PICTURE-BASED HEALTH WARNINGS SA MGA TOBACCO PRODUCT

NAGHAIN SI NORTHERN SAMAR REP PAUL DAZA NG PANUKALANG BATAS, ANG HB03364, NA MAGMAMANDO SA LAHAT NG MGA TOBACCO COMAPANY SA BUONG BANSA NA GUMAMIT NG MALINAW, COLORED AND GRAPHIC PICTURE-BASED O MALA-LITRATONG MGA BABALA O WARNING SA MGA PRODUKTONG TABAKO UPANG MAIPAALAM SA PUBLIKO ANG MASAMANG EPEKTO NG PANINIGARILYO, KASAMA ANG MAGING EPEKTO SA TINATAWAG NA SECOND-HAND SMOKE.

SINABI NI DAZA SA KANYANG PAGHAIN NG NATURANG PANUKALA NA ANG MGA BABALANG ITO AY MAGBIBIGAY IMPORMASYON HINGGIL SA MGA MASAMANG RESULTA NG PANINIGARILYO AT MAGGAGAWAD NG KAALAMAN KUNG PAPAANO MAPAGANDA AT MAIPALAWIG PA ANG KANILANG KALUSUGAN KUNG HINDI NA SILA MANIGARILYO.

INIREKOMENDA NI DAZA ANG KAKAIBANG DESINYO NG HEALTH WARNING NA ITO NA MAY MGA LITRATO NG MASASAMANG EPEKTO NG PANINIGARILYO UPANG SA BAWAT SANDALI UMANONG ANG ISANG MANINIGARILYO AY BUBUNOT NG SIGARILYO SA PAKETE, PAULIT ULIT DIN NIYA UMANONG MAKIKITA ANG LITRATONG KAAKIBAT SA KAHA NITO.

IDINAGDAG PA NI DAZA NA ANG GASTUSIN SA PAG-IMPRINTA NG NATURANG MGA LITRATO SA PAKETE AY AAKUHIN NG MGA KUMPANYA NG TABAKO NA WALA NAMANG GASTOS PARA SA PAMAHALAAN.