PERSONAL NA PAGGAMIT NG AMBULANSIYA, MAGING ILIGAL NA!

IPAGBABAWAL NA ANG PAGGAMIT NG GOVERNMENT AMBULANCE NG MGA OPISYAL AT EMPLEYADO SA PAMAHALAAN PARA SA KANILANG MGA RECREATIONAL AT PERSONAL NA GAMIT AT ANG PAGKAKASALA AY PAPATAWAN NG KAUKULANG PARUSA.

SA HB01305 NA INIHAIN NI CEBU REP NERISSA CORAZON SOON-RUIZ AT IPINASA NG KAMARA DE REPRESENTANTES SA IKATLO AT PINAL NA PAGBASA BAGO MAG-ADJOURN ANG KONGRESO, SUSPENSIYON SA TRABAHO AT MULTA ANG PINAKA MAGAAN NA KAPARUSAHAN ANG NAGHIHINTAY SA MGA TIWALING KAWANI AT ANG PINAKAMABIGAT NAMAN AY ANG PAGKAKASIBAK SA TUNGKULIN NA MAY KAAKIBAT NA PARUSANG HINDI MATATANGGAP NITO ANG LAHAT NA MGA BENEPISYO NA NAUUKOL SA KANYA PARA SA PAGRERETIRO AT ANG PERPETUAL DISQUALIFICATION SA PANUNUNGKULAN SA GOBYERNO.

SINABI NI SOON-RUIZ NA NAIS LAMANG NIYANG IPAHAYAG ANG MGA NAGING FRUSTRATION NG PUBLIKO HINGGIL SA PERSONAL NA PAGGAMIT NG MGA AMBULANSIYA AT SINABI NA NAKIKITA LAMANG UMANO ANG MGA ITO NA NAKA-PARK SA MGA RECREATION AREAS AT ANG MGA ITO AY GINAGAMIT LAMANG SA MGA BAGAY NA WALA SA INTENISYON NG PAGBILI NITO.

ANG MASAMA PA UMANO AY SINASABI UMANO NG MGA MAMAMAYAN NA SINISINGIL SILA SA PAGGAMIT, KUNG NAKAKAGAMIT MAN SILA NG AMBULANSIYA AT ANG IBA NAMAN AY HINDI PINAPAYAGANG GUMAMIT DAHIL SA KANILANG MGA PULITIKAL NA PANINIWALA.