-OFWs, TINIYAK NA PRAYORIDAD SA PROGRAMA NG PAMAHALAAN SA BAKUNA

Tinalakay sa Committee on Overseas Workers Affairs sa Kamara de Representantes kamakailan ang pagsasaprayoridad ng mga manggagawa sa ibayong dagat (OFWs), sa programa ng pamahalaan sa bakuna para sa COVID-19.

Ayon kay TUCP Rep. Raymond Democrito Mendoza, Chairman ng Komite, dinedeklara ng mga ahensyang nagri-recruit na ang bakuna ay isa na ngayong rekisitos para sa OFWs.

Idinagdag pa niya na umaapela sa pamahalaan ang sektor, na ituring sila bilang mga essential workers.

Sa kasalukuyan, ang mga OFWs ay nabibilang sa Group B5, o pang-sampu sa bilang ng mga grupong nasa prayoridad.