ng komite

Hindi nagtagumpay ang PCSO Board Member na si Sandra Cam sa pagsiwalat sa hearing kaninang umaga sa Kamara de Representante ang umanoy patuloy na korapsyon sa PCSO.

Tinapos kaagad ang hearing matapos itong i-adjourn ng House Committee on Games and Amusement at hindi naisiwalat ni Cam ang mga hawak niyang ebidensya na magpapatunay ng patuloy na korapsyon sa PCSO.

Sinabi ni Cam na dismayado siya sa takbo ng hearing dahil bigo ito na ilahad ang kaniyang mga nalalaman.

Ayon naman kay Committee on Games and Amusement Chairman Congressman Eric Yap, hindi akma sa agenda ng hearing ang nais na pagsisiwalat ni Cam dahil nakatuon ang organizational meeting na iyon ng komite.

Sinabi din ni Yap na hindi nito alam ang balak ni Cam na pagbubulgar sa hearing kaya nag-adjourn agad ang komite.