Pagsasaayos sa dokumentasyon ng Chinese POGO workers, irerekomenda

Irerekomenda ni House Games and Amusement Committee na pinamunuan ni Partylist Rep Eric Yap ang pag-sasaayos sa mga tinatanggap na mga Philippine Offshore Gaming Operations (POGO) partikular ang mga POGO Chinese workers. 

Naniniwala si Yap na makakatulong ang pagaayos ng dokumentasyon ng mga POGO Chinese workers sa pagtaas ng pangongolekta ng buwis mula sa mga ito. 

Gayundin ay mapapangalagaan din ang mga legal foreign workers sa bansa kaakibat ng pagre-regulate sa dokumentasyon ng mga ito. 

Dahil dito, magsasagawa ng pulong ang komite at ipapatawag ang Bureau of Immigration para alamin ang kasalukuyang sitwasyon ng mga Chinese POGO workers sa bansa. 

Sisilipin dito ng komite ni kung ilan ang mga POGO workers sa mga hub, kung lahat ba ay nagtatatrabaho ng ligal at kung nagbibigyan ang mga ito ng working visa para lehitimo ang pagtatrabaho sa nila sa Pilipinas. 

Napuna ng mambabatas ang kahalagahan sa pagkakaroon ng proper documentation at regulasyon sa pagtanggap ng mga dayuhang POGO workers bunsod na rin ng mga balitang kidnapping, extortion at theft na kagagawan ng mga Chinese sa kapwa din nilang Chinese.