Marathon hearing tungkol sa ₱4.1 Trillion 2020 Budget, ikakasa na

Naka-kasa na ang pagsasagawa ng marathon hearing sa Mababang Kapulungan para sa pagsasagawa ng pagdinig sa P4. 1 Trillion 2020 national budget. 

Sinabi ni House Committee on Appropriations Chairman Isidro Ungab na ngayong araw ng Martes ay inaasahang maisusumite na ng Department of Budget and Management sa Kamara ang pambansang pondo. 

Agad nilang uumpisahan ang budget hearing sa komite sa Huwebes, Agosto 22 at gagawin ang mga pagdinig Lunes hanggang Biyernes. 

Ayon sa Davao City lawmaker, layunin ng pagkakaroon nila ng buong

linggong hearings na ito na matiyak na maipapasa ng Mababang

Kapulungan ng Kongreso sa takdang panahon ang 2020 General

Appropriations Act (GAA).

Idinagdag pa ni Ungab, target na matatapos ng komite ang mga budget hearings sa ikalawang linggo ng Setyembre kung saan kaagad ding pasisimulan ang budget plenary deliberations habang sa October 4 naman inaasahang maaprubahan ng Kamara ang pambansang pondo.