-Rep Hataman, kanyang misis at 2 staff ni Cayetano, positibo sa COVID-19

Ipinahayag ni Basilan Rep Mujiv Hataman at ang kanyang misis na si Mayor Dadah Sitti Hataman ay nagpositibo sa COVID-19 batay sa test base sa kaniyang mensahe na ipinaabot sa mga reporter sa Kamara de Representantes.

Sinabi ni Hataman na nitong nakaraang Huwebes, dahil sa inakala nila na karaniwang ubo lamang, nagpasya daw sila ng kanyang maybahay na magpatest para sa COVID-19 at sa pagbalik ng resulta, positive sila pareho.

Dinahdag pa ni Hataman na kasalukuyan na silang naka-quarantine ng kaniyang misis at gumagawa na rin ng mga hakbang upang ma­ging ligtas ang kanilang tahanan.

Nagpapatupad na rin sila ng  mas mahigpit na health protocols para ma-contain na ang virus at masiguradobg hindi na tumawid pa palabas ng kanilang pamilya ang sakit.

Kaugnay nito, inanunsyo naman ni House Secretary Gene­ral Atty Jose Luis Montales na dalawa namang empleyado na nakatalaga sa tanggapan ni House Speaker Alan Peter Cayetano ang nagpositibo rin sa COVID 19.

Nagreport pa daw sa trabaho ang mga ito noong July 16 at natest sila noong July 25 matapos silang makaramdam ng iilang mga sintomas, ayon pa kay Montales.

Ang dalawa ay pang 27 at 28ng kaso ng COVID sa Kamara.