PAMAHALAANG LALAWIGAN, MAAARI NANG MAG-ISSUE NG MINING PERMITS

NAGHAIN SI AGUSAN DEL NORTE REP EDELMIRO AMANTE NG ISANG PANUKALANG BATAS, ANG HB04141, NA MAY LAYUNING BIGYANG KAPANGYARIHAN ANG MGA PAMAHALAANG LALAWIGAN O PROVINCIAL GOVERNMENT UNITS NA MAG-ISSUE NG SMALL AT LARGE SCALE MINING PERMITS PARA SA OPERASYON NG MGA MINAHAN SA KANILANG MGA TERRITORIAL JURISDICTION.

ANG PANUKALA NI AMANTE AY BUNSOD NA RIN SA KANYANG PAGNANAIS NA PASIGLAHIN ANG ECONOMIC ACTIVITY SA KANAYUNAN AT UPANG MAIANGAT ANG KONDISYON NG PAMUMUHAY NG MGA MAHIHIRAP AT GAWIN SILANG MGA PRODUKTIBONG MIYEMBRO NG LIPUNAN.

SINABI NI AMANTE NA TANGING ANG KAPANGYARIHANG MAGGAWAD NG MGA PERMIT SA MINING OPERATIONS LAMANG ANG DAPAT MAISALIN TUNGO SA PROVINCIAL GOVERNMENT UNITS SAPAGKAT KUNG HINDI UMANO MAAYOS ANG PAG-ADMINISTER NG INDUSTRIYA SA MINA AY MAAARI ITONG MAGING SANHI NG ENVIRONMENTAL DESTRUCTION.

ITO UMANO AY MAKAKATULONG NA SEGURUHIN NA ANG MGA KUALIPIKADONG TAO O KUMPANYA SA ILALIM NG MGA PAMANTAYAN NA ITINALAGA NG PAMAHALAAN ANG PAHIHINTULUTANG MAKAPAG-OPERATE LAMANG, AYON PA SA SOLON.