KARAMIHANG MGA PUBLIC SCHOOL SITES, SQUATTERS

IBINUNYAG KAHAPON NI CAGAYAN DE ORO REP RUFUS RODRIGUEZ NA KARAMIHAN SA PAMPUBLIKONG PAARALAN SA BANSA AY NAG-ISQUAT O MGA ESKUWATER LAMANG SA MGA HINDI TITULADONG MGA ARI-ARIAN.

SINABI NI RODRIGUEZ NA ANG IBIG SABIHIN NITO, ANG MGA ESKUWELAHANG ITO AY SQUATTERS, SA TOTOO LANG, DAHIL ANG MGA ITO AY WALANG LEGAL NA KARAPATAN SA PAG-AARI NG MGA INUKUPAHANG MGA LUPA NITO.

TINUKOY NI RODRIGUEZ ANG ISANG PAG-AARAL NG DEPARTMENT OF EDUCATION O DEPED NA MAYROON PA UMANONG UMAABOT SA 8,011 MGA DI TITULADO AT 6,257 MGA DI REHISTRADONG SCHOOL SITES SA BUONG BANSA.

AYON SA KANYA, ITO UMANO ANG NAGBUNSOD SA KANYA NA MAGHAIN NG HB03599 NA MAY LAYUNING SABAYSABAY NA MATITULUHAN ANG LAHAT NA MGA LUPAING KASALUKUYANG GINAGAMIT BILANG PUBLIC SCHOOL SITES.

IDINAGDAG PA NG SOLON NA KARAMIHAN SA MGA SITES AY KUNG HINDI MAN MINAMAYARI NG MGA LOKAL NA PAMAHALAAN AY PINAPA-UPAHAN NG MGA PRIBADONG INDIBIDWAL SA GOBYERNO.

ANG MASAKLAP PA UMANO DITO AYON SA KANYA, ANG MGA LUPAING ITO AY MINSAN VERBALLY DONATED LAMANG KAYA WALANG LEGAL AT ANGKOP NA DOKUMENTO NA SUMUSUPORTA SA TRANSFER NG PAGAARI, AT SA SANDALING NAMAMATAY ANG DONOR, ANG KANILANG MGA IREDERO AY NAGSASGAWA NA NG OWNERSHIP CLAIM SA LUPA KAYA TULOY NAGRERESULTA ITO NG COURT LITIGATION.

MARAPAT LAMANG UMANO AYON SA KANYA NA MAGAWARAN NG ISANG MANDATORY TITLING ANG LAHAT NA MGA LUPA NA GINAGAMIT BILANG PUBLIC SCHOOL SITES UPANG MAGKAROON ANG MGA AWTORIDAD NG ESKUWELAHAN NG DIRECT CONTROL AT SUPERVISION SA MGA LUPANG INUKUPAHAN NG MGA ESKUWELAHAN.