PAGPAPAIBAYO NG ALTERNATIBONG ENERHIYA, IPINANUKALA

HINIKAYAT NI BULACAN REP VICTORIA SY-ALVARADO ANG PAMAHALAAN NA ITUON NITO ANG MGA INISYETIBO SA PAGHAHANAP NG MGA ALTERNATIBONG PANGGAGALINGAN NG ENERHIYA AT IPUKOS ANG RESEARCH AND DEVELOPMENT PROJECTS NG BANSA TUNGO SA GANITONG GAWAIN UPANG MAHADLANGAN ANG EPEKTO NG PAGTAAS NG PRESYO NG LANGIS SA PANDAIGDIGANG MERKADO. ITO ANG DAHILAN UMANO NG PAGTAAS NG PRESYO NG LANGIS NA UMAAABOT NA SA ANIMNAPUT ISANG PISO BAWAT LITRO NITONG NAKARAANG LINGGO.

SA ISANG PANAYAM, SINABI NI SY-ALVAREZ NA DAPAT UMPISAHAN NA NG MGA FILIPINONG MAGHANAP AT GAMITIN ANG IBA PANG MGA PANGGAGALINGAN NG ENERHIYA AT DAPAT NANG PAGIBAYUHIN ITO UPANG MAIBSAN NA PAGHIHIRAP NG BANSA SA USAPIN NG ENERHIYA.

AYON SA KANYA, ANG PATULOY NA PAGTAAS NG PRESYO NG FUEL PUMP BAWAT LINGGO AY TUNAY NA NAKABABAHALA HINDI LAMNG SA ATING BANSA KUNDI PATI NA RIN SA BUONG DAIGDIG AT ANG KAILANGAN UMANO NG BANSA SA KASALUKUYAN AY ANG SUBUKAN AT PAGIBAYUHIN ANG NON-FOSSIL FUEL SOURCES NG ENERHIYA.

NANINIWALA ANG SOLON NA DAPAT GAMITIN NA UMANO NG BANSA ANG KASALUKUYANG MAYROON ITONG MGA RESOURCES LALU NA AT ITO AY PANGALAWA SA MUNDO NG PINAKAMALAKING GEOTHERRMAL ENERGY PRODUCER.

HINIKAYAT NI SY-ALVARADO ANG MGA OTURIDAD NA GAWING PUHUNAN ANG GEOTHERMAL ENERGY NG BANSA AT GAMITIN DIN ANG SOLAR, WIND AT HYDROELECTRIC POWER NA MAYROON ANG BANSA.