DISKUWENTONG IGINAGAWAD SA ELDERLY, TATAASAN

TATAASAN NA ANG DISKUWENTONG IGINAGAWAD SA MGA SENIOR CITIZEN NG ESTABLISIYEMENTO, SERBISYO AT NEGOSYO MAGMULA 20 NA GAGAWIN NANG 25 PORSIYENTO PARA MATULUNGAN ANG MGA ELDERLY NA MAIANGAT ANG KANILANG PURCHASING POWER DAHIL NABAWASAN ITO SA KADAHILANANG PAGPAPATUPAD NG EXPANDED VALUE ADDED TAX O EVAT.

SINABI NI MAKATI REP MAR-LEN ABIGAIL BINAY NA DAHIL SA IMPLEMENTASYON NG EVAT, INDIRECTLY, NABAWASAN NA RIN ANG SUPORTA NG ESTADO SA MGA SENIOR CITIZEN SAPAGKAT TUMATANGGAP NA LAMANG ANG MGA ITO NG KALAHATI SA 20 PORSIYENTONG DISKUWENTO NA PARA SA KANILA SA ILALIM NG SENIOR CITIZENS ACT NA IPINATUTUPAD.

DAHIL DITO, KAILANGAN UMANONG REBISAHIN ANG RA09257 UPANG MAKAPAG-ENJOY NAMAN ANG MGA MATATANDA SA BENEPISYONG IDINUDULOT NG BATAS SA KANILA, KAYAT INIHAIN NIYA ANG HB02399 UPANG MAIPANUMBALIK ANG NAWALA NILANG KAKAYAHANG BUMILI NA TINABONAN NA LAMANG NG EVAT IMPLEMENTATION.

BATAY SA PANUKALA, ANG DISCOUNT NA 25 % SA GROSS SELLING PRICE AT VAT OR YAONG TINATAWAG NA PERCENTAGE TAX NA IPINAPATAW NG MGA ESTABLISIYEMENTO, HOTEL AT MGA KAHALINTULAD NA SERBISYO AT ANG PAGBILI NG MGA GAMOT PARA SA EKSKLUSIBONG GAMIT NG MATANDA, AY IGAGAWAD SA KANILA.

ISANG MINIMUM NA 25% DIN NA DISCOUNT DIN ANG IGAGAWAD SA MGA ELDERLY, PLUS PERCENTAGE TAX SA MGA MEDICAL, DENTAL AT DIAGNOSTIC AND LABORATORY FEES, KASAMA NA RIN ANG PROFESSIONAL FEES NG ATTENDING DOCTOR SA LAHAT NA MGA MEDICAL FACILITIES AT PRIOBADONG OSPITAL.