PAGLOBO NG BILANG NG MGA NURSE SA BANSA, PINASISIYASAT

DAHIL SA NAKABABAHALANG PAGLOBO NG BILANG NG MGA FILIPINO NURSES, IMINUNGKAHI NI VALENZUELA REP MAGTANGGOL GUNIGUNDO SA KONGRESO, SA HR00605, NA REBISAHIN ANG MGA PAMANTAYAN AT PROGRAMA NG PAMAHALAAN SA PAGBIBIGAY NG TRABAHO SA MGA NURSE NA HINDI MAAARING MAI-ACCOMMODATE NG MGA HEALTH PROVIDERS.

TINUKOY NI GUNIGUNDO ANG TALA NG BUREAU OF LOBAOR AND EMPLOYMENT STATISTICS NA MAHIGIT SA 50,000 ANG NAGING NURSE MAGMULA 2000 HANGGANG 2005 AT NOONG NAKARAANG HUNYO, 27,765 PA ANG NAGING NURSE MATAPOS ANG MGA ITO AY PUMASA SA LICENSURE EXAM.

SINABI NG MAMBABATAS NA HINDI LAHAT NG MGA BOARD PASSERS AY NAKAKAPASOK SA MGA HEALTH SERVICE PROVIDERS SA BANSA AT KARAMIHAN SA KANILA AY NAGNANAIS NA MAKAPAGTRAHO SA IBANG BANSA NGUNIT HINDI NAMAN SILA MAG-QUALIFY DAHIL KULANG SILA SA WORK EXPERIENCE.

AYON SA KANYA, KAILANGAN NA UMANONG HIMASUKAN NG GOBYERNO ANG KINAKAHARAP NA SULIRANIN BILANG PAGTUGON SA MANDATO NG SALIGANG BATAS NA MAPROTEKSIYUNAN ANG KARAPATAN NG MGA MANGGAGAWA.