PINUNO NG JOINT CANVASS COMMITTEE, PINURI ANG KAMPO NI VP LENI NA HANGAD BILISAN ANG PAGBILANG NG MGA BOTO

PINUNO NG JOINT CANVASS COMMITTEE, PINURI ANG KAMPO NI VP LENI NA HANGAD  BILISAN ANG PAGBILANG NG MGA BOTO

Pinuri kahapon, Martes nina House Majority Leader Ferdinand Martin Romualdez at Senate Majority Leader Juan Miguel Zubiri, co-chairmen ng Joint Canvassing Committee ng Kamara at Senado, ang hakbang ni Vice President Leni Robredo at ng kanyang abogado na si Atty. Romulo “Mac” Macalintal, na pabilisan ang isinasawagang pagbilang ng mga boto para sa mga kandidato ng pangulo at pangalawang pangulo noong ika-9 ng Mayo 2022 pambansang halalan. 

Sa kanyang manispetasyon sa harap ng Joint Canvassing Committee, sinabi ni Macalintal na sang-ayon sa mga pahayag ni Vice President Robredo, at upang hindi maantala ang mga isinasagawang pagbilang ng canvassing board, nais nilang itala ang kanilang patuloy na manispetasyon na wala silang pagtutol sa pagsama sa pagbilang ng lahat ng certificates of canvass (COCs) para sa Pangulo, mula sa ibat ibang boards of canvasssers ng mga lalawigan at lungsod na matutukoy ng Komite na tunay, at isinumite alinsunod sa Section 20 ng RA 7166.

Ayon kay Atty. Mac, ayon sa tuloy-tuloy na manipestasyon, na kung papayagan ng joint committee, nais niyang respectfully waive our appearance before this joint committee to further expedite its proceedings. 

Sinabi niya na nanawagan si Vice President Robredo sa kanyang mga taga-suporta na, “that we need to accept the decision of the majority.

Sinabi niya, bagaman may hindi pa nabibilang, bagaman may mga tanong ukol sa eleksyon na ito na kailangang matugunan, palinaw na ng palinaw ang tinig ng taong bayan,” aniya. 

Ipinahayag naman ni Romualdez ang kanyang taimtim na pasasalamat sa ngalan ng dalawang kapulungan at nang sambayanang Pilipino sa, “for the graciousness of the Vice President and for the sportsman- like conduct of Atty. Macalintal, as well as the magnanimity of President-elect Bongbong Marcos as articulated by his able presumptive Executive Secretary Atty. Victor Rodriguez.”

Pinasalamatan ni Zubiri si Macalintal sa kanyang kagandahang loob sa labanang halalan at kanyang hiniling ang kagalingan para kay Vice President Robredo well. 

Samantala, sa kanyang manispetasyon, sinabi ni Rodriguez, abogado ng halal na Pangulo na si Ferdinand “Bongbong” Marcos Jr. na, “We join in the manifestation of my distinguished colleague and one of the leading election law practitioners Atty. Romulo “Mac” Macalintal. 

Likewise, we would like to recognize and thank the patriotism exhibited by Vice President Leni Robredo for expressly recognizing the integrity and result of the recently concluded general elections,” ani Rodriguez. 

Sa isang pulong balitaan, kanyang tiniyak na magtutungo ang bagong halal na Pangulong Marcos sa Miyerkules ng hapon sa Kapulungan para sa kanyang inaasahang proklamasyon. 

“Absolutely, he will attend, and I think the canvassing will be done, hopefully it depends on up to what time we’re going to extend the canvassing tonight,” ani Rodriguez.

#SpeakerLordAllanVelasco

#SpeakerLAV