* Paglalagay ng LGBT help desk sa mga police station

Inaprubahan ng House committee on public order ang safety ang panukalang paglalagay ng help desk sa mga police station para sa mga miyembro ng lesbian, gay, bisexual, at transgender.

Ang panukala ay akda ni Batangas Rep. Vilma Santos-Recto na naglalayong gawin umanong neutral ang mga police station.

Ang itatayong LGBT desk ay maaaring isama sa kasalukuyang Women and Children desk na nasa mga istasyon na ng pulisya.

Inirekomenda ng National Police Commission na maglalabas na lamang ito ng memorandum para sa panukala pero sinabi ni Santos-Recto na mas makabubuti kung magpasa na lamang ng batas upang matiyak na magiging pangmatagalan ito.