DELIBERASYON NG NATIONAL BUDGET, LALAHOKAN NG PRIBADONG SEKTOR

MATAPOS ISUMITE NI BUDGET SEC ROLANDO ANDAYA JR. KAY HOUSE SPEAKER PROSPERO NOGRALES ANG P1.415 TRILYON GENERAL APPROPRIATIONS ACT 2009 NOONG NAKARAANG LINGGO, HINIKAYAT NGAYON NG SPEAKER ANG PRIBADONG SEKTOR NA LUMAHOK SA MGA NAKATAKDANG DELIBERASYON NG NATURANG BADYET SA KONGRESO.

SINABI NI NOGRALES NA MABILIS NA MAIPATUTUPAD ANG MGA REPORMA NG PAMAHALAAN KUNG ANG PAMPUBLIKO AT ANG PRIBADONG MGA SEKTOR AY MAGKASAMANG POSITIBO AT AKTIBONG LUMALAHOK SA PAGTALAKAY NG BADYET.

KASAMA SA BADYET ANG PANUKALANG NAGLALAYONG MAGKAROON NG 50 HANGGANG 80 PORSIYENTONG UMENTO SA SUWELDO NG MAY 1.141 MILYONG KAWANI NG PAMAHALAAN NA GAGASTUSAN NG P109 BILYON SIMULA SA 2009 HANGGANG 2012 SA PAMAMAGITAN NG PAGSUSULONG NG SALARY STANDARDIZATION LAW III.

SA ILALIM NG BADYET, MAKAKATANGGAP ANG DEPARTMENT OF EDUCATION (DEPED) NG P167.9 BILYON NA MAS MALAKI NG P19.8 BILYON KUMPARA SA KASALUKUYANG PONDO PARA MAGAMIT SA RECRUITMENT NG 10,000 GURO AT 2,000 NON-TEACHING PERSONNEL, KONSTRUKSIYON NG 8,100 SILID-ARALAN, PAGGAWA NG 750 SCIENCE LABORATORIES, PAGBILI NG 35.8 MILYONG LIBRO AT 1.79 MILYONG UPUAN AT IBA PA.

SA INISYAL NA PAG-AARAL, MAGIGING P18,018 NA ANG STARTING SALARY NG MGA GURO AT NURSE KUNG MAIPATUTUPAD ANG PANUKALA MULA SA KASALUKUYANG P12,026 HABANG MAGIGING P27,198 ANG MEDICAL OFFICER AT LEGAL OFFICER MULA SA KASALUKUYANG P15,181.