Pagbibigay ng insentibo para sa mga indie film, isinusulong

Nagsagawa ng pagdinig ang House committee on public information kamakailan lamang, sa pamumuno ni Act Teacher Rep Antonio Tino, na tumalakay ng mga panukala na umaapekto sa Philippine film industry.

Tinalakay sa nabanggit na pagdinig ang HB01557, HB01570 at HB03134 na may layuning magbibigay ng insentibo sa mga filmmaker ng Philippine independent films na nagbibigay karangalan sa mga notable international film competition.

Isa sa mga insentibo na igagawad sa indie film filmmakers ay P5 milyong sa film production o sa kumpanyang nag-produce ng award-winning full-length feature o documentary film at P3 milyong para sa short feature o documentary film; tax exemption sa screening ng pelikula at sa commercial exhibition at automatic rating grade ng A na magbibigay din ng insentibo sa producer na kayumbas sa amusement tax na ipinapataw at kinokolekta sa mga graded film.

Ang pinaka-objective ng mga panukalang kanilang tinalakay ay upang i-encourage ang mga filmmaker na mag-produce ng quality films, lumahok sa mga film festival at upang makapag-develop at makapag-produce ng indi films.