Buksan ang mabuhay lanes sa mga light truck – Cong Belaro

Sinabi ni 1-Ang Edukasyon partylist Rep Salvador Belaro na dapat i-advise ang mga light truck na ipinagbabawal sa EDSA, magmula noong Marso a-15 hanggang a-15 ng Hunyo, na pumasok sa mga Mabuhay Lanes at iba pang mga roadway links.

Ayon kay Belaro, ang pagtulong sa mga maliliit na truck para makapag-navigate ay makapagbibigay pa ng binipisyo sa operasyon ng mga maliliit ding mga negosyo at ang kanilang mga income ay hindi pa masyadong maapektuhan at mahahadlangan din ang posibleng pagka-wala ng mga trabaho.

Nagkataong si Belaro ang may-akda ng HB04240 o ang panukalang Small Trucks for Business Mobility Act.

Iminungkahi ni Belaro sa MMDA at sa grupo ng mga freigth forwarder na mag-devise ang mga ito ng technical na mga pamamaraan upang mapabilis ang pagsumite ng mga cargo manifest at iba pang mga dokumento ng mga exempted na truck sa ban.

Kung ma-impormahan umano ang MMDA ng cargo manifest para sa mga scheduled deliveries, ito ay makapag-bibigay ng mabilis na identification ng mga exempted light trucks.

Ayon pa sa kanya, ang mga computer science college ay maaari ding makakatulong sa MMDA sa pag-develop ng mobile applications na magagamit nito sa traffick operations.