Pagbabawal ng softdrinks sa mga public school, hiniling sa Kongreso

Maaalis na sa mga canteen ng mahigit sa apatnapu’t anim (46k) na libong mga public school sa buong bansa sa sandaling maapruhan na ang HB04039 na kilalaning “Healthy Drinks in Public Schools Act.”

Sa HB04039 na inihain ni 1-Ang Edukasyon partylist Rep Salvador Belaro, layon nito na mapabuti ang diyeta o diet ng may mahigit sa dalampu’t siang milyong mga Filipinong magaaral nan aka-enrol sa mga public school sa pamamagitan ng pag-regulate, kung hindi man tuluyang maipagbabawal, ang pagbenta ng mga sugar-sweetend beverage kagaya ng softdrinks at energy drinks sa lahat ng mga kantina sa pampublikong elementarya at sekondaryang mga paaralan sa buong bansa.

Ayon kay Rep Belaro, batay sa World Health Organization (WHO) survey na ginanap noong nakaraang taong 2016, natukoy ang sugary drinks kagaya ng softdrinks at energy sports drinks bilang mga major contributor sa obesity o sobrang katabaan at sakit na diabetes.

Sa pangkaraniwan umano, ang isang lata ng isang sugary drinks ay naglalaman ng 40 gramong free sugars ay katumbas sa sampung (10) kutsarita ng table sugar na masyadong mataas sa inirekomenda ng WHO na ang healthy intake lang daw ng asukal sa katawan ay kailangang 5% ng pang-araw-araw na energy intake lamang o katumbas ng 6 na kutsarita ng table sugar.

Nabahala si Belaro na ang mga estudyanteng may subra-sobrang intake ng asukal sa kanilang mga katawan na nakakamit nila dito sa mga unhealthy junk drinks dahil saw ala naman silang opsiyon na inumin sa kanilang mga canteen kundi ang softdrinks lamang.

Didinggin pa ng House committee on basic education and culture ang panig ng mga apektado ng nabanggit na panukala para sa posibleng pagba-ban ng softdrinks sa mga public school kagaya ng mga may-ari ng canteen at mga softdrink companies.