PALIWANAG HINGGIL SA PORK BARREL

IKAKAMPANYA NGAYONG MAHAL NA ARAW NG MGA KONGRESISTA ANG PAGPAPALIWANAG SA PUBLIKO NG POSITIBONG PAKINABANG SA IBAT-IBANG MGA LALAWIGAN SA BANSA NG KONTROBERSIYAL NA PORK BARREL NA SINASABING PANGUNAHING SOURCE UMANO NG KICKBACK SA PAMAMAGITAN NG MALAKING KOMISYON NG MGA MAMBABATAS.

SINABI NI HOUSE SPEAKER PROSPERO NOGRALES NA MAGANDANG PAGKAKATAON ANG MAHAL NA ARAW PARA MALIWANAGAN ANG PUBLIKO TUNGKOL SA BENEPISYO NG PUBLIKO SA PORK BARREL.

SA KATUNAYAN, SINABI NI NOGRALES NA NAG-IMPRENTA PA SILA SA KAMARA DE REPRESENTANTES SA TULONG NI ALBAY REP. EDCEL LAGMAN, CHAIRMAN NG HOUSE COMMITTEE ON APPROPRIATIONS, NG BABASAHING “UNDERSTANDING THE PORK BARREL” PARA MALAMAN NG PUBLIKO ANG KABUTIHANG DULOT NITO.

KAILANGAN LAMANG UMANO NA PAIGTINGIN ANG TRANSPARENCY AT PAGPAPALIWANAG SA MGA TAO NA MAHALAGA ANG PORK BARREL AT MALI ANG KANILANG NEGATIBONG PANANAW DITO, ANI NOGRALES

IPINALIWANAG NI NOGRALES NA ISANG PARAAN ANG KANILANG PAGPAPALIWANAG NA GINAGAWA SA PORK BARREL PARA IBANGON ANG IMAHE NG KAMARA DE REPRESENTANTES KUNG SAAN GAGAMITIN RIN NILA ANG INTERNET.

KUMBINSIDO SI NOGRALES NA UNTI-UNTING MABABAGO ANG HINDI MAGANDANG PAGTINGIN NG PUBLIKO SA INSTITUSYON.

UMAASA SI NOGRALES NA MAGKAKAROON NG POSITIBONG PAGBABAGO SA UNANG 100 ARAW NIYA SA POSISYON.