Personal na Panalangin Para Kay Cory

Nais magpahayag ng pitak na ito ang maramdaming pakikibahagi nito sa pamilya ng Aquino sa kanilang taimtim na pagdarasal para sa kagalingan at mabilis na pagpanumbalik ng kalusugan ni dating Pangulong Cory Aquino.

Si Cory ay isang tunay na huwaran ng hindi natitinag na pananampalataya, di matularan sa kanyang pagkakaroon ng malalim na pananalig sa demokrasya at di mapantayang kompiyansa sa Filipino.

Kami ay nananalig na diringgin ng Mabuting Panginoon ang dalangin ng buong sambayanan na bigyan siya ng ganap na kagalingan, ayon sa Kanyang pagnanais. Amen.