Pagbibigay-pugay ni Magsasaka partylist Rep Argel Cabatbat sa paggunita ng Araw ng mga Bayani

Ngayong araw na ito, Ika-26 nga Agosto, tayo ay nagbibigay-pugay tayo sa mga bayaning Pilipino. 

Sa kasaysayan ng ating bayan, sila ang mga taong walang pagdadalawang-isip sa pagbibigay ng kanilang lakas, karunungan, at buhay upang masiguro ang kalayaan at kinabukasan ng bansa. 

Sila ay mga ordinaryong mamamayan noong kanilang panahon: mga manggagamot na tumulong sa mga sugatan, mga magsasakang nagbigay ng pagkain, at mga maybahay na nagbukas ng kanilang mga tahanan para sa ating mga kababayan. 

Ang diwa ng kanilang pagiging bayani ay nasa ating dugo, lalo na sa ating mga magsasakang buong araw na nagbubungkal ng lupa upang matiyak na mayroong pagkain ang bawat pamilyang Pilipino.

Kung sino ang mga pinakagutom, pinakalugi sa batas, at pinakalugmok sa kahirapan ay sila pang nagpapamalas ng pambihirang kabayanihan. 

Gaya ng ating mga bayaning nagsakripisyo upang makita natin ang soberanya ng isang malaya at maunlad na bansa, sama-sama nating pagtulungang ipagtanggol ang kapakanan ng ating mga magsasaka at iba pang mahihirap na kababayan. 

Makabuluhang araw ng mga bayani!