SUPORTA SA HUDIKATURA

SINABI NI HOUSE SPEAKER PROSPERO NOGRALES NA PAGKAKALOOBAN NG KARAGDAGANG RETIREMENT BENEFITS SA MGA MIYEMRBO NG HUDIKATURA BILANG GANTI SA KANILANG SERBISYO SA PAGPAPANATILI NG HUSTISYA SA BANSA.

AYON KAY NOGRALES, MAKATWIRANG MAGKAROON NG SAPAT NA SUPORTA ANG MGA RETIRADONG JUSTICE AT HUWES, SA ILALIM NG KANYANG HB00882, SA PANAHON NG KANILANG PAGTANDA SA PAMAMAGITAN NG PAG-AMYENDA SA ILANG PROBISYON NG REPUBLIC ACT NO. 910.

NOONG HULYO 13, 2004, IBINALIKTANAW NI NOGRALES NA INATASAN NG SUPREME COURT SA PAMAMAGITAN NG EN BANC RESOLUTION ANG COURT ADMINISTRATOR NA TULUNGAN ANG RETIRED JUDGES ASSOCIATION SA PAGLUSOT NG AMENDATORY LAW SA RA 910 UPANG MATIYAK NA AWTOMATIKONG MAKIKINABANG SA UMENTO SA PENSIYON ANG MGA RETIRADONG HUWES TUWING MAY UMENTO O KARAGDAGANG SUWELDO SA MGA AKTIBONG MIYEMBRO NG HUDIKATURA.

NALAMAN RIN KAY NOGRALES ANG SUPORTA NG SC PARA PONDOHAN ANG PAGKAKAIBA NG BUWANANG PENSIYON NG MGA RETIRADONG HUWES MULA SA JUDICIARY DEVELOPMENT FUND (JDF).