Walang pork barrel sa loob ng 2020 National Budet, paniniguro ni ML Romualdez

Siniguro ngayon ni House Majority Leader Martin Romualdez na walang puwang ang pork barrel system sa loob ng 2020 proposed national budget.

Sa kanilang pagtanggap sa National Expenditure Program mula sa Dept. of Budget and Management ngayong araw, tiniyak ni Romualdez na "pork barrel free" ang ipapasa nilang pondo ngayong 18th congress.

Ani Romualdez, tatalima sila sa Supreme Court ruling na nagbabawal sa pork barrel na idineklarang unconstitutional.

Punto pa ng Majority Leader na ipaiiral nila ang "line item budgeting system" para matiyak ang transparency at accountability sa pagamit sa pondo ng bayan.

Sa huli, giit ni Romualdez na suportado nila ang commitment ni Pangulong Duterte na magkaroon ng patas at malinis na pamamahagi ng pondo na siyang nakapaloob ngayon sa budget proposal ng DBM.