POSISYONG NUTRITION WORKER SA BAWAT BARANGAY, ITATATAG

UPANG MAPAIGTING AT MAPATATAG ANG BARANGAY NUTRITION PROGRAM NG PAMAHALAAN, MAGTATATAG NG POSISYON NG BARANGAY NUTRITION WORKER (BNW) SA BAWAT BARANGAY SA BUONG BANSA.

SINABI NI LEYTE REP FERDINAND MARTIN ROMUALDEZ NA SA HBO3295 NA KANYANG INIHAIN, ANG NATURANG BARANGAY NUTRITION WORKER AY ANG SIYANG RESPONSABLE PARA SA PAGGAWAD NG NUTRITION SERVICE AT IBA PANG MGA KAUGNAY NA GAWAIN KAGAYA NG PAMAYANANG PANGKALUSUGAN, BACKYARD FOOD PRODUCTION, ENVIRONMENTAL SANITATION, KULTURA, SUPLLEMENTAL FEEDING AT FAMILY PLANNING PARA SA BARANGAY.

AYON KAY ROMUALDEZ, MAY TUNAY NA PANGANGAILANGAN UMANO NG BNW SA ATING BANSA HABANG KANYANG TINUKOY ANG KASALUKUYANG PHILIPPINE PLAN OF ACTION NA NAGDI-DEPLOY NG MGA VOLUNTEER WORKERS O BARANGAY NUTRITION SCHOLARS AT AYON SA KANYA, MALAKING BAHAGI PA RIN UMANO SA KABUUANG POPULASYON NG BANSA AY KULANG SA PAGKAIN SA KANILANG MGA HAPAG.

AYON SA PANUKALA, ANG BNW AY GAGAWARAN NG KAHALINTULAD SA SECOND GRADE CIVIL SERVICE ELIGIBILITY MATAPOS NITONG TAPUSIN ANG HINDI BABABA SA DALAWANG TAONG TULOY-TULOY AT SATISFACTORY NA SERBISYO SA KANYANG BARANGAY.