Pangalan ng Camp Aguinaldo, papalitan ayon sa panukala

Iminungkahi ni Deputy Speaker at Surigao del Sur Rep. Johnny Pimentel ang pagpapalit ng pangalan ng national headquarters ng Armed Forces of the Philippines o AFP na Camp General Emilio Aguinaldo sa Camp General Antonio Luna.

Ang hakbang ni Pimentel ay bilang pagbibigay karangalan kay Antonio Luna.

Layunin ng panukala ni Pimentel, ang House Bill 4047, na amiyendahan ang Republic Act 4434 o ang batas na nagpapalit ng pangalang Camp Frank Murphy sa Camp General Emilio Aguinaldo noong 1965.

Ang panukala ay inihain ng mambabatas noong Agosto a20 ngunit inilabas lang ito sa gabi ng paggunita ng National Heroes Day.

Sa ilalim ng panukala, si Luna ay inilarawan ng mga historian bilang pinakamagaling at may kakayahang Filipino general noong Philippine-American war.