2020 proposed National Budget, pormal nang isinumite ng DBM sa kamara

Pormal nang isinumite ng Department of Budget and Management o DBM sa mababang kapulungan ng kongreso ang 2020 proposed national budget na nagkakahalaga ng P4.1 Trillion.

Sa P4.1 Trillion, nasa P1,525 Trillion ang mapupunta sa social services, P1,893 Trillion sa economic services, P734.5 Billion sa General Public Services, P451 Billion sa Debt Burden at 195.6 Billion sa Defense.

Kung paghahatian by expense class ang budget, nasa P1.25Trillion ang mapupunta sa Personnel Services, P1.58 Trillion sa Maintenance and Other operating expenses, P804.2B sa Capital Outlays at 452.4B sa financial expenses.

Kabilang naman sa top 10 Departments na makakakuha ng malaking pondo ay ang Deped kasama na SUC’s , CHED at TESDA na may P673 B,DPWH na may P534.3 B, DILG sa P238 B, DSWD sa P195 B, DND sa P189 B, DOH sa P166.5 B, DOTR sa P147 B, DA sa P56.8 B, Judiciary sa P38.7 B at DENR sa P26.4 B.

Mahigit sa P400 Billion ang itinaas ng 2020 budget kumpara sa P3.662 Trillion 2019 budget.