“HEALTHY PLACES ACT”

PARA MAISAAYOS ANG KALIDAD NG KALUSUGAN AT KAPALIGIRAN NG MGA PAMAYANAN SA BUONG BANSA, HINILING NI ARC PARTY-LIST REP NARCISO SANTIAGO III SA KANYANG PANUKALA, ANG HB03373 NA TATAGURIANG “HEALTHY PLACES ACT”, NA IPAG-UTOS SA MGA AHENSIYANG PAMAHALAAN NA SUPORTAHAN ANG HEALTH IMPACT ASSESSMENT AT MAGSAGAWA NG AKSIYON HINGGIL DITO.

SINABI NI SANTIAGO NA ANG KAPALIGIRAN SA MGA TAHANAN AT MGA PAMAYANAN AY ARAW-ARAW NA KUMAKAHARAP NG BANTA SA KALUSUGAN NG MGA MAMAMAYAN.

AYON SA KANYA, LAYON NG KANYANG PANUKALA NA MAPROTEKSIYUNAN AT MAISULONG ANG KARAPATAN NG TAO NA MAMUHAY SA ISANG BALANSE AT MALUSOG NA KAPALIGIRAN.

ITATATAG ANG ISANG INTER-AGENCY WORKING GROUP SA NATURANG PANUKALA UPANG BALANGKASIN ANG ENVIRONMENTAL HEALTH CONCERNS NA PARTIKULAR NA MAKAKA-APEKTO SA DISADVANTAGED POPULATION.

MARIING SINABI NG SOLON NA KAILANGANG MAGKAROON NG PAGSASALIKSIK HINGGIL SA PANGKALAHATANG INISYATIBA UPANG MATUKOY ANG UGNAYAN SA PAGITAN NG GENERAL ENVIRONMENT AT NG KALUSUGAN NG MGA MAMAMAYAN SA BUONG BANSA.

IDINAGDAG PA NI SANTIAGO NA MAHALAGA UMANONG SEGURUHIN NA ANG MGA KOMUNIDAD AY LUMAHOK SA MGA DISKUSYON HINGGIL SA PANGKALAHATANG KALUSUGAN NA UMAAPEKTO SA KANILANG BUHAY.