DUKHA AT MAHIHINA, SENTRO NG MGA PROGRAMA SA SONA

“SAPUL NG PANGULO ANG ULO NG PAKO,” ITO ANG NAGING REAKSIYON NI HOUSE SPEAKER PROSPERO NOGRALES SA STATE OF THE NATIONA ADDRESS (SONA) NI PANGULONG GLORIA MACAPAGAL ARROYO AT SINABI NG SPEAKER NA ANG PINAKABUOD NG SONA AY ANG MAMAMAYANG FILIPINO, ANG MGA DUKHA AT MAHIHINA.

AYON SA KANYA, DAPAT UMANONG SALUBUNGIN NG MGA MAHIHIRAP AT MAHIHINA ANG SONA NG PANGULO SAPAGKAT SILA ANG NASA SENTRO NG MGA PROGRAMA NI PANGULONG ARROYO SA KANYANG TALUMPATI SA JOINT SESSION NG KONGRESO.

NAGPAHAYAG ANG LIDER NG KAMARA NG KANYANG MALAKAS AT WALANG PATUMANGGING SUPORTA SA PUNONG EHEKUTIBO SA MAHIRAP NITONG GAWAIN AT HINDI NITO PAGTALIKOD SA KANYANG MGA PROGRAMANG REPORMA SA KABILA NG KASALUKUYANG MGA HAMON NA HINDI LAMANG NAI-EKSPERIYENSIYAN NG BANSANG PILIPINAS KUNDI GANUN NA RIN SA BUONG MUNDO.

SIYA AY TUNAY NA LIDER NG BANSA, DAGDAG PA NI NOGRALES SA PAGPURI SA PANGULO, NA SIYA UMANONG NAGPUPURSIGE SA PAGSASAGAWA NG NARARAPAT NA GAWIN HINDI LAMANG SA MGA POPULAR AT POLITICALLY-SELF SERVING NA SOLUSYON BASTA'T GINAGAWA NIYA ANG TAMA.

IDINAGDAG PA NI NOGRALES NA ANG MGA PROGRAMA SA SELF-SUFFICIENCY SA BIGAS AT SELF-RELIANCE SA ENERHIYA AY ANG MGA SUSI SA SUSTAINABLE NA PROGRESO NA KAILANGAN NG SUPORTA NG BAWAT FILIPINO.

ITO NA UMANO ANG MAG-PAPATATAG SA BANSA UPANG MAIBSAN MAN LAMANG ANG ANUMANG PANDAIGDIGANG KRISI NA KINAKAHARAP NITO, AYON PA RIN SA KANYA.