PAGTATATAG NG TIMBANGAN NG BAYAN CENTERS, IPINANUKALA

UPANG MAPROTEKSIYUNAN ANG MGA MAMIMILI LABAN SA MGA TIWALING NEGOSYANTE AT VENDOR NA GUMAGAWA NG PAGMAMANIPULA NG KANILANG MGA TIMBANGAN UPANG MAKAGANANSIYA, TINALAKAY NG HOUSE COMMITTE ON TRADE AND INDUSTRY ANG MGA PANUKALA NA MAY LAYUNING MAGBEBENEPISYO SA MGA MAMIMILI.

ANG UNANG PANUKALANG TINALAKAY AY ANG HB00248 NI COMPOSTELA VALLEY REP MANUEL WAY KURAT ZAMORA NA SIYANG MAGMAMANDO SA DEPARTMENT OF TRADE AND INDUSTRY (DTI) NA BIGYAN ANG BAWAT BARANGAY NG SAMPUNG STANDARDIZED NA MGA TIMBANGAN NA SIYA NAMANG IPAPAHIRAM NG WALANG BAYAD SA SINUMANG RESIDENTE NA NAIS MAG-COUNTER-CHECK NG ACCURACY AT DAMI NG PRODUKTONG KANILANG BINILI.

SINABI NI ZAMORA NA MALIBAN SA MGA CONSUMER, ANG MGA MALILIIT NA MAGSASAKA NA NAGBEBENTA NG KANILANG MGA ANI SA MGA TRADERS AY MAG-BEBENEPISYO DIN SA NATURANG MGA WEGHING SCALES SA KANILANG MGA BARANGAY.

NAIS DIN NI DEPUTY SPEAKER MA. AMELITA VILLAROSA NG OCCIDENTAL MINDORO NA ITULAK ANG PAGKAKA-APRUBA NG KANYANG PANUKALA, ANG HB01084 NA MAY LAYUNING MAGTATATAG NG MGA TIMBANGAN NG BAYAN CENTER SA LAHAT NG MGA PUBLIC MARKET SA BUONG BANSA

AYON NAMAN KAY VILLAROSA, ANG MGA TIWALING VENDOR AY MAGDADALAWANG-ISIP NA MAGSAGAWA NG ANUMANG IRIGULARIDAD SAPAGKAT ANG POSIBILIDAD NA MAHULI SILA AY TALAGANG TUNAY NA MALAKI.

KINATIGAN NAMAN NG COALITION FOR CONSUMER PROTECTION AND WELFARE (CCPW) MGA ANG PANUKALA SA PAMAMAGITAN NG PAGSUPORTA UPANG ANG MGA ITO AY PUMASA NA SA KONGRESO AT MAGING GANAP NA NA BATAS.