Kinasangkutan ng M/V Lite Ferry na nasunog sa laot habang papunta ng Dapitan City, pina-iimnestigahan

Nananawagan ngayon si Marino Partylist Rep. Sandro Gonzalez sa Philippine Coast Guard (PCG) na imbestigahan ang insidenteng kinasangkutan ng M/V Lite Ferry na nasunog sa laot habang papunta ng Dapitan City.

Ayon kay Gonzalez, dapat mapanagot ang mga nagkulang sa insidente na nagresulta sa pagkasawi ng 3 katao at nakaapekto sa mahigit dalawandaang iba pa.

Punto pa ng kongresista, dapat na-aagapan agad ang ganitong mga trahedya sa laot na kung saan nadadamay ang buhay ng mga inosenteng pasahero.

Matatandaang nadiskubre ng PCG na mayroon lamang umanong 137 na pasahero ang barko batay sa ipinadalang manifesto ngunit nakapagtatakang umabot sa 245 ang mga nailigtas na pasahero.

Sa huli, nagpa-abot ng pakikiramay ang kongresista sa pamilya ng mga nasawing biktima ng malagim na trahedya sa karagatan.