ECOLOGICAL ZONES: MGA ILOG AT WATERWAYS SYSTEM

IDIDEKLARA BILANG ECOLOGICAL ZONES ANG MGA ILOG, RIVER SYSTEMS, MGA BAYBAYING DAGAT O BEACHES AT WATERWAYS SA SANDALING MAIPASA NA ANG PANUKALANG BATAS NA INIHAIN NI CAGAYAN DE ORO CITY REP RUFUS RODRIGUEZ UPANG MAGKAROON NG AKSIYON TUNGO SA PAGPAPATUPAD NG NATIONAL LAND USE POLICY AND PLANNING NG BANSA.

SINABI NI RODRIGUEZ NA ANG KASALUKUYANG KINAKAHARAP NA KRITIKAL NA PROBLEMA SA KAPALIGIRAN NG BANSA, ANG TINATAWAG NA ENVIRONMENTAL DEGRADATION NG MGA ILOG AT WATERWAYS, ANG NAGBUNSOD UMANO SA KANYANG PAGHAIN NG PANUKALANG ITO.

AYON SA KANYA, ANG PAGKASIRA NG MGA NATURANG RESOURCES AY HINDI LAMANG BANTA UMANO SA PUBLIC SAFETY NGUNIT ITO NA ANG NAGING DAHILAN SA KAMATAYAN NG ILANG MGA MAMAMAYAN.

TINUKOY NIYA ANG ULAT NG BLACKSMITH INSTITUTE NA NAKA BASE SA NEW YORK NOONG NAKARAANG BUWAN NA NAGSASABING ANG RIVER SYSTEM NG MARILAO, UBANDO AT MEYCAUAYAN SA BULACAN AY ANG PINAKA-POLLUTED SA DEVELOPING WORLD DAHIL ANG INDUSTRIAL WASTE AY BASTA NA LAMANG ITINAPON SA MGA ILOG NITO NA SIYA NAMANG PINAGKUKUNAN NG INUMING TUBIG AT AGRICULTURAL WATER SUPPLY NG MGA NAKATIRA ROON.

IDINAGDAG PA NIYA NA ANG NATURANG PROBLEMA AY LUMAWAK PA SA ISYU NG PAGKABIGO NG PAMAHALAAN SA PAGPATUPAD AT ENFORCEMENT NG MGA POLISIYA AT BATAS PANGKAPALIGIRAN.