Bagong alegasyon ng korapsiyon ni Cam laban sa PCSO, inisnab ni GM Garma

Tumanggi si PCSO General Manager Royima Garma na magkomento sa panibagong alegasyon ng korapsyon ni PCSO Board Member Sandra Cam sa kanilang tanggapan.

Sinabi ni Garma na hindi muna ito magkokomento hanggat hindi naririnig ang mga ebidensyang hawak ni Cam na magpapatunay sa umanoy patuloy na korapsyon sa PCSO.

Punto pa ni Garma na kung may sapat na ebidensya si Cam ay idaan na lamang nito sa due process ang pagsasampa ng kaso sa tamang judicial body kontra sa mga sangkot na opisyal.

Samantala, iginiit ni Garma na nakatuon ang kaniyang liderato sa pagsasa-ayos sa services at mga palaro ng PCSO at hindi sa laban kontra korapsyon.

Tiniyak ni Garma na tatalima sila sa lahat ng mga imbestigasyon na ipapatawag ng kongreso hinggil sa lahat ng isyung bumabalot ngayon sa PCSO.