Bawal ang pork sa Budget 2020, Cayetano

Siniguro ni House Speaker Alan Peter Cayetano na hindi makalulusot ang ano mang pagtatangkang maisingit ang pork barrel funds gayundin ang tinaguriang parking funds sa P4.1 trilyong 2020 national budget.

Itinuturo nuong dahilan ng naantalang pagtitibay ng 2019 General Appropriations Act ang isyu ng parking funds sa pondo ng iba't-ibang distrito.

Pero ayon kay Cayetano, hindi na ito mangyayari ngayon at ang bawat lugar sa bansa ay nakatitiyak na mapaglalaanan ng development funds.

Kasabay nito, sinabi ni Cayetano na mag-o-overtime sila ngayon para maihabol ngayong taon ang 2020 national budget kabilang ang pagsasagawa ng budget deliberations tuwing Huwebes at Biyernes kahit walang sesyon ang Kongreso.

Balak din na i-atras ang oras ng sesyon mula sa kasalukuyang alas-3 ng hapon ay magiging alas-5 ng hapon magsisimula upang bigyang daan ang mas mahabang oras ng committee hearings.