PROGRAMANG PAGTATANIM NG BIGAS SA MGA KURPORASYON

IMINUNGKAHI KAHAPON NI PALAWAN REP ABRAHAM MITRA SA TINAGURIANG 100 TOP CORPORATIONS SA BANSA NA MAGLUNSAD ANG MGA ITO NG MGA PROGRAMA SA PAGTATANIM NG BIGAS NA MAAARING KONSUMUHIN NG KANILANG MGA EMPLEYADO.

ITO ANG HILING NI MITRA SA GITNA NG PAGTAAS NG PRESYO NG BIGAS KATULAD NG MGA PRODUKTONG PETROLYO NA PATULOY RIN NA TUMATAAS SA PANDAIGDIGANG MERKADO.

NANINIWALA SI MITRA NA MALAKI ANG MAGAGAWA PARA MANATILING KALMADO ANG PRESYO NG BIGAS KUNG HINDI NA MAKIKIAGAW ANG MGA LIBU-LIBONG KAWANI NG TOP 100 CORPORATIONS KASAMA NG KANILANG PAMILYA SA SUPLAY NG BIGAS SA MERKADO.

DAPAT UMANONG I-REQUIRE LAHAT NG MALALAKING KUMPANYA NA KASAMA SA TOP 100 CORPORATIONS NA MAGTANIM PARA SA KANILANG MGA EMPLEYADO AT PAMILYA PARA HINDI NA SILA MAKIKIAGAW PA SA CURRENT LOW SUPPLY, AYON PA SA MABABATAS

SA PARTE NI HOUSE SPEAKER PROSPERO NOGRALES, NAIS NITONG MAGTULONG-TULONG ANG MGA KONGRESISTA SA MINDANAO SA PAGLIKHA NG MGA PROYEKTO PARA GAWING RICE BASKET NG BANSA ANG MINDANAO.

NANINIWALA SI MITRA NA MALAKI ANG MAGAGAWA NG INISYATIBO NG TOP 100 CORPORATIONS DAHIL MAYROON SILANG SAPAT NA PONDO PARA GAWIN ANG KANYANG PANUKALA.

IDINAGDAG NITO ANG KAHALAGAHAN NA MANATILING KABALIKAT NG PAMAHALAAN ANG MGA NANGUNGUNANG KOMPANYA SA PAGTULONG SA IBAT-IBANG PROBLEMA NG BANSA.