NAULILANG MGA ANAK NG SUNDALO, MAGKAKAROON NG EDUCATIONAL BENEFITS

MAGKAKAROON NA NG KASEGURUHANG MAKAPAG-ARAL ANG MGA NAULILANG ANAK NG SUNDALO NA NAGBUWIS NG KANILANG BUHAY LABAN SA MGA REBELDENG ELEMENTO AT NAMATAY IN THE LINE OF DUTY, BILANG PAGTANAW SA MGA GINAWANG KABAYANIHAN NG MGA ITO.

ITO ANG NILALAMAN NG PANUKALANG BATAS, ANG HB03556, NA INIHAIN NI ILOCOS NORTE REP ROQUE ABLAN, JR NA TATAGURIANG "AN ACT PROVIDING FOR EDUCATIONAL BENEFITS FOR THE MINOR CHILDREN OF SOLDIERS WHO ARE KILLED BY INSURGENTS OR SLAIN IN THE LINE OF DUTY" NA SIYANG GAGAWAD NG BENEPISYO SA PAG-AARAL PARA SA MGA MINOR DE EDAD NA MGA ANAK NG SUNDALONG NASAWI BAGO PAMAN MAIPASA ANG PANUKALANG ITO AT YAONG MGA NAABUTAN SA PAGKAKAPASA NITO.

SINABI NI ABLAN NA SAKLAW DIN SA PANUKALA ANG MGA BENEPISYARYONG INABOT NA NG AGE OF MAJORITY HABANG TUMATANGGAP PA SILA NG MGA BENEPISYO NGUNIT HINDI PA NAKOMPLETO ANG KANILANG SECONDARY EDUCATION.

IDINAGDAG PA NG SOLON NA NAKAPALOOB DIN UMANO SA KANYANG PANUKALANG ANG TUITION AT ISANG REASONABLE ALLOWANCE PARA SA MGA LIBRO, SCHOOL SUPPLIES, TRANSPORTASYON, DAMIT AT PAGKAIN.