-DEPUTY SPEAKER BOYET GONZALES, NAGHAIN NA NG COC PARA REELECTION

Naghain na ng certificate of candidacy (COC) kahapon, Miyerkules, si Deputy Speaker Neptali "Boyet" M. Gonzales II para sa kanyang reelection bilang kinatawan ng Lone District ng Mandaluyong City.

Sinabi ni Gonzales, isang beteranong lider ng Kamara at asawa ng dating Mandaluyong City Rep. Queenie Gonzales, na ang paggawad ng magandang healthcare system at job generation para sa kanyang constituents ang iilan sa kanyang top priorities sa darating na 19th Congress.

Ayon sa kanya, walang humpay niyang ipupursige ang kanyang mga compassionate at responsive program sa mga pangangailan ng kanyang nasasakupan at sa ikabubuti ng Mandaluyong City sa panahon ng COVID-19 pandemic.

Nagsilbe si Gonzales bilang Majority Leader noong mga nakaraang  11th, 12th, 15th at 16th Congresses at siya ay nagsilbe bilang pinaka-matagal na majority leader sa Kamara.