Mga anak ng military na may kapansanan, magkaroon pa ng benepisyo

Dapat lamang na ituloy ang pagtanggap ng benepisyong pensyon ang mga may kapansanang anak ng namatay o nakaligtas na military personnel kahit na sila ay lumampas sa edad na 21-taong gulang.

Iginiit ni Quezon City Rep Winston Castelo na amiyendahan ang Presidential Decree 1638 na kilala sa tawag na “AFP Military Personnel Retirement and Separation Decree of 1979” sa ilalim ng HB06026, “AFP Derivative Retirement Pension for Children/Survivors Act of 2012.”

Layunin ng HB06026 na dagdagan ng bagong Section ang nabanggit na batas na magbibigay sa mga anak ng nakaligtas na military na napatunayang may kapansanan sa kaisipan at hindi nakayang mamuhay ng normal ay ililiban sa terminasyon ng benepisyo ng pensyon kapag dumating sa edad na 21.

Bagamat mayroon, pero hindi marami, sinabi ni Castelo na ang mga naulilang anak ng military personnel ay special, incompetent, mentally retarded, handicapped, o disabled.

Sa opinyon ng Judge Advocate General’s Office o JAGO noong Enero 16, 2008, sinabi ni Castelo na naging hadlang ito para sa buong kapasidad para sa lahat ng aspeto ng pamumuhay.

Nagkaroon ito ng katanungan sa 21-year age requirement para sa derivative pension sa ilalim ng Presidential Decree 1638.

Nilinaw ni Castelo na kung ang bata ay nasa wastong edad, pinapalagay na kaya na niyang mamuhay physically, mentally, psychologically and emotionally.

Pero ito ay para lamang sa mga mentally retarded persons o yung ang mga mental faculties ay hindi normally developed, dagdag pa niya.

---