Mainit na pagsalubong!

Ang pang-apat na highest-ranking official ng bansa na si House of Representative Speaker Pantaleon Alvarez at ang labindalawang kanyang mga kasamahang mambabatas ay malugod at mainit na tinanggap ng mga mamamayan ng Oriental Mindoro noong madaling araw ng ika-17 ng Marso 2017 at ng mga ama at haligi ng lalawigan na sina Rep Reynaldo Umali, Rep Doy Leachon, Gov Alfonso Leachon at ang iba pang mga opisyal ng pamahalaan ng lalawigan.

Ang pagbisita ng delegasyon ay tinaguriang the First House of Representatives Western and Eastern Nautical Highway Expidition – kasama ang Calapan, Oriental Mindoro bilang pinaka-unang point of entry via Batangas port.

Sinabi ni Committee on transportation chairman Catanduanes Rep Cesar Sarmiento, ang sampung araw na inspection tour ay inaasahang magkapag-bigay sa mga mambabatas ng first hand perspective hinggil sa estado ng Roll On-Roll off (RORO) projects ng pamahalaan, ang kondisyon ng road network at ng transportation system ng mga lalawigan.

Ayon pa kay Sarmiento, habang ang 2018 budget season ay nalalapit na, nais muna daw nilang madetermina kung mayroong potensiyal at existing infrastructure at tourism projects ay may mga pangangailan pa ng suportang pondo galing sa national budget.

Ang iba pang mga miyembrong sumasama sa caravan ay sina Deputy Speaker at Batangas Rep Roneo Abu, Deputy Speaker at South Cotabato Rep Ferdinand Hernandez, Majority Floor Leader at Ilocos Norte Rep Rodolfo Farinas, Deputy Majority Floor Leader at Pampanga rep Juan Pablo Rimpy Bondoc, Public Works Committee Chairman at Zamboanga City Rep Celso Lobregat, Good Government Committee Chairman at Surigao del Sur Rep Johnny Pimentel, Zmboanga City Rep Manuel Jose Dalipe, Misamis Occidental Rep Henry Oaminal, Samar Rep Edgar Sarmiento, Negros Oriental Rep Arnolfo Teves, at Welfare of Children Committee Chairperson at Zamboanga del Sur Rep Divina Grace Yu.