mga inakda ni terence

Edukasyon para sa indigenous people

2012-01-25T15:58:00.002+08:00

Nagsagawa na ng mga pagdinig ang House committee on National Cultural Communities upang mailatag ang kabuoang framework sa mungkahing Indigenous Peoples Scholarship Program para maitaguyod ang kalagayan ng mga indigenous people sa pamamagitan ng edukasyon.

Sa pangunguna ni Ifugao Rep Teddy Brawner Baguilat, tinatalakay ng nabanggit na komite ang HB01347 upang maitatag ang nationwide Scholarship Program para sa mga kapatid nating katutubo.

Sinabi naman ni Iloilo Rep Augusto Syjuco na ang kanyang panukala ay magbibigay ng kahulugan at katiyakan para sa affordable, accessible at quality education para sa mga indigenous people.

Ayon sa kanya, ang edukasyon ang isa sa susi para sa mapanatili ang maunlad na ekonomiya at ang mga katutubo ay nangangailangan ng tulong mula sa pamahalaan.

Sinuportahan ni Baguilat ang mungkahi ni Cagayan de Oro Rep Rufus Rodriguez na maglaan ng halagang P200 milyon para sa mga IPSP o Indigenous Peoples Scholarship Program.

---

Pansamantalang suspensiyon ng mga loan at contribution sa GSIS, SSS at Pag-ibig, hiniling

2012-01-25T15:33:00.009+08:00

Iminungkahi ni Cagayan de Oro Rep Rufus Rodriguez at Abante Mindanao partylist Rep Maximo Rodriguez, Jr. sa GSIS o Government Service Insurance System, SSS o Social Security System at Pag-IBIG na pansamantala munang isuspendi ang mga bayarin sa loan at kontribusyon ng mga miyembro na grabeng naapektuhan ng bagyong Sendong, partikular na sa Cagayan de Oro at Iligan City.

Ito ang apila ng magkapatid sa Kamara at hiniling nila na pagtibayin ang HR02021 para maibsan at makatulong ito sa mga biktima ng nabanggit na bagyo sa naturang mga siyudad.

Batay sa resolusyon, inaatasan nito ang GSIS, SSS at Pag-IBIG na ipahintulot ang isang taong moratorium sa loan payments at contributions ng mga biktima ni Sendong.

Bagamat nag-isyu si na Pangulong Aquino ng Proclamation No. 303 na nagdideklarang state of national Calamity sa mga nabanggit na lungsod, sinabi nmagkapatid na Rodriguez na hindi umano sapat ang tulong na ito sa malubhang pinsala sa dinanas ng mga biktima.

Bukod sa pagbibigay ng isang taong moratorium sa mga bayarin at kontribusyon, inaatsan din ang GSIS, SSS at Pag-IBIG na madaliin ang pag-apruba sa loan application ng mga biktima.

---

Usaping pagtanggal ng kursong nursing, hati sa Kongreso

2012-01-24T11:15:00.003+08:00

Hati ang opinyon ng mga mambabatas sa Kamara sa mungkahi ng Commission on Higher Education (CHED) na dahan-dahang tanggalin ang mga sobrang kurso simula sa school year 2012-2013 para mapigil ang lumalalang unemployment ng libu-libong mga graduate taun-taon.

Sinabi ni Una Ang Pamilya partylist Rep Reena Concepcion Obillo na nakakalungkot umano na ang mga kabataan na mag-enroll sa naturang kurso ay sa bandang huli, magtatrabaho sa ibang bansa na hindi naman sa linya ng nursing ang pagtatrabahuan at nakakasama lamang ng loob dahil sinasamantala ng ilang private school ang paghikayat na mag-enrol ng nursing para lamang lumaki ang kanilang enrollment at kinikita.

Gayunpaman, sinabi ni Obillo na dapat linawin ng CHED kung hanggang kailan tatagal ang moratorium sa oversubscribed courses dahil maaring mahaharap ang bansa sa kakulangan ng mga professional na plano nilang alisin.

Ngunit sa bahagi naman ni Kabataan partylist Rep Raymond Palatino, hindi siya sang-ayon sa mungkahi ng CHED na alisin ang sobrang mga kurso gaya ng Bachelor of Science in Nursing and business education programs, Bachelor of Science in Hotel and Restaurant Management, BS Accountancy at iba pang katulad na kurso.

Ayon sa kanya, ito raw ay sobrang nakaka-alarma na ipapahinto ng bansa ang training ng mga bagong titser at health workers, samantalang kailangang-kailangan sila ng bansa lalo na doon sa mga mahihirap na komunidad.

---

Pagkabilanggong panghabambuhay, parusa sa mga carnapper

2012-01-20T08:31:00.006+08:00

Iminungkahi ni Quezon City Rep Jorge Bolet Banal na gawin nang habambuhay na pagkakabilanggo ang parusang ipapataw sa carnapper kung napatay nito ang may-ari, driver at nakasakay sa kinarnap nitong sasakyan o kung nagtamo ang mga biktima ng sugat sa katawan.

Layunin ng HB05664 ni Banal na patawan ng mabigat na parusa ang mga carnapper upang matugunan ang lumalalang insidente ng carnapping sa ating bansa.

Sinabi ni Banal na sinasantamala ng mga kriminal ang umiiral na batas at hindi ang mga ito natatakot dahil madali silang makapag-piyensa para ituloy ang kanilang modus operendi.

Binanggit ni Banal ang isang probisyon sa Saligang Batas na nagsasabing bago ang conviction ng isang suspek maibba, maaari itong magpiyansa, subalit hindi sakop nito ang kasong may hatol na habambuhay na pagkakabilanggo at may matibay ang ebidensya.

Dahil nga ang kasong carnapping ay nagreresulta lamang sa physical injuries, rape at kamatayan ng biktima, iminunglahi ni Banal na amiyendahan ang Section 14 ng RA06539 o ang Anti-Carnapping Act of 1972.

----

Pagpapalawig ng Rent Control Law, isinusulong

2012-01-17T16:21:00.004+08:00

Ipinanukala sa Kamara de Representantes ngayon na palawigin ang RA09653 o ang tinatawag na Rent Control Law of 2009 upang maisama dito ang mga micro at small business enterprises o yaong mga maliitang negosyo.

Layunin ng HB05636 na iniakda ni Bayan Muna Rep Teddy Casino na lalagyan ng pamantayan ang anumang mga pagtataas ng paupa sa mga commercial spaces, isa na napakalaking gastusin sa negosyo.

Sinabi ni Casino na mas malayang magugol ng mga maliliit na negosyante na gastusin ang kanilang salapi para sa kanilang capital, labor at iba pang operational expenses kontra sa napakataas na paupa.

Idinagdag pa ni Casino na lumitaw sa estatistika na may 780,437 business enterprises sa bansa at 99.6% dito ang micro, small at medium enterprises at sa numerong ito, 91.4% dito ang micro enterprises at 8.2% ang small enterprises.

Ayon pa sa kanya, ang mga negosyong ito umano ang siyang malaking bahagi ng manufacturing at export sales ng bansa kung kata'y kailangan tulungan sila ng ating pamahalaan sa pamamagitan ng pagpapalawig ng naturang batas.

Kasama dito sa nabanggit na panukala na tatawaging Expanded Rent Control Act ang mga commercial spaces at paglilimita ng pagtataas ng paupa.

---

Impeachment. It's more fun in the Philippines.

2012-01-17T15:17:00.004+08:00

cuevas de tupaz

Paglalagay ng tamang libelo sa mga produktong pagkain, ipag-uutos

2012-01-16T15:25:00.003+08:00

Isang panukalang batas na naglalayong gawing mandatory ang paglalagay ng iteketa sa mga produktong pagkain na genetically modified organisms (GMO) sa bansa ay inihain upang matiyak ang seguridad at karapatan ng bawat mamimiling Filipino.

Sinabi ni Bayan Muna partylist Rep Teddy Casino na isa sa may mga akda ng HB05247, layunin umano ng panukala na ipaalam sa mga mamimili ang nilalaman ng kanilang binibili at kinakain.

Ayon kay Casino, mahalagang maitaguyod ang karapatan ng mamimili para malaman ang kanilang binibili at kinakain kung may tamang labeling na nakalagay sa food product, lalo na yung mga naglalaman o dumaan sa genetic modifications.

Idinagdag pa ni Casino na mayroong mga kasong nadiskubre na ang genetically modified product ay nakapagdudulot ng malalang sakit sa katawan ng tao at maging sa kapaligiran.

Naiulat na daw ang mga kasong contamination of crops at ang mga ito ay nadiskubre sa mga kabukiran na malapit sa lumalalang genetically engineered crops.

---

Konsulado sa Federation of Malaysia, itatatag upang tulungan ang mga Filipino sa Sabah

2012-01-16T15:12:00.002+08:00

Ipinagtibay na sa Kamara ang HR00204 na humihiling sa Department of Foregin Affairs na magtatag ng Philippine consulate sa estado ng Federation of Malaysia, malapit sa Sabah upang masuportahan ang mga Filipino na umaalis patungong Sabah.

Sinabi ni Albay Rep Al Francis Bichara, chairman ng House Committee on Foreign Affairs, ang naturang resolusyon naglalayong tiyakin ang kaligtasan at proteksyon sa karapatan ng mga Filipino sa Sabah.

Ang Philippine consulate na malapit sa Sabah ang siyang mangangasiwa sa pagproseso ng mga dokumento na kailangan ng mga Filipino doon.

Tinatayang nasa 350,000 ang hindi dokumentadong mga Filipino ang naninirahan sa Sabah na makikinabang mula sa pagka-tatatag ng naturang konsulado.

Ayon kay Bichara, sa pamamagitan ng Philippine consulate, malalaman umano ng ating gobyerno ang kondisyon ng mga nakakulong na Filipino doon at magbigyan sila ng kagyat na tulong.

Sa kasalukuyan ayon pa sa kanya, mayroong 30% na Filipino ang sumasakop sa populasyon sa Sabah na nahaharap sa ‘di-mabilang na mga kaso gaya ng trafficking, detention at labor problems na nangangailangan ng tulong ng ating pamahalaan.

---

Suwelduhan at hindi na porsiyentuhan ang mga bus driver

2012-01-13T10:54:00.004+08:00

Umani ng papuri galing kay Bayan Muna partylist Rep Teddy Casino ang pagkilos na ginawa ng Land Transportation Franchising and Regulatory Board (LTFRB) para sa public utility bus (PUB) operators na ipatupad ang government-prescribed salary scheme, working hours at minimum benefits para sa lahat ng bus drivers.

Ipinahayag ni Casino na matutuwa na raw ang mga bus driver dahil suwelduhan na sila at walong oras lamang sila magta-trabaho o magmamaneho at talagang nagbunga na umano ang matagal nang plano ng gobyerno para sa mga bus drivers.

Sinabi naman ni Gabriela partylis Rep Luzviminda Ilagan na suportado ng kanilang partido ang mungkahing bigyan ng sahod ang mga PUB drivers.

Ayon sa kanya, nakakatiyak na raw ang mga bus driver na mayroon silang fixed salary at hindi na sila makikipag-agawan ng pasahero at tiyak pa ang kaligtasan sa kalsada.

Sa ilalim ng Memorandum circular 2012-001 na nilagdaan ni Chairman Jaime Jacob, ang compensation scheme na itinakda ng Department of Labor and Employment ay aangkop sa part-fixed-part-performance based scheme.

Gagawin nang P5M ang pondo ng National Museum

2012-01-13T10:40:00.003+08:00

Pumasa na sa Kamara sa ikalawang pagbasa ang panukalang magpapayag sa National Museum na gamitin ang kanilang kinikita upang matustusan ang kanilang mga pangangailangan.

Sinabi ni Muntinlupa Rep Rodolfo Biazon na pinapayagan ng panukala na gamitin ng National Museum ang kanilang kinikita ngunit hindi dapat lumampas ito sa P5 milyon kada taon na galing sa proceeds of sale, reproduction, cultural items, publications, creation, restoration, conservation, identification, earnings mula sa planetarium programs, entrance fees at iba pang auxiliary services nito.

Ayon kay Biazon, sa umiiral batas, pinapayagan umano ang Museum na gumastos lamang ng P2 milyon kada taon at limitado rin ang paggamit nila para sa maintenance at iba pang auxiliary expenses.

Layunin din daw ng panukala na amiyendahan ang charter ng National Museum para maitaas ang halaga na dapat nilang gamitin bilang revolving fund mula sa P2 milyon at ito ay gagawing P5 milyon na.

Idinagdag pa ni Biazon na gagamitin umano ang revolving fund para sa upgrading at modernization ng communication at transportation facilities; repair and rehabilitation ng structure at facilities ng mga tanggapan, koleksyon at acquisitions; updating ng insurance payments nito; tataasan ang level of security na ginagamit nito; at popondohan ang para sa mga gastusin sa reproduction at acquisition ng mga cultural items at iba pang mga auxiliary activities.

----

SALN ng mga miyembo ng Kamara, hindi sekreto

2012-01-11T19:54:00.002+08:00

Ipinahayag ngayon ni House Secretary General Marilyn Barua-Yap na bukas para saliksikin ng sinuman ang mga Statement of Assets, Liabilities and Net-Worth (SALN) ng mga miyembro ng Kamara de Representantes.

Sinabi ni Yap na mayroon silang standing directive galing House Speaker Feliciano Belmonte, Jr. na ipanatiling bukas ang mga record ng Kamara lalu na sa media at na dapat wala silang pinipiling pagbibigyan ng mga ito.

Nilinaw naman ni Atty Ricardo Bering, hepe ng House Records Service, na bilang mga custodian ng SALN records, sinusunod lamang nila ang batas at ang mga rules and procedures hinggil sa nabanggit na mga dokumento.

Ayon kay Bering, bago magkakamit ng certified true copy ng naturang papeles, isang request ang ia-accomplish ng requesting person na nagbabanggit ng espesipikong layunin para sa request upang maiwasan na ang naturang dokumento ay gagamitin lamang ayon sa itinadhana ng batas.

Para sa praktikalidad, sinabi rin ni Bering na dini-discourage nila ang wholesale request ng mga kopya ng 285 miyembro ng House upang maiwasan ang sitwasyong magkakaroon pa ng maraming repository ng SALN at upang mapanatili ang kaayusan at maseguro ang integridad ng mga record.

Ayon pa sa kanya, bukas ang kanilang tanggapan para sa mga magsasagawa ng research at maaaring silang kumopya ng mga pertinent document na kanilang ninanais.

---

Pagbabaibayo ng koleksiyon sa GSIS premium contribution, hiniling

2012-01-11T15:09:00.003+08:00

Iminungkahi ni CIBAC party-list Rep Sherwin Tugna sa GSIS o Government Service Insurance System na pag-ibayuhin ang koleksyon sa monthly premium contribution ng mga empleyado ng gobyerno upang matugunan ang pinansyal na pangangailangan ng mga miyembro nito.

Sinabi ni Tugna na ang GSIS ang tanging mapagbabalingan ng mga miyembro sa kanilang pag-utang gaya ng salary, policy, housing at emergency loans.

Ayon sa kanya, bukod umano sa monthly premium contribution inaasahan din ng mga empleyado ng gobyerno ang principal benefit package ng GSIS tulad ng compulsory at optional life insurance, separation, retirement, disability benefits na may kaugnayan sa aksidente at pagkamatay.

Noong June 2011, dagdag pa ni Tugna, ang average monthly pension na natanggap ng isang old-age pensioner ay P8,650, ang survivor of a deceased ay P2,442 at ang disability at survivorship ay P1,647.

Ang nakuhang benepisyo ng mga miyembro sa GSIS ay hindi sapat para matiyak ang kanilang kinabukasan bagaman at nagsilbi sila ng mahabang panahon sa gobyerno.

Ang isang malaking hamon para sa GSIS ay nahaharap sila sa patuloy na pagbaba ng kontribusyon sa pagbayad ng mga benepisyo at tumaas ng 10% ang taunang binabayarang benepisyo ng GSIS mula sa P17 bilyon sa taong 2000 na naging P32.3 bilyon noong 2007.

Tumaas din ng kaunti ang kontribusyon ng miyembro mula P35 bilyon noong 2000 sa P41 bilyon noong 2007 o dalawang porsiyento ang itinaas kada taon.

Ayon pa kay Tugna, ang ratio of contribution ng benefit payment ay patuloy na bumababa mula sa 2.1 sa 2000 at 1.3 naman sa 2007.

Anomalya sa transaksiyon ng PEACe bonds, iimbestigahan

2012-01-11T14:54:00.002+08:00

Pina-iimbestigahan ng mga miyembro ng Kamara ang kontrobersyal na pagbubuwis ng Poverty Eradication and Alleviation Certificates (PEACe) bonds para matukoy kung sino ang dapat managot at para na rin sa Kongreso na magbalangkas ng batas para matugunan ito.

Sinabi ni Isabela Rep Giorgidi Aggabao, kailangang umanong rebisahin ang mga pangyayaring nakapalibot hinggil sa transaksyon sa PEACe bonds para mapigilan ang mga iregularidad sa issuance ng government debt instruments sa darating na panahon.

Batay sa HR01949, hiniling ni Aggabao sa House Committee on Ways and Means na imbestigahan ang anomalya kaugnay sa transaksyon ng PEACe bonds para malaman kung naka-apekto ito sa gobyerno at sa pribadong sektor.

Ayon kay Aggabao, malinaw umano na mayroong namumuong krisis sa pagitan ng dalawang magkataliwas na ruling BIR o ang Bureau of Internal Revenue 2001 at 2011 at nakadagdag pa umano dito ang walang koordinasyon ng sangay ng ehekutibo, ang BIR, Bureau of Treasury at Department of Finance at Hudikatura.

Matatandaang noong Mayo 31, 2001, nag-isyu ang BIR ng BIR Ruling 020-2001 na tumutukoy sa zero-coupon o Zeros bilang tax-exempt bonds at ito ay na-reaffirm sa ilalim ng BIR Ruling 035-2001 noong Agosto 16, 2001.

At noong Oktubre 3, 2011, napag-usapan ng Bureau of Treasury ang zeros tax-exemption sa Government Securities Eligible Dealers o GSEDs at may pagmamalaking inanunsyo ang kauna-unahang handog ng zeros sa bansa.

Binanggit ng BoT ang tax exemption sa Bankers Association of the Philippines at nag-isyu ng memorandum na nagpatibay sa tax exemption noong Oktubre 16, 2001.

---

Pagpapatupad ng pagbubuwis ng mga pensiyon, iimbestigahan

2012-01-09T16:31:00.003+08:00

Iimbestigahan ng House Committee on Ways and Means ang hakbang ng Bureau of Internal Revenue na magpapataw ng buwis sa kontribusyon ng mga insurance institutions gaya ng SSS o Social Security System, GSIS o Government Insurance Security System, PhilHealth at ang PAG-ibig Fund.

Sinabi ni Valenzuela Rep Magtanggol Gunigundo na ang direktiba na inisyu ni BIR Commissioner Kim Jacinto-Henares noong nakaraang taon na buwisan ang optional contributions, pensyon at insurance ay hindi umano makatuwiran.

Binatikos ni Gunigundo ang naturang direktiba bilang anti-poor at paglabag sa batas na na siyang nagliliban sa kontribusyon ng mga empleyado mula sa taxation, maging voluntary man o mandatory.

Ayon sa kanya, sobrang ma-aapektuhan umano dito ang mga overseas Filipino workers at ang mga self at part-time employees, pati na ang mga domestic helpers, dahilan para mag-mosyon siya sa komite na imbestigahan ang memorandum.

Ayon naman kay Cagayan de Oro Rep Rufus Rodriguez, ito daw ay kontribusyon at hindi dapat ikonsiderang investment gaya ng sinasabi ng BIR, kaya hindi dapat itong buwisan.

---

Sagot ng prosekusyon sa ang mga tugon ni Corona sa reklamo sa kanya

2012-01-03T08:17:00.005+08:00

Isinumite na kahapon ng prosecution panel ang sagot ng mga kongresista sa tugon ni SC Renato Corona sa impeachment laban sa kanya.

Sa 38-pahinang dokumento na ipinareseb ng House prosecution panel na pinangunahan ni Iloilo Rep Niel Tupas, Jr. sa Senado, nakapaloob dito ang punto por puntong sagot ng mga kongresista sa mga banat ni Corona sa impeachment laban sa kanya.

Sinabi ni Tupas na nais lamang ng sambayanan na maisiwalat ang katutohanan at marapat lamang umanong isagawa ito alang-alang sa kapakanan ng bayan.

Sa kanilang dokumento, iginiit ng mga rosecutor na hindi si Pangulong Aquino at ang Liberal Party ang pasimuno ng impeachment ni Corona bagkos ito ay isang pagkilos ng soberanya na sumusuporta sa pangulo ng bansa.

Ayon pa sa kanila, si Corona lang, at hindi ang Korte Suprema bilang institusyon ang puntirya ng impeachment at pakay umano nila na papanagutin si Corona sa personal nitong pagboto pabor kay dating Pangulong Gloria Arroyo sa maraming kaso.

May mga kasalanan daw si Corona sa bayan at kabilang umano dito ang pagpayag ng korte na makaalis ng bansa si Ginang Arroyo, pagpapalit-palit ng desisyon ng korte sa kaso ng flight attendants ng Philippine Airlines, at pagpigil noon sa impeachment ni dating Ombudsman Merceditas Gutierrez, na kakampi rin ni Arroyo.

Umaasa naman ang Malakanyang na hindi haharangin ng Korte Suprema ang impeachment ni Corona at nananawagan ang House prosecution panel sa Senado na ituloy ang impeachment trial at patalsikin si Chief Justice Corona.

Aprubado na ang prangkisa ng TV Maria

2011-12-29T13:41:00.003+08:00

Inaprubahan na ng Kamara sa ikalawang pagbasa ang panukalang batas na magbibigay ng prangkisa sa Filipino Catholic Organization na makapag-operate at magmintena ng mga television station sa bansa.

Bibigyan ng Kongreso ang TV Maria Foundation Philippines, Incorporated ng 25-taong prangkisa para magtayo, mag-operate at magmintena ng mga TV broadcasting station sa bansa, batay sa HB05492 na iniakda nina Manila Rep Amado Bagatsing at Marikina Rep Marcelino Teodoro.

Sa ilalim ng panukala, bibigyan ng may-ari nito ang gobyerno ng sapat na oras para iparating ang mga mahahalagang isyu at tumulong sa pagbibigay ng impormasyon at edukasyon sa taumbayan.

Sinabi ni Bagatsing na hindi papayagan ang station na mag-broadcast ng mga malalaswang palabas, kabastusang salita, pagbibigay ng maling impormasyon at sinadyang pagsisinungaling.

Idinagdag pa ni Bagatsing isa sa mga probisyon umano ng panukala ay ang pagbibigay ng karapatan sa Pangulong ng Pilipinas na sakupin at i-operate ang istasyon at pasilidad sa panahon ng digmaan, rebelyon, panganib sa publiko, kalamidad at kaguluhan sa kapayapaan at kaayusan.

Pinagsusuot na ng helmet ang mga batang angkas sa motorsiklo

2011-12-29T13:22:00.003+08:00

Pumasa na sa Kamara sa ikalawang pagbasa bago mag-krismas reses ang HB05626, panukala na naglalayung ipagbawal ang mga drayber ng motorsiklo na magsakay ng bata sa mga highway maliban lamang kung ang bata ay nakasuot ng helmet batay sa RA 10054 o ang Motorcycle Helmet Act of 2009, para tiyakin ang kaligtasan ng mga batang bakrayd motorsiklo na bumabagtas ng highway at kalsada.

Sinabi ni Caloocan Rep Mary Mitzi Cajayon layunin ng panukala na ito na limitahan ang bilang ng pasahero ng motorsiklo sa dalawa, kasama na ang driver, at maliban kung kailangan
dalhin ang bata sa pagamutan.

Nakasaad sa RA 10054 na ang angkas na bata ay abot ang apakan ng motor at abot niyang yakapin ang baywang ng nagmamaneho ng motor at ipinabawal sa mga driver ng motorsiklo na magsakay ng bata na mas mababa sa may sampung taong gulang sa mga highway maliban na lamang kung ang bata ay nakasuot ng protective helmet.

Ayon kay Cajayon, may kahinaan pa umano ang mga bata kumpara sa matatanda at nalalagay ang mga ito sa kapahamakan kung sila ay naka-angkas.

Mga NGO, puwede nang sumali sa mga public hearing

2011-12-21T15:41:00.002+08:00

Nakatakdang aprubahan sa ikawalang pagbasa sa Kamara ang panukalang batas na naglalayong matiyak ang partisipasyon ng taumbayan o pribadong grupo sa mga congressional public hearing at local government unit budget deliberation sa pagpapatuloy ng sesyon sa Enero 2012.

Ang HB03773 na tatawaging tataguriang institutionalization of the participation of bona fide people’s organization in budget hearings and deliberations in Congress, National government agencies and LGUs.

Sinabi ni Deputy Speaker Lorenzo Tanada III, may akda ng HB03773, layunin umano nito na payagan ang taumbayan na gamitin ang karapatan sa partisipasyon sa public decision-making at makadagdag ng kaalaman paano ginagastos ang kaban ng bayan.

Inaatasan ng panukala sa pangunahing probisyon nito na ang aplikasyon para sa accreditation ay isusunite sa tanggapan ng kalihim ng Senado at sa Secretary General ng House of Represntatives at sa Local Sanggunian ng LGUs.

----

Sakuna sa mga motorcycle racing, iimbestigahan

2011-10-19T15:53:00.002+08:00

Inumpisahan na ang imbestigasyon ng Kamara de Representantes hinggil sa pagkamatay ni national superbike champion Maico Buncio sa Clark International Speedway noong ika-16 ng Mayo ng kasalukuyang taon sa bisa ng HR01284 at HR01289.

Dahil dito, nagbigay ng derektiba si Camarines Norte Rep at House Committe on Youth and Sports chair Renato Unico sa PSC o Philippine Sports Commission na maglabas ng mga pamantayan para maiwasan ang sakuna sa motorcycle racing at iba pang kauri ito.

Sinabi ni Unico na hindi sa nakikialam ang Kongreso sa gawain ng National Sports Association kundi nais lamang nilang isaayos ang lahat sa tulong na rin ng PSC.

Sa pagdinig ng Komite, tiniyak ni PSC chairman Ricardo Garcia na maglalabas ang ahensiya at ang iba pang stake holder ng mga pamantayan para hindi na muling maulit pa ang ganitong mga aksidente.

Batay sa mga pag-aaral, sinabi ni Unico na karamihan sa mga sakunang nangyayari ay tuwing sa insayo kaysa sa aktuwal na karera at dahil dito, nakatawag umano ito ng pansin na kailangang bumalangkas ng mga safety measures para maiwasan ang mga sakuna sa lahat ng antas ng palakasan.

---

Mabigat na parusa sa ilang election offenses, sinusugan sa Kamara

2011-10-19T09:25:00.003+08:00

Inaprubahan na sa Kamara ang panukalang naglalayong patawan ng mas mabigat na parusa sa ilang election-related offenses tulad ng karahasan, pamimilit, pananakot, paggamit ng lakas at pagbabanta.

Sa inihaing HB04145 nina Cagayan de Oro Rep Rufus Rodriguez at Abante Mindanao partylist Rep Maximo Rodriguez, Jr, layunin nito na amiyendahan ang Omnibus Election Code na nauna na ring inamiyendahan at RA08189 o ang Voter’s Registration Act.

Sinabi ng mga may-akda ng panukala na dapat umanong siguraduhin ng Estado na mayroong pantay, tapat, maayos at payapang halalan at mapangalagaan ang integridad at kabanalan ng mga balota at panatilihin na mangibabaw ang kagustuhan ng mga botante.

Dapat lamang umanong na patawan ng mas mabigat na kaparusahan ang mga lalabag sa batas na kaakibat sa pagpapatupad ng malinis na halalan at hindi ito dapat pangibabawan ng pananakot, pamimilit, at karahasan.

Malaki rin umano ang maitutulong nito upang pigilan ang sinumang naglalayong gumawa ng pananamantala at pagdaraya tuwing may halalang magaganap.

Ang posibleng makasuhan at maparusahan sa ilalim ng panukalang ito ay yaong mga miyembro ng election inspectors, miyembro ng board of canvassers at mga opisyal ng Commission on Elections na magiging instrumento, tutulong o sasali, direkta man o hindi, sa pagsasagawa ng pandaraya sa halalan.

Ilan sa mga kaparusahang maaaring ipataw sa mga mapapatunayang nagkasala ay pagkabilanggo ng di bababa sa isang taon at hindi naman lalampas sa 12 at hindi maaaring mabigyan ng probation at hindi na rin maaaring makapaglingkod sa pamahalaan sa habang buhay ang sinumang mapapatunayang nagkasala sa batas hinggil sa halalan.

Kasama rin sa maaaring maparusahan sa pamamagitan ng pagpapataw ng multang hindi bababa sa P500,000, ang mga political party kung saan miyembro ang mapapatunayang nagkasala.

Pagtaas ng sahod ng sanitation inspector sa mga bayan, ipinanukala

2011-10-19T09:16:00.003+08:00

Naghain si Laguna Rep Edgar San Luis ng isang panukalang batas sa Kamara de Representantes na lalung magpapalakas ng programang pangkalusugan ng pamahalaan.

Nilalayon ng HB05314 ni San Luis na itaas ang sahod ng mga sanitation inspector ng bawat lokalidad upang pasiglahin at makahikayat ito sa maraming tao na gustong mamasukan para sa
posisyon.

Sinabi ni San Luis na lalong matutugunan nito ang problema sa mga barangay sa pagpapatupad ng mga programang pangkalusugan at wastong pamamaraan sa kalinisan na magpapataas ng malinis na kabuhayan sa komunidad.

Sa ilalim ng panukala, ang posisyon ng sanitation inspector ay itataas sa next higher salary grade ayon sa mga sumusunod: Sanitation Inspector I mula SG 06 to SG 09, Sanitation Inspector II mula SG 08 to SG 11, Sanitation Inspector III mula SG 11 to SG 13, Sanitation Inspector IV mula SG 13 to SG 15, Sanitation Inspector V mula SG 15 to SG 17.

Ayon pa kay san Luis, sila umano ang katu-katulong ng health units sa mga komunidad para sa prevention ng epidemic at outbreak ngmga sakit gaya ng dengue, cholera, meningococcemia at iba pang nakamamatay sa sakit.

----

Pagpapalawig ng Oversight Committee on Dangerous Drugs, aprubado na

2011-10-19T09:08:00.004+08:00

Inaprubahan sa Kamara ang joint resolution na naglalayong palawigin ng sampung taon pa ang pananatili ng Congressional Oversight Committee on Dangerous Drugs.

Sa HJR0016 na inihain ni Iligan City Rep Vicente Belmonte, Jr, layunin nito na payagan ang Congressional Oversight Committee on Dangerous Drugs na muling pag-aralan at busisiin ang mga polisiya at paraan ng pagpapatupad ng ibat-ibang agensiya ng pamahalaan na may kinalaman sa iligal na droga o ang RA09165 o ang Comprehensive Dangerous Drugs Act, kasabay ng pagsasagawa ng konsultasyon sa mga mamamayan.

Sinabi ni Belmonte na ang resolusyona ng siyang magtatakda at magbibigay mandato sa nabanggit na komite na bumuo ng mga panuntunang dapat sundin kung papaanong mamamatyagan ang pagkilos ng iligal na droga sa bansa.

Ang nabanggit na Congressional Oversight Committee ay bubuuin ng pitong miyembro mula sa Mababang Kapulungan at pito rin mula naman sa Senado na pamumunuan ng mga chairman ng Committee on Dangerous Drugs sa Kamara at Committee on Public Order and Illegal Drugs sa Senado.

Ayon kay Belmonte tungkulin ng Oversight Committee na masiguro na umiiral ang transparency sa implementasyon ng batas at dapat ay magsumite ito ng ulat mula sa mga ahensiya ng gobyerno na nagpapatupad ng programa, proyekto at polisiya tungkol sa iligal na droga.

Ito rin umano ang mag-aapruba ng pondo para sa mga programang dapat ipatupad, mga dapat pagkagastusan ng tanggapan kasama na ang compensasyon ng mga empleyado nito.

----

Senior public servants na halal o naitalaga, maging saklaw na ng GSIS

2011-10-19T08:59:00.003+08:00

Ipinahayag ni Surigao del Sur Rep Philip Pichay na magiging saklaw na umano ng Government Service Insurance system (GSIS) ang mga senior public servants na nahalal o natalaga sa gobyerno kahit na lampas na sila sa mandatory retirement age na 65 years old kapag naisabatas na ang kanyang panukala.

Sa HB05327 na iniakda ni Pichay, maari nitong i-refund ang life insurance premiums na ibinayad sa GSIS na may legal interest, kasama na ang personal at government share.

Malaki umano ang maitutulong ng salapi na kanilang mare-refund sa GSIS sa kanilang pagtanda, na walang karagdagang halaga sa GSIS.

Idinagdag pa ni Pichay na makakatulong din ito na masugpo ang korapsyon sa gobyerno at mapapaganda at mapapabuti ang kalidad ng kabuhayan ng isang government worker.

----

Barangay volunteers, bibigyan ng karagdagang benepisyo

2011-10-13T15:35:00.002+08:00

Inaprubahan ng Kamara de Representantes sa ikatlo at pinal na pagbasa ang Barangay Volunteer Workers’ Benefit Act upang palakasin at madagdagan ang kanilang kahusayan na maging epektibong tagapagtanggol ng kapayapaan at kaligtasan.

Ang HB05228 ay magbibigay ng allowances sa barangay volunteers na hindi bababa ng P1,500 kada buwan na kukunin sa pondo ng barangay mula sa 80% ng taunang Internal Revenue Allotment.

Sinabi ni Misamis Occidental Rep Loreto Leo Ocampos, sakop umano ng panukala ang lahat ng miyembro na accredited civilian volunteer organization (CVOs) at lahat ng volunteer na tumutulong para mapanatili ang kapayapaan ng komunidad.

Sa inaprubahang panukala, itinatakda ang kwalipikasyon ng barangay volunteer at pinapayagan ito na magpatuloy sa gawaing pang-komunidad at ang kanyang pagtupad sa tungkulin ay kapuri-puri ng opisyal ng Barangay.

---

Mga mational project sa Taguig, hinaharang ng LGU ng lungsod

2011-10-13T15:00:00.004+08:00

Kinundena ni Taguig City Rep Sigfrido Tinga ang diumanoy panghaharang ng lokal na pamahalaan ng naturang siyudad sa mga proyektong nais gawin ng national government na naglalayong lalong mapaunlad ang lungsod at ang mga mamamayan nito.

Sa kanyang privilege speech, sinabi ni Tinga na mayroon umano siyang mga proyekto tulad ng pagpapalawak ng barangay hall at rehabilitasyon ng mga kalsadang sira-sira sa ilang barangay sa Taguig ang naaapektuhan na sa political vendetta na ginagawa sa kanya ng lokal na pamahalaan.

Ayon sa kanya, may ilang mga elemento umano ng Taguig City Hall ang nanakot at nanggulo sa mga opisyal ng barangay at mga manggagawa na nagsasagawa ng konstruksiyon sa barangay hall ang naturang insidente ay paulit-ulit na nagyayari sa kasalukuyang lokal na administrasyon at ayon sa kanya, nang siya umano ang nagsilbi bilang city mayor sa naturang lugar sa loob ng siyam na taon, ni hindi niya ginawa ang manakot at manggipit na tulad ng ginagawa ngayon.

Bagamat inamin naman ni Tinga na noong siya ay mayor pa, may insidente rin na nagpatigil siya ng konstruksiyon ngunit hindi umano politika ang dahilan nito kundi mayroon na umanong naunang plano para dito.

---

Pagbibigay ng insentibo sa gumagawa ng hybrid vehicles, isinusulong

2011-09-29T09:17:00.003+08:00

Umaani ng maraming suporta sa Kamara ang ang kilusang pagbibigay ng insentibo sa mga gumagawa at nag-aangkat ng mga tinaguriang hybrid na sasakyan at iba pang uri ng alternatibong sasakyan na makakatulong upang mabawasan ang paggamit ng langis at mapangalagaan ang kalikasan.

Sinabi ni Cagayan de Oro Rep Rufus Rodriguezm ay-akda ng HB05161, na kakaunti lamang umano ang nagnanais na bumili ng mga hybrid na sasakyan dahil na rin sa sobrang kamahalan nito na sanhi ng mataas na buwis at iba pang bayaring ipinapataw ng pamahalaan.

Ayon sa kanya, ang bilang na ipinalabas ng Toyota Motor Philippines, Inc na nagbebenta ng Toyota Prius at Lexus hybrid vehicles, ay masyadong mababa at halos nasa 100 hybrid vehicles lamang mula nang simulan ng kumpanya ang pagbebenta ng mga ganitong uri ng sasakyan sa lokal na pamilihan.

Kung pag-uusapan ang energy-saving efficiency, lumilitaw sa mga test driving results na ang isang puno na tangke ng unleaded gasoline na nagkakahalaga ng P1,800 sa isang hybrid vehicle ay katumbas ng isang sasakyang may full tank diesel na nagkakahalaga ng P3,000.

Nauna rito, nagsumite na rin ng panukala si Batangas Rep Hermilando Mandanas ng HB04794 na may parehong layunin, samantalang si Ilocos Sur Rep Ryan Luis Singson naman ay nagsumite rin ng HB05139 na naglalayon namang huwag patawan ng ilang buwis ang mga manufacturer at importer ng hybrid vehicles.

---

Pag-iwang mag-isa ng bata sa loob ng sasakyan, gawing krimen

2011-09-16T16:07:00.003+08:00

Isasabatas na ang panukala magpapataw ng multang hanggang P50,000 sa sinumang magulang na mag-iiwan ng kanyang anak sa loob ng kotse na walang kasamang nakatatanda.

Layunin ng HB05226 ng mag-inang mambabatas na sina Camarines Sur Rep Diosdado Macapagal- Arroyo at Pampanga Rep Gloria Macapagal-Arroyo na ipabatid sa publiko ang maaaring maidulot na sakuna kung pababayaan lamang ang bata na nasa walong gulang pababa sa loob ng sasakyan.

Ayon sa nakbabatang Arroyo, maaaring umano itong ma-heat stroke, aksidenteng umandar ang sasakyan, choking, ma-kidnap, makalanghap ng toxic fume na maaring ikamatay ng bata sa loob ng kotse.

Naniniwala ang mag-inang Arroyo na sa pamamagitan ng wastong pamantayan at paalala sa mga magulang, maiiwasang mangyari ang mga ganitong sakuna.

---

Imbestigasyon sa mga nakakalasong laruan at school supplies, uumpisahan na

2011-09-12T17:17:00.004+08:00

Iminungkahi ni Davao del Norte Rep Anthony del Rosario ang agarang pagsiyasat ng Kongreso batay sa kanyang inihaing HR01669 sa mga naglipanang nakakalason at mapanganib na mga school supplies at laruan na nagkalat ngayon sa mga pamilihan sa buong bansa.

Sinabi ni del Rosario na kailangan na umanong imbestigahan ng Kongreso ang problemang ito dahil malaki ang posibilidad na magkasakit ang mga bata dahil sa mga nakakalasong laruang ito.

Sa ulat ng EcoWaste Coalition and International Persistent Organic Pollutants (POPs) Elimination Networks ayon pa kay del Rosario, 30% ng 200 local at imported na laruan sa iba’t ibang tindahan ay nag-positibo sa toxic metal.

Idinagdag pa ng mambabatas na nagkalat din daw ang mga school supplies na yari sa polyvinyl chloride at nagtataglay ng phthalates na ginagamit para gumawa ng plastic na laruan.

Dahil dito, ipinanukala ni del Rosario na kailangan umanong matyagan ang mga manufacturer, importer at distributor ng mga nalalakasong laruan at school supplies.

Pandaraya umano sa NFA, bubusisihin sa Kamara

2011-09-05T15:55:00.004+08:00

Isinusulong ngayon sa Kamara na imbestigahan ang diumano’y malawakan at sistematikong pandaraya sa loob ng NFA o National Food Authority kung saan ang ahensiya umano ay nagsisilbing trade facilitator at importer na nakakasama naman sa kapakanan ng mamamayang mamimili at magsasakang Pilipino.

Sinabi ni Quezon City Rep Winston Castelo sa isinumite nitong HR01396 na napapanahon na upang magsagawa ng imbestigasyon ang House Committee on Food Security upang makagawa na rin ng paraan kung paanong kokontrahin at mapapatigil ang kaganapang ito sa loob ng NFA.

Ayon pa kay Castelo, may mga ulat na nakarating sa kanyang tanggapan na ang Inter Agency Council projects sa NFA ang siyang nagpapahayag ng mataas na pangangailangan at kakulangan ng bigas upang magawang makapag-angkat ng mas maraming bigas ang mga importer at ang mga ito naman umano ang nananamantala at nagpapatong ng mas mataas na presyo ng bigas na ina-angkat.

Sa nakalap na ulat ni Castelo, may mga bangko umano na kumikita rin ng malaki sa transaksiyon na ito kung saan ang alinmang bangko na magpapautang ng malaki sa NFA ay magkakaroon din ng malaking kita base sa kung gaano kalaki ang bigas na ia-angkat ng bansa.

Ayon pa kay Castelo, tungkulin ng daw NFA na magbigay ng bigas sa mamamayang Pilipino sa murang halaga kaya’t dapat ay alam nila kung ano ang ganap na paglalagak, imbentaryo, at mitigasyon ng mga bigas at ang posibilidad na ito ay masayang kung ang aangkatin ay labis-labis.

Nakakalungkot umanong malaman na mayroong tone-toneladang sako ng bigas na nakaimbak sa iba’t-ibang imbakan sa bansa na nasasayang lamang at maisisisi ito sa maling pag-iimbak, maling pagdi-deklara kung may kakulangan o wala at ang kawalan ng transparency lalu na kung may katotohanan ang umano’y pagiging trade facilitator at importer ng NFA na dahilan pa umano upang masayang ang malakaing bahagi ng pondo ng pamahalaan samantalang kumikita naman ng malaki ang ilang traders at financial institutions, dagdag pa ni Castelo.

Iimbestigahan na ang diumano'y mataas na renta sa mga malls

2011-09-05T13:24:00.003+08:00

Batay sa HR01542 na inihain nina Valenzuela Rep Magtanggol Gunigundo at Tarlac Rep Jeci Lapus, uumpisahan na ang imbestigasyon ng House Committee on Trade and Industry hinggil sa mga reklamong mataas na singil sa renta ng mga shopping malls

Sinabi ni Gunigundo na wala umanong magawa ang mga restaurants, boutiques at drug stores na umuupa kundi magtaas ng presyo ng kanilang mga produkto gaya ng damit, sapatos, hand bag, pantalon, polo shirts, pagkain at mga inumin dahil hindi regulated ang presyo ng paupa sa mga malls.

Ayon sa kanya, halos lahat ng Filipino daw ay nagpupunta sa mga malls tuwing week-end kasama ang pamilya at pagkatapos mag-shopping, siguradong kakain sa restaurant at dito na sila maging biktima sa mataas na presyo ng pagkain, bottled-water, soft drinks at iba pa dahil mataas ang upa ng puwesto sa malls.

Walang magawa ang food at retail outlet kundi magtaas ng presyo o kaya’y magbawas sa serving ng pagkain dahil sa overhead expenses na dulot ng regular na 10% pagtaas ng renta taun-taon at wala na silang magawa kundi patulan ito para lamang mapanatili ang kanilang negosyo, dagdag pa ni Gunigundo.

Sinabi naman ni Rep Lapus na bukod sa renta, kailangan ding magbayad ang mga umuupa ng 15% ng kanilang gross sales, batay sa nakasaad sa kanilang mga kontrata.

Ayon pa sa kanya, ang percentage rate ay binabayaran umano kung ang 15% ng gross sales ng lessee ay mas mataas sa discounted rent na nakasaad sa lease agreement.

Bukod sa 10% na taunang dagdag sa upa at bayad sa percentage rent, nagbabayad din ang umuupa ng maintenance, air-conditioning, common use service areas (CUSA), telephones, electricity, water and rental association dues, dagdag pa ni Lapus.

State witness, dapat sumailalim sa psychological exam

2011-09-02T11:02:00.003+08:00

Iminungkahi sa Kamara ngayon na kailangan sumailalim sa physical at psychological examination ang maaaring saksi bago ito tuluyang makapasok sa witness protection program para sa lalong ikabubuti ng programa ng gobyerno.

Sa inihaing HB05060 ni AGHAM partylist Rep Angelo Palmones, ipinanukala niya na amiyendahan ang RA06981 upang maisama ang probisyong kanyang iminungkahi at ito sa “Witness Protection, Security and Benefit Act.”

Sinabi ni Palmones na hindi kasama sa mga probisyon ng RA06981 na sumailalim sa pagsusuri ang maaaring aging saksi ng estado at may mga insidente pa umano na nawawala ang saksi dahil wala ilong medical examination.

Layunin din ng HB05060 na malaman kung ang maaaring saksi ay physically, mentally at psychologically sound upang karapat-dapat ito para makapasok sa programa.

Ayon kay ni Palmones, dumaranas umano ng matinding takot at physical stress ang mga saksi na nasa ilalim ng programa at kailangan malaman ito ng mga kinauukulan para mapangalagaan ang kanilang kalusugan.

Hindi daw biru-biro ang nasa witness protection program dahil sa sobrang tensyon o emotional at psychological pressure na dinaranas ng saksi lalo na doon sa mahihina ang loob.

Walang pondong pangpatayo at pangkumpuni ng mga hukuman sa 2012 budget

2011-08-25T14:14:00.006+08:00

Ipinahayag ni Pangasinan Rep Marlyn Premecias-Agabas na wala umano kahit isang sentimong inilaang pondo ang Justice Department para sa pagpapatayo ng gusali o kahit para sa pagkukumpuni man lamang ng mga hukuman sa maraming lugar ng bansa matapos na isumite ang panukalang 2012 General Appropriations Act na naglalaan ng P400 milyong pondo para sa pagtatayo ng Manila Halls of Justice.

Ayon kay Primicias-Agabas, Chairman ng House Committee on Revision of Laws, aamiyendahan nila ang 2012 national budget sa pamamagitan ng pagbabalik ng panukalang P1.2 bilyong pondo para sa mga korte.

Ipinaliwanag niya na alam umano ng lahat na hindi lamang mga hukuman dito sa Kamaynilaan ang nangangailangan ng pagkukumpuni ng kanilang mga gusali, kailangan pa ring makapagpatayo ng mga bagong gusali para sa mga hukuman sa maraming congressional districts sa buong bansa.

Sa pagharap ni Justice Secretary Leila De Lima sa pagdinig sa Kamara, sinabi nito na naglaan daw ang kagawaran ng P1.2 bilyong pondo para sa mga lokal na hukuman ngunit hindi ito isinama ng DBM o Department of Budget and Management sa Kamara ayon sa liham na kanilang ipinadala noong ika-6 ng Enero 2011 na nagsasaad ng pagtutol ng Pangulo sa mga probisyon para sa hinihinging pondo.

Ayon kay De Lima, ang P1.2 bilyong panukalang pondo ay inilalaan para sa pagtatayo, pagsasaayos at pagkukumpuni ng mga gusali ng hukuman sa buong bansa ngunit maaari pa rin namang hilingin ng mga mambabatas na ibalik ito kung nanaisin nila.

Idinagdag pa niya na mananatili pa rin ang hiniling na P400 milyong pondo na tanging inilalaan lamang para sa pagkukumpuni ng Manila Hall of Justice na inendorso ng Kataastaasang Hukuman noong nakaraang taon kung walang inisyatiba ang Kongreso na hilingin ang pagbabalik ng P1.2 bilyong pondo.

Lemon Law, pasado na sa Kamara

2011-08-23T15:48:00.003+08:00

Inaprubahan na sa ikatlo at pinal na pagbasa ang panukalang lemon law o ang proposal na magpapa-igting sa consumer protection ng mga mamimili ng mga brand new na sasakyan.

Ang HB04841, prinsipal inakda ni Compostela Valley Rep Maria Carmen Zamora-Apsay ay inaasahang magbibigay ng kapanatagan sa mga bumibili ng bagong sasakyan dahil minsan, may mga sirkumstansiya na ang mga binibiling brand new car ay may factory defects na maaaring maging sanhi ng disgrasya, at ito ay sa pamamagitan ng full refund ng halaga ng mga sasakyang ito.

Sinabi ni Zamora-Apsay, ang proposed lemon law ay ang siyang maglalatag ng mga parameter sa pagtatanggap ng mga consumer complaint kaugnay sa brand new vehicles na may mga factory defects at ang mga karampatang refund sa consumer.

Ayon sa kanya, batay sa estatistika, nasa average na 100,000 unit ng kotse ang naibebenta kada taon dito sa bansa at 100 dito ang naiulat na mayroong factory defects.

Nadadaan na lamang umano, ayon sa kanya, sa magandang usapan ang reklamong natatanggap ng Department of Trade and Industry o DTI ngunit hindi naman sapat ang paraan para sa karaingan at proteksyon at karapatan ng bumibili ng kotse.

Nakasaad sa paukala na responsibilidad ng manufacturer at distributor, authorized dealers at retailers, sa sandaling nasa bumili na ang behikulo at notice of non-conformity, kailangan asikasuhin ng manufacturer o distributor ang reklamo at kumpunihin ang behikulo alinsunod sa standard o specification ng manufacturer o distributor.

---

Singil sa mga entrance exams, kinondena

2011-08-23T15:48:00.001+08:00

Kinondena ni Taguig City Rep Sigfredo Tinga ang naging kalakaran ng ilang mga pribadong eskuwelahan na sumingil ng entrance examination fee nang kanyang sinabi na kung wala kang pera, hindi ka makakakuha ng entrance examination.

Sinabi ni Tinga na ang sistemang ito ang nagpababa sa ekonomiya at nagiging hadlang sa maraming estudyante sa pampublikong paaralan na pumasok sa kolehiyo.

Ayon sa kanya, para umanong inalisan ang mga estudyante ng karapatan kahit sa panaginip lang.

Idinagdag pa ni Tinga na naging negosyo na ng ilang pribadong eskwelahan ang entrance exams hindi tulad ng maraming paaralan na tinatrato at tanggap nila ang mas maraming estudyante na gusto pumasok sa kanilang paaralan.

Tinukoy ni Tinga ang eskwelahan na sumisingil ng entrance exam sa minimum na P500 mula sa mga estudyante ay ang DeLa Salle University, University of Sto. Tomas, Far Eastern University, Ateneo de Manila University, College of Don Bosco, Polytechnic Universsity of the Philippines at ang University of the Philippines.

Ayon sa kanya, maaring maliit na halaga lamang ito pero para doon sa pamilya na abot-kaya lamang ang kinikita, ito ay malaking halaga na para sa kanila.

---

Lokal na industriya ng musika, makatatanggap na ng insentibo galling sa pamahalaan

2011-08-23T15:46:00.000+08:00

Pumasa na sa ikatlo pinal na pagbasa sa Kamara ang panukalang maglilibre sa buwis, maglalaan ng subsidiya sa lokal na industriya ng musika at himukin ang pagpapalakas ng mga orihinal na musikang Pilipino upang mapahanay na tayo sa pandaigdigan larangan.

Ang HB04443 na inihain nina Bayan Muna Rep Teddy Casiño at Taguig City Rep Sigfrido Tinga ay may layuning amiyendahan ang RA07160 o Local Government Code upang malibre ang mga musikang pop, rock at kahalintulad na konsyerto na nagtatanghal ng mga Pilipinong mang-aawit at kompositor, sa pagbabayad ng amusement tax.

Sinabi ni Tinga na ang sobrang buwis sa kanilang gross income ang labis na nagpapahirap sa industriya ng lokal na musika na makipagtagisan sa mas mayayaman at mas suportadong dayuhang musikero.

Ayon sa kanya, napapanahon na para pagtuunan ng pansin at suportahan ng pamahalaan ang sining at kultura ng ating lahi sa pamamagitan ng mga naaangkop na mga batas.

Sinabi naman ni Casiño na dahil sa taas ng buwis sa mga konsyerto ay halos wala nang kinikita ang mga mang-aawit at mga producer na kadalasan ay lugi pa o bawi lang sa gastos at ang kakulangan ng mga insentibo ang dahilan ng kawalang-gana ng mga ito na mag-organisa ng mga live performances na nagresulta sa pagbaba ng oportunidad sa trabaho, damay ang galing at kahusayan ng mga artista at mang-aawit.

Layunin din ng panukala na ilaan ang kita sa amusement tax mula sa mga konsyerto at iba pang kahalintulad na presentasyon sa mga workshop ng local theater musicals o workshops at mga pagsasanay para sa mga local artists at mga kompositor upang makalikha pa ng mga orihinal na awiting Pilipino.

---

Mungkahing opening ng klase umpisang Setyembre, suportado

2011-08-04T15:43:00.005+08:00

Pinupursige ngayon sa Kamara ang mga mungkahing magbabago ng school calendar na gawing Setyembre na imbes na Hunyo ang umpisa ng school year sa gitna ng sunod-sunod na nagdaang mga bagyong dinanas ng bansa.

Sinabi ng mga may-akda ng mungkahing ito na humigit-kumulang sa dalawampung bagyo ang dumaraan sa bansa sa loob ng isang taon kung kaya't sila ay nag-alala sa magiging epekto nito sa mga estudyante at mga magulang na dulot ng naturang mga kalamidad.

Bukod dito, nag-aalala din sina Cavite Rep Lani Mercado-Revilla at bagong Henerasyon partylist Rep Bernadette Herrera-Dy para sa mga estudyante, magulang at titser sa maaring makuhang sakit tulad ng respiratory diseases, dengue fever at leptospirosis at sa mga hukay sa kalsada at bukas na imburnal.

Sinabi ni Mercado-Revilla na sa nakaraang magkasunod na bagyong pumasok sa bansa, may ilang beses na sinuspendi ang mga klase sa elementary pati na sa kolehiyo dulot ng malakas na ulan at pagbaha.

Sa unang araw pa lamang umano ng pagbubukas ng klase, pumapasok na ang bagyo at ang pagsuspendi sa mga klase ay hindi lamang isang araw dahil nanatili pa rin ang baha sa ibang lugar.

Bagamat magkahiwalay ang HB04866 at HB04895 na inihain nina Mercado at Herrera-Dy, nagkaisa naman ang dalawang kongresista sa pag-amiyenda sa RA07797, ang “The Act of Lengthen the School Calendar not more than 220 day.”

Ang Pilipinas at Brunei lamang ang dalawang bansa sa Asia-Pacific region na nagsisimula ang regular classes sa Hunyo. Enero sa Malaysia at Singapore, Pebrero sa china, Marso sa South Korea, Abril sa Japan at India, Mayo sa Thailand, Hulyo sa Indonesia at Setyembre sa Hong
Kong.

--

Imbestigasyon sa PCSO, iminungkahi

2011-08-01T17:33:00.003+08:00

Posible umanong nilabag ng PCSO o Philippine Charity Sweepstakes Office ang kanilang sariling regulasyon na dapat hiwalay ang charity funds mula sa ibang accounts o ang tinatawag na general expenses at maaari ding nilabag nito ang COA o Commission on Audit accounting rules and regulations.

Ito ang ipinahayag ni Quezon City Rep Winnie Castelo nang kanyang sinabi na ilang opisyal ng PCSO ang nagbulgar na may mga palsipikadong media contracts at bogus medical claims na naging gatasan sa PCSO hanggang magka-utang ito ng P4 bilyon noong panahon ng dating administrasyon.

Ayon kay Castelo, gumastos umano ng sobra-sobra ang PCSO mula sa kanilang operating expenses kaysa sa charity work lalo na sa huling dalawang taong naupo ang mga dating itinalaga bilang mga miyembro ng board nito kaya kanyang hiniling sa Kamara na imbestigahan ang diumanong katiwalian sa PCSO.

Pumasok daw ang mga former appointees sa milyong pisong kontrata na may pinaborang grupo ng media at nag-isyu rin ng mga guarantee letter sa mga ospital at parang lumalabas na ang P1 bilyon ay naibayad sa media group at ang natirang P3 bilyon ay napunta sa mga ospital.

Ayon naman kay PCSO chair Margarita Juico na ang mga tinalaga ni dating pangulong Gloria Macapagal-Arroyo na mga director ng PCSO board ang gumamit ng operational expenses at nilabag ang alituntunin ng ahensiya na hiwalay ang charity fund mula sa general expense
account.

Benepisyo at proteksiyon sa mga kasambahay, daragdagan

2011-08-01T10:15:00.004+08:00

Iminungkahi ngayon sa Kamara ang pagkakaroon ng minimum na sahod, pagmimiyembro sa Social Security System (SSS) at Philippine Health Insurance Corporation (PhilHealth) para sa mga kasambahay sa buong bansa.

Sa isinumiteng HB04896 ni Cavite Rep Lani Mercado-Revilla, ang lahat ng kasambahay na namamasukan sa NCR o National Capital Region ay dapat tumanggap ng sweldong P3,000 samantalang P2,500 kada buwan sa mga chartered cities at first class municipalities at maari namang tumanggap ng P2,000 na suweldo kada buwan ang mga kasambahay na naninilbihan sa iba pang munisipalidad.

Sinabi ni Revilla na ito ay bilang pagkilala at pagbibigay proteksiyon na rin sa lahat ng kasambahay na ang trabaho ay maituturing na espesyal at mahalaga sa bawat pamilyang kanilang pinapasukan.

Batay sa panukala, dapat ay mayroong kasulatan sa pagitan ng amo at ng kasambahay kung saan nakasaad ang dapat tanggaping sweldo ng kasambahay at maging kung kailan dapat matanggap ang sweldo at kung kailan dapat na madagdagan ito.

TOPS at COPS, paparangalan sa Malakanyang

2011-07-19T09:44:00.002+08:00

Pinahayag kahapon ni Metrobank Foundation President Aniceto Sobrepena na dalawang opisyal sa sandatahang lakas at isang policewoman ang tatanghalin at paparangalan bilang TOPS o The Outstanding Philippine Soldiers at COPS o ang Country's Outstanding Police in Service para sa taong 2011 sa Malakanyang sa susunod na buwan matapos silang piliin ng Metrobank Foundation bilang mga di-pangkaraniwang mga militar at pulis.

Ang mga tatanghaling awardee ay sina Col Alexander Balutan ng Philippine Navy para sa commissioned award category at Col Alexis Tamondong ng Corps of Engineers para sa national development award category, kapwa mga taga 4th district ng Quezon City para sa TOPS award at ang nag-iisang awardee para sa COPS award naman ay si Senior Police Officer 2 Helen dela Cruz ng NCR Criminal and Investigation Group sa Camp Crame, Quezon City rin.

Sinabi ni Sobrepena na ang tatlong nabanggit na mga awardee ay nakasama sa pambansang elite roster ng mga oustanding soldiers at policemen na binigyan ng recognition ng Metrobank Foundation, Rotary Club of New Manila East, Rotary Club of Makati Metro at PSBank.

Ang bawat awardee ay makatatanggap ng tig-iisang trophy at cash prize na tigta-300 libong piso at na ang mga ito ay ia-award ni Pangulong Benigno PNoy Aquino III sa isang tradisyunal na awarding ceremony sa Malakanyang sa darating na August 26.

Dahil dito, pinapurihan ni Sobrepena si dating Quezon City Mayor at ngayon House Speaker Feliciano Belmonte at ang lahat na mga mamamayan ng lungsod Quezon para sa pagkakaroon nito ng tatlong mga mamamayang kahanga-hanga at sinabing marapat lamang na isang angkop na pagtatanghal din para sa mga awardee ay manggagaling at ibibigay din ng Kamara de Representantes.

Sina Muntinlupa City Rep Rodolfo Biazon at Pangasinan Rep Leopoldo Bataoil ay kabilang sa mga miyembro ng pinal na hurado sa pagpili kina Balutan, Tamondong at dela Cruz bilang mga outstanding awardee para sa taong 2011.

Mahihirap na mga mamamayan, makikinabang sa PhilHealth

2011-07-14T09:07:00.002+08:00

Tatlumpo't walong milyong mahihirap na Pilipino ang makatatanggap ng tulong medikal sa pamamagitan ng Philippine Health Insurance Corporation (PhilHealth) kapag tuluyang naisabatas ang panukalang naglalayung palawakin ang nasasakupan ng programang pangkalusugan ng pamahalaan.

Sa inihaing HB04150 ni House Speaker Feliciano Belmonte Jr. na sinuportahan ng karamihan sa mga mambabatas na tatawaging Pinoy Health Insurance Act of 2011, ipapamahagi ang health insurance identification (ID) cards sa mga benepisyaryo nito na magmumula sa 40% mahihirap na sektor ng lipunan.

Ang nabanggit na panukala ay nakatakda na ring pag-usapan sa Plenaryo sa pagbubukas ng Kongreso sa Hulyo 25.

Sinabi ni Belmonte na layunin ng panukalang ito na masiguro na ang mga mabibigyan ng tulong
sa pamamagitan ng programantg ito ay tuluyang makakatanggap ng tulong mula sa pamahalaan.

Ayon sa panukala, magbabayad pa rin ang makakatanggap ng tulong ng tinatawag na premium contributions ngunit mayroon itong katumbas na subsidiya mula sa pamahalaan sa pamamagitan ng Department of Health (DOH).

Ayon naman kay House Majority Leader Neptali Gonzales II, isa rin sa mga nagsusulong ng panukalang ito na ang tuluyang pagsasabatas ng HB04150 ay magiging daan upang mabuo at tuluyang maipatupad ang layunin ng pamahalaan na magkaroon ng universal health care sa pamamagitan ng pagpapatatag at pagpapalakas ng PhilHealth.

Sinang-ayunan naman ito ni Negros Occidental Rep Alfredo Marañon III, Chairman of the House Committee on Health, at sinabing panahon na umano upang mabigyan na rin ng pagkakataon ang mga vendor, nagtitinda sa palengke, trike driver, pedicab driver at mga pahinante at manggagawa sa konstruksiyon, na makinabang sa programang pangkalusugan ng pamahalaan.

Media reporting ng police at military operations sa crisis situation, ipagbabawal na

2011-07-06T14:43:00.001+08:00

Tuluyan nang ipagbabawal ang media reporting ng mga police at military positions, movements at action sa loob ng crisis situations sa sandaling maging ganap na batas ang panukalang inihain ni Cebu Rep Gabriel Luis Quisumbing, ang HB02737.

Sinabi ni Quisumbing na ang live at blow-by-blow na pag-ulat sa kaganapan ng buong hostage-taking incident noong ika-23 ng Agosto ng nakaraang taon ay nasaksihan ng buong bansa at ng mundo na kahit ang mga posisyon, galaw at aksiyon ng mga enforcer ay nakikita ng buong madla kung kaya’t ang hostage-taker ay nakapaghanda ng maging kontra-aksiyon niya dahil napanood niya ang mga alagad ng batas sa television monitor sa loob ng sasakyan.

Bagamat sa mga nakaraang crisis situation, ayon pa Quisumbing, kagaya ng Abu Sayyaf, coup d’etat noong panahon ni dating Pangulong Cory Aquino, Oakwood mutiny at Manila Peninsula siege, ay hiniling ng pamahalaan na ipagbawal ang pag-ulat ng sitwasyon sa pamamagitan ng news blackout para hindi ma-jeopardize ang operasyon ng mga pulis at military, ang right of information at freedom of the press ang siyang nangingibabaw pa rin sa isang demokrasya kagaya ng mayroon tayo sa ating bansa.

Ayon sa kanya, ang karapatang pagkakaroon ng access sa impormasyon at sa pamamahayag ay siyang mangingibabaw ngunit ito ay marapat umanong naaangkop din para sa kapakanan ng publiko at mga mamamayan nakararami at ang panukalang ito na marahil daw ang solusyon upang maiwasan pa ang ibayong panganib at banta sa mga buhay sa loob ng crisis situation at ang media coverage ay hindi dapat nakaka-obstruct o nakaksagabal sa police at military operations.

--

Pagkakaroon ng masteral degree sa PMA, ipinanukala

2011-07-06T13:40:00.000+08:00

Iminungkahi sa Mababang Kapulungan na bigyan ng kapangyarihan ang PMA o Philippine Military Academy sa pamamagitan ng Academic Board nito na maggawad ng Masteral Degree sa mga opisyal ng AFP o Armed Forces of the Philippines na ganap makakakompleto ng aprubadong graduate course ng pagsasanay.

Sinabi nina Cagayan de Oro Rep Rufus Rodriguez at Abante Mindanao partylist Rep Maximo Rodriguez na ang kanilang panukala, ang HB01669, ay may layuning mapaangat at maipagpapaibayo ang kakayahan ng mga opisyal ng sandatahang lakas para makamtan ang isang people-oriented military service na minimithi.

Ayon sa mga mambabatas, marapat lamang umanong maipatupad ang isang masteral studies program Sa PMA sapagkat ito lamang daw ang susunod na importanteng hakbang upang maipagpapaibayo ang kakayahan ng buong AFP.

Idinagdag pa ng mga mambabatas mula sa Mindanao na bilang isang mahalagang bahagi ng national development, dapat lamang umanong mayroong tuloy-tuloy na pag-angat ng bawat opisyal sa kanilang sariling propesyon sa pamamagitan ng training at academic skills proficiency at ang naturang masteral program ang siyang tutugon sa pangangailangan para sa higher learning at pagsasanay sa mga batang opisyal na maging epektibong military managers.

--

Pondo para sa benepisyo ng mga beterano, segurado na.

2011-07-05T14:49:00.000+08:00

Pumasa na sa ikatlo at pinal na pagbasa ang panukalang batas na magmamando sa Bureau of Treasury na maglaan ng isang special account na manggagaling sa escheated at unclaimed na deposito galing sa general funds ng pamahalaan at gawing panggagalingan ng mga pambayad sa total administrative disability pension para sa mga senior veterans ng mga digmaan at mga kampanyang militar.

Layunin ng HB04359 na prinsipal inakda ni Cagayan de Oro Rep Rufus Rodriguez na makakalap ng pondo upang mabayaran ang mga nararapat para sa mga nabanggit na beterano na ang iba sa kanila ay mga nangamatay na at upang makatanggap na rin ang kanilang mga benepisyaryo ng benepisyong para sa kanila.

Sinabi ni Rodriguez na lumipas na lamang ang mahigit sampung taon matapos ipinasa ang RA06948 na nagpapaigting sa mga benepisyo para sa mga beterano ngunit marami pa rin sa kanila ang hindi man lamang nabayaran ang kanilang mga benepisyo makalipas ang ilang mga taon.

Ayon sa kanya, resposibilidad umano ng pamahalaan na magawaran ang bawat beterano ng lahat na nararapat na benepisyo para dito bilang pagtanaw ng utang na loob ng gobyerno sa mga beteranong nag-alay ng kanilang mga panahon at buhay makapanilbihan lamang sa bansa.

Inaasahang tatalakayin na ng Senado ang nabanggit na panukala at ipasa na rin nito para maging ganap na batas.

Dagdag na mga benepisyo para sa military dependents, iminungkahi

2011-06-26T19:06:00.003+08:00

Bilang bahagi sa proseso ng modernisasyon ng ating Armed Forces of the Philippines, iminungkahi ngayon sa Kamara de Representatntes ang pagtatatag ng isang Military Dependents Welfare Office na siyang mangangasiwa sa pagpapatupad ng mga programang magpapaunlad sa mga military dependents sa pamamagitan ng pagbibigay sa kanila ng sapat na suporta galing sa pamahalaan.

Batay sa HB00435 na tataguriang Military Dependents Act na siya namang prinsipal iniakda ni Aurora Rep Juan Edgardo Angara, hanggang apat na anak ng sundalo ang maaaring maging benepisyaryo ng educational benefits sa naturang programa, health benefits para sa buong pamilya ng sundalo at housing program para sa bawat sundalo, maliban pa sa commissary benefits na kasalukuyan nang tinatamasa ng ating kasundaluhan.

Sinabi ni Angara na obligasyon umano ng estado na seguruhing ang kapakanan ng ating mga military personnel at ang kanilang mga dapendent ay naipagpapaibayo, napapaunlad at napapaganda.

Ayon pa sa kanya, marapat lamang umanong makapagpasa ang Kongreso ng mga batas na magpapatatag ng mga benepisyo sa lahat ng mga kasundaluhan at ng kanilang mga dependent na siyang magbibigay diin sa pagdaragdag ng mga benepisyo sa kalusugan, edukasyon, pabahay at iba pang nararapat para sa kanila.

Imbestigasyon ng Kamara hinggil sa UN peacekeeping funds, uumpisahan na

2011-06-23T10:12:00.002+08:00

Uumpisahan na ang pagdinig ng House Committee on National Defense na pinamumunuan ni Muntinlupa Rep Rodolfo Biazon hinggil sa diumano'y iregular at kewustiyunableng paggamit ng UN o United Nations peacekeeping funds.

Sinabi ni Congressman Biazon, dating naging Chief of Staff ng AFP, na kanilang kinumbidang dumalo sa susunod na pagdinig ng Committee sina Armed Forces of the Philippines o AFP Retired Gen Roy Cimatu at ang kanyang dating executive assistant na si Brig Gen Benito de Leon upang makapagbigay-linaw hinggil sa naturang isyu.

Ayon kay Biazon, nabanggit umano ang mga pangalan nina Cimatu at de Leon noong dininig ng committee ang HB04617 na magtatakda ng mga pay rates at allowances ng mga officers at enlisted personnel ng AFP habang sila ay nasa overseas duty kasama sa Philippine expeditionary at peacekeeping contingent.

Si Cimatu at de Leon ay haharap sa pagdinig bilang mga resource persons, ayon sa mga miyembro ng committee, dahil sila umano ang nasa posisyon upang makapagbigay ng magandang mungkahi kung paano masawata ang diumano'y mga illegal na disbursement ng mga pondo para sa UN peacekeeping.

Ang UN funds para sa Philippine peacekeeping contingent, ayon pa kay Biazon, ay ginagamit bilang discretionary funds sa tanggapan ng AFP-COS noong kapanahunan ng administrasyon ni dating pangulong Gloria Macapagal-Arroyo at kinumpirma naman daw ni DND Undersecretary Lorenzo Batino ang obserbasyon ng mambabatas nang sinabi nito na ang UN peacekeeping operation o UNPKO funds ay ginamit para sa miscellaneous expenses sa Camp O'Donnel sa Tarlac noong 2005.

Idinagdag pa ni Biazon na nararapat lamang umanong isama sa HB04617 ang probisyon na ipag-utos ang pagsusumite ng mga recibo at mga disbursements ng UNPKO upang masuri ng COA o Commisssion on Audit para maseguro ang tunay na paggamit ng pondo.

P1,700 na buwanang dagdag para sa mga beterano, pasado na

2011-06-21T17:29:00.003+08:00

Makatatanggap na ng karagdagang P1,700 buwanang pensiyon at P500 para sa asawa at para sa mga anak bukod pa sa mga benepisyong makukuha ang isang beterano, batay sa panukalang batas na inaprubahan sa ikatlo at huling pagbasa ng Kamara de Representantes.

Sinabi ni Tarlac Rep Herminia Roman, prinsipal na may akda ng HB03697 na may layuning burahin na ang Section 5 ng RA07696 na nag-uutos na bayaran ang Total Administrative Disability (TAD) pension ng beterano na umabot sa edad na 70 gulang.

Ayon kay Roman, layunin din ng kanyang panukala na amiyendahan ang RA06948 o ang
“An Act standardizing and Upgrading the Benefits for Military Veterans and their Dependents.”

Mariin niyang sinabi na mapipigil at malilimitahan na daw ng batas na ito ang lumaking obligasyon ng gobyerno para sa mga beterano.

Idinagdag pa ni Roman na nananatiling umanong walang inilalaan na pondo sa TAD dahil
hindi ito isinasama ng sangay ng ehekutibo sa taunang badget na isinusumite sa Kongreso.

May utang pa ang pamahalaan ng P16 miyon sa 112,000 military pensioners

2011-06-20T10:12:00.001+08:00

Humigit kumulang sa P16 milyon ang pagkaka-utang ng pamahalaan sa may 112,00 retiradong sundalo sa bansa para sa kanilang pensiyon at mga benepisyo.

Ito ang nag-udyok kina Cagayan de Oro Rep Rufus Rodriguez at Abante Mindanao partylistt Rep Maximo Rodriguez na imbestigahan ng House Committee of Veterans Affairs sa pamamagitan ng HR01158 ang naturang bagay upang makapagsagawa ng mga opsiyon para matugunan ang nabanggit na problema.

Sinabi ni Congressman Rufus Rodriguez na nararapat lamang umanong masuri ang pangpinansiyal na aspeto ng gobyerno at makahanap ng pangkunan ng karagdagang pondo para pambayad sa retirement at mga benepisyong pensiyon ng mga retiradong sundalo ng bansa.

Ang problema sa pondo para sa mga pensioner ay bumaba umano magmula pa noong taong 2006 nang ang Armed Forces of the Philippine – Retirement and Separation Benefits System o ang AFP-RSBS ay na-deactivate dahil diumano sa irigularidad sa tanggapan.

Ayon sa kanya, batay umano sa ulat ni Col. Rolando Jungco, Chief of the AFP Pension and Gratuity, ang funding requirement para sa retirement benefits ng mga sundalo ay lumubo sa P16 milyon dahil humigit kumulang sa 5,000 sundalo umano ang nagriretiro kada taon.

Nagsakripisyo umano ang mga sundalo, ayon kay Rodriguez, sa kanilang buhay upang makipagpabakbakan maipagtanggol lamang ang bansa ngunit hanggang sa kasalukuyan ay hindi pa rin nila natanggap ang kanilang mga pensiyon at mga benepisyo.

Idinagdag pa ni Rodriguez na ang congressional inquiry na ito ay magsilbe na rin na babala sa lahat na mga concern kasama na ang DND, AFP at iba panga mga sangay ng pamahalaan o kuporasyon para makapagbigay ng paglilinaw hinggil sa naturang isyu.

Otomatikong increase sa mga nadideploy na sundalo sa ibang lugar

2011-06-14T18:01:00.001+08:00

Isinusulong ngayon sa Kamar ang pagpasa ng panukalang gagawad ng otomatikong pagtataas ng suweldo sa sinumang miyembro ng AFP o ng Armed Forces na idinideploy malayo sa kanyang permanenteng estasyon sa sandaling ang deployment period ay susobra sa 180 araw ng walang patid na serbisyo.

Tataguriang Extended Deployment Pay Increase Act, ang HB02870 na iniakda ni San Juan Rep Joseph Victor Ejercito ay may layuning mapa-angat ang kondisyon ng mga sundalo na nadideploy sa ibat-ibang lugar sa bansa at kahit sa ibayung dagat magampanan lamang ang kanilang tungkuling mahadlangan ang mga bantang terorismo.

Sinabi ni Ejercito na ang panukalang ito ay isang welcome development para sa ating mga kasundaluhan dahil ito ay makapagbibigay ng financial reward sa kanila ngunit bagamat ito ay isang pecuniary tribute para sa kanila, ito rin naman umano ay isang pagpapakita rin ng pagkikilala ng pamahalaan sa kanilang kontribusyon sa gawaing pangkapayapaan.

Ayon sa kanya, hindi bababa sa P10,000 kada buwan na increase ang matatanggap umano ng sundalo matapos makomplete nito ang 180 days na tuloy-tuloy na duty sa deployment niya.

Kasalukyang tinatalakay na ng House Committee on Appropriations ang naturang panukala bago ito magsasagawa ng paborableng rekomendasyon sa plenaryo.

Lahat na mga balo ng retired military personnel, tatanggap na ng mga benepisyo

2011-06-02T17:24:00.004+08:00

Itinadhana sa RA00340 na nagsasaklaw sa mga panununtunan hinggil sa pagriretiro ng mga military personnel sa Sandatahang Lakas bago sumapit ang adiyes ng Setyembre 1979, partikular na sa Section 3 ng batas na naggagawad ng mga benepisyo sa mga survivors ng retired military personnel.

Ngunit tinukoy dito na hindi kasama sa mabibiyayaan ng benepisyo ang mga balo o widow ng namatay na nagretiro na ang kanilang kasal ay nangyari matapos mag-retire ang namatay.

Sinabi ni Aurora Rep Juan Edgardo Angara sa kanyang panukala, ang HB00410 na ang nabanggit na probisyon ay maliwanag na discriminative laban sa mga balo na naging asawa ng sundalo matapos itong mag-retiro.

Ayon sa kanya, ang sundalo na nag-retire ay nangangailangan din ng kasama na kakalinga at tatalima sa kanyang pagtanda at marapat lamang na makatanggap din ng benepisyo ang kanyang balo na tumalima sa kanya bago pa man ito namayapa.

Sa kabilang dako naman, sa RA06948 na inamiyendahan ng RA07696, itinadhana rin na mabibigyan ng mga benepisyo ang hindi nag-aasawang balo ng nagretiro na hindi tinitingnan kung kalian sila ikinasal.

Dahil dito, ipinanukala ni Angara sa HB00410 na pag-isahin na lamang ang lahat na mga batas hinggil sa retirement benefits ng mga military personnel bilang bahagi ng mga inisyatibo na mapalakas ang ating Armed Forces.

Modernisasyon ng government arsenal, pinag-aaralan na sa Kamara

2011-05-31T15:53:00.001+08:00

Upang mabawasan kung hindi man mawakasan na ang pag-aangkat ng small arms, high caliber, mortar at mga crew-served weapon ammunitions o mga bala ng nabanggit na mga armas na ginagamit ng ating military at kapulisan, iminungkahi ni Bataan Rep Albert Garcia sa kanyang inakdang panukala, ang HB00076, na i-modernisa ng ating government arsenal.

Sinabi ni Garcia na marapat lamang umanong gagawin ang pagdidesinyo, pagpapalawig, pag-manufacture, pag-procure, pag-stockpile at pag-allocate ng mga small arms, mortars at mga ammuniton para sa mga nabanggit na armas at iba pang mga munitions na ginagamit ng AFP o Armed Forces of the Philippine, ng PNP o Philippine National Police at ng iba pang mga law enforcement agencies, kasama na rin dito ang pagbibenta at pag-export ng magiging labis na gamit ng mga naturang establisiyemento.

Ayon sa kanya, itatatag din sa kanyang panukala ang isang agresibo at episiyenteng research and development (R&D) capability ng naturang programa, alisunod na rin sa Self-Reliant Defense Posture (SRDP) program ng pamahalaan.

Idinagdag pa ni Garcia na ang Government Arsenal Modernization Program ay popondohan sa pagpapatupad ng batas na ito ng P6.3 bilyon para sa inisyal na implementasyon ng naturang programa.

Ang nabanggit na panukala ay kasalakuyang tinatalakay at ginagawan ng pag-aaral sa House Committee on National Defense and Security na pinamumunuan ni Muntinlupa City Rep Rodolfo Biazon.

3- taong termino ng AFP chief of staff, pasado na

2011-05-30T16:15:00.002+08:00

Pumasa na sa ikatlo at pinal na pagbasa ang panukalang batas na magtatakda ng tatlong taong termino ng panunungkulan para sa posisyon ng COS o Chief of Staff ng AFP o ang Sandatahang Lakas ng Pilipinas na nakapaloob sa HB00006.

Ang naturang panukala na nag-aantabay na lamang sa aksiyon ng Senado, ay prinsipal na iniakda ni Muntinlupa City Rep Rodolfo Biazon, at ito ay inaprubahan ng Kamara de Representantes bago pa man mag-adjourn ang sesyon noong buwan ng Marso ng kasalukuyang taon.

Batay sa panukala, ang termino ng COS ay mag-uumpisa sa araw ng pagkakahirang sa kanya ng pangulo ng bansa at ito ay uupo sa posisyon kahit hindi pa ito kumpirmado ng Commission on Appointments.

Ayon sa HB00006, hindi umano maaaring hiranging COS ang isang opisyal na may isang taon na lamang ang nalalabi sa kanyang panunungkulan bilang opisyal sa active duty.

Ang pangulo ay mamimili ng hihiranging COS galing sa mga officer sa grades ng Major General o Rear Admiral hanggang sa Lieutenant General o Vice Admiral at ang kalihim ng DND o Department of National Defense ang magtatakda ng mga panuntunan at regalasyon upang maipatupad ang batas na ito.

Benepisyo para mga beterano at dependents nito, mapupundohan na

2011-05-27T13:25:00.002+08:00

Bagamat ipinasa na ang RA06948 sampung taon na ang nakalilipas upang mabigyan ng karagdagang benepisyo ang mga beterano at ang mga dependent nito, hindi naman naipatutupad ang nabanggit na batas dahil sa kakulangan ng pondong pamahalaan.

Dahil dito, isinulong nina Cagayan de Oro City Rep Rufus Rodriguez at Abante Mindanao Partylist Rep Maximo Rodriguez ang isang panukala na magtatadhana ng taunang laang pondo para sa pagpapatupad ng naturang batas batay sa seguradong mapagkukunan ang pamahalaan.

Sinabi ni Cong Rufus Rodriguez na libu-libo na umano ang mga namatay na beterano na ni hindi man lamang nakatikim at nakapag-enjoy ng anumang benepisyo na itinadhana sa RA06948 dahil hindi na makapaglaan ang gobyerno ng pondo para sa partikular na probisyon nito.

Ayon sa kanya, responsibilidad umano ng pamahalaan na pondohan batas na ito kayat ipinanukala nila sa HB00601 na bigyan ng kapangyarihan ang DBM o ang Department of Budget and Management na mai-release ang mga dormant accounts o yaong mga perang hindi nagagamit ng pamahalaan para gamiting pangpuno sa inisyal na bayad sa mga kuwalipikadong beterano.

Ipaguutos sa panukala na ang mga dormant accounts ng gobyerno na nasa pangangasiwa ng DBM ay gawing available para sa inisyal na pambayad sa Administrative Total Disablity Pension para sa mga military veterans batay sa Section 2 ng RA07697, at para sa mga susunod na pagbayad, ito ay kukunin na sa taunang laang pondo para sa PVAO o ang Philippine Veterans Affairs Office.

Filipino peacekeepers, gagawaran ng karagdagang sahod

2011-05-25T16:17:00.007+08:00

Isinusulong ngayon sa Kamara ang panukalang maggagawad ng karagdagang sahod sa mga kasapi ng AFP o Armed Forces of the Philippines na ina-assign bilang miyembro ng peacekeeping at expeditionary contigents sa ibang bansa.

Batay sa HB04617 na prinsipal na iniakda ni Muntinlupa City Rep Rodolfo Biazon, ang mga opisyal at enlisted men na madi-deploy bilang bahagi ng peacekeeping forces sa ibayung dagat ay makatatanggapng ng karagdagang bayad na katumbas ng 25% para sa officers at 75% para sa enlisted men sa kani-kanilang mga sahod habang sila ay sa loob ng kanilang tour of duty at ang benepisyong ito ay bukod pa sa iginagawad na monthly allowance ng UN o United Nations.

Sinabi ni Biazon na marapat lamang na magkakaroon ng special pay rates at allowances para sa AFP expeditionary at peacekeeping contingents na nagsiselbi sa ibayung dagat batay sa naging commitment ng Pilipinas sa pagpapatupad ng mga sanction at polisiya ng UN.

Ayon sa kanya, nakapagpadala na daw tayo ng contingents sa ibat-ibang bansa kagaya ng Congo, Korea, Vietnam, Haiti at East Timor upang ipatupad ang mga sanction at polisiya ng UN at sa kasalukuyan, sa Africa at Middle East.

Maliban sa nilagdaang RA00573 noong ika-7 ng Setyembre 1950 ang pagkakatatag ng PEFTOK o Phiippine Expiditionary Force to Korea, wala na umanong batas na nagtatadhana ng mga pasahod at finacial support na nararapat na tatanggapin ng mga miyembro ng contingent.

Dahil sa kawalan ng panibagong guidelines hinggil sa usapin, naging mababa ang tinatanggap ng mga na-deploy na mga AFP peacekeeping force members kung kayat dapat lamang umanong magkaroon ng batas para dito.

Tensiyon sa Spratleys, posibleng huhupa na, Biazon

2011-05-24T11:30:00.001+08:00

Pinahayag ni Muntinlupa City Rep Rodolfo Biazon na matagumpay ang pagpupulong kamakalawa na dinaluhan nina Pangulong Benigno Aquino III, Chinese Minister of Defense Liang Guanglie at National Defense Secretary Voltaire Gazmin, pagpupulong hinggil sa tensiyon na dulot ng napa-ulat na pagpasok diumano ng mga Chinese fighter aircraft sa Spratleys.

Sinabi ni Biazon na naging matagumpay ang miting dahil parang nahadlangan na ang nasabing tensiyon sa pagitan ng dalawang bansa bunsod ng pagtanggi ng Chinese Defense Minister na ang dalawang fighter aircrafts ay hindi pag-aari ng kanilang gobyerno.

Ayon kay Biazon, sa umpisa pa lamang ng sigalot ay tutol na siya sa balak na paghain ng protesta laban sa Tsina dahil nais niyang ma-establisa muna ang identity at pinanggagalingan ng mga aircraft at mabuti na lamang na hindi ito tinuloy dahil maging isang kahihiyan lamang umano sa bansang Pilipinas na tayo ay magprotesta na wala man lamang pruweba.

Idinagdag pa niya na sa binuong peaceful mechanisms ng dalawang bansa, tinalakay ditto ang usapin na may kaugnayan sa 2002 Declaration on the Conduct of Parties in the South China Sea na nilagdaan ng siyam na mga miyembro ng ASEAN at ng pamahalaang Tsina.

Dapat lamang umano na ituon natin sa naturang mekanismong pangkapayapaan ang ating pukos kaysa sa pagsasabing dapat na i-upgrade natin ang kakayahan ng ating air force at navy bilang tugon sa kahalintulad na sitwasyon dahil hindi ito umano nakakatulong sa ating paghahanap ng mapayapang solusyon sa sigalot.

Tatlong taong muna matapos magretire ang opisyal bago ito mahirang na SND

2011-05-22T17:34:00.002+08:00

Bagamat itinadhana sa Saligang Batas na mayroong mga kuwalipikasyon ang ihihirang na kalihim ng lahat na departamento sa pamahalaan, mayroon pa ring pangangailangan na ang hihiranging Secretary of National Defense o SND ay nararapat pang may taglay na di pangkaraniwang kuwalipikasyon.

Ito ay upang masundan ang prinsipyong mariing ipinatutupad na nagsasabing mayroong supremacy of civilian authority over the military.

Dahil dito, nagpasa ang Kamara de Representantes ng isang panukala, ang HB00009, principal na iniakda ni Muntinlupa City Rep Rodolfo Biazon na naglalayong magbabawal sa isang dating military officer na hirangin bilang SND sa loob ng tatlong taon matapos itong mag-retire man o magtapos ng kanyang termino galing sa active duty bilang isang commissioned officer sa AFP o Armed Forces of the Philippines.

Pakay ng panukalang ito na maiwasan ang kontrobersiyang maaring masasangkutan ng AFP bunsod ng pagkakahirang ng SND na maaaring mayroong personal at propisyunal na ugnayan sa mga namumunong opisyal ng AFP at upang ito ay maging objective at impartial sa kanyang mga polisiyang itatatag at ipapatupad.

Kasalukuyang tinatalakay na ngayon sa Senado ang nabanggit na panukala matapositong ipinasa sa ikatlo at pinal na pagbasa sa Mababang Kapulungan bago ito maging ganap na batas.

Mabigat na parusa sa mahuhuling miyembro ng kapulisan at sundalong nagdudroga

2011-05-22T17:32:00.001+08:00

Pagkatanggal sa serbisyo at pagkakakulong, bukod pa sa P200 libong multa, ang pulis o sundalo sa sandaling ito ay mapapatunayang lumabag sa mga probisyon ng panukalang batas na naglalayong patawan ng mas mabigat na kaparusahan ang sinumang miyembro ng PNP o Philippine National Police at AFP o Armed Forces of the Philippines na mapapatunayang gumagamit ng iligal na droga.

Batay sa HB03990 nina Iligan City Rep Vicente Belmonte at Cavite Rep Elpidio Barzaga, magkakaroon na ng drug testing sa PNP at AFP, kasama na ang mga estudyante, mga driver, mga kawani ng gobyerno at ng pribadong sector at maging yaong mga nagnanais magsilbi sa pamahalaan at mga kakandidato sa eleksiyon.

Sinabi ni Belmonte, chairman ng committee on dangerous drugs, ang sinuman umanong opisyal at miyembro ng militar at kapulisan o kawani ng gobyerno na mapapatunayan at magpopositibong gumagamit ng iligal na droga ay mapaparusahan ng kasong administratibo na magiging daan upang sila ay masuspinde at tuluyang matanggal sa serbisyo batay sa ilalim ng probisyon ng Civil Service Law.

Nakasaad din daw sa panukala ang probisyong magpapataw ng parusang pagkakakulong ng mula apat na taon hanggang 12 taon at multang mula P10,000 hanggang P200,000 at mahaharap din ang sinumang mapapatunayang nagdodroga sa summary dismissal proceedings.

Ayon pa sa kanya, hindi maaaring sabihin na hindi nalalaman at naiintindihan ng mga miyembro ng kapulisan at ng militar ang batas hinggil dito dahil sila ay dumaan sa mga pagsasanay at sa mga komprehensibong pag-aaral hinggil sa Comprehensive Dangerous Drugs Act o RA09165 upang masigurong maipatutupad ang batas ng maayos.

Maging ang mga estudyante sa pampubliko o pribado mang paaralan at mga kawani ng pampubliko at pribadong sector ay sasailalim din sa random drug testing at ang gagastusin sa drug testing ay papasanin ng pamahalaan kahit na ito ay sa pampubliko o pribado mang paaralan.

Hindi pa rin nawala ang dangal at integridad ng AFP, Aumentado

2011-05-22T17:31:00.001+08:00

Hindi pa rin nawala ang integridad at dangal ng Armed Forces of the Philippines (AFP) kahit na nahaharap ito sa masusing pagmamasid ng publiko tungkol sa isyu ng korapsyon at iregularidad.

Ito ang paniniwala ni Bohol Rep Erico Aumentado ng kanyang sinabi sa kanyang privilege speech kamakailan lamang na mayroon umano mga commands, divisions, brigades, battalions, companies, platoons, squads, men and women ang nagsisilbi sa kanilang bayan na mayroong dangal at karangalan.

Sinabi ni Aumentado ang NADESCOM o National Development Support Command sa pamamahala ni Maj Gen Carlos Holganza na nagpatayo ng mga gusaling paaralan sa kanyang lalawigan ng Bohol.

Ayon sa kanya, nagpatayo ang NADESCOM ng apatnapung two-classroom school buildings na nagkakahalaga ng P780,000 bawat gusali at ang buong building ay pinturado na may 56-square meter classroom na may toilet, water, electricity, blackboard, steel trusses at heat insolator at nagbigay din umano ito ng 40 pirasong armchair para sa mga estudyante ng bawat paaralan sa lalawigan at mga mesa at naman para sa mga guro.

Pinagmalaki ni Aumentado ang matibay na pakikipagtulungan ng Bohol civilian authorities, military at pulis, ang simbahan at civil society sa ilalim ng Team Bohol na siyang naging pangunahing susi para sa matagumpay na pakikibaka nito laban sa kahirapan at insurhensiya sa lalawigan.

Matatandaang idineklara ng DND o Department of National Defense at ng PNP o Philippine National Police ang lalawigan ng Bohol bilang insurgency-free province noong nakaraang taon.

Bakunang hepatitis-b para sa mga sanggol, isasagawa

2011-05-18T15:35:00.003+08:00

Pumasa na sa ikatlo at pinal na pagbasa ang HBill04393, ang Mandatory Infant-Health Immunization Act, na naglalayong protektahan ang mga bagong silang na sanggol laban sa Hepatitis-B at iba pang vaccine-preventable diseases upang matiyak ang kalusugan at mabawasan ang dami ng mga namamatay na mga bata.

Ipag-uutos sa panukala na ang lahat ng health care practitioners o health care workers na nangasiwa sa prenatal care ay ituro sa mga nagbubuntis ang kahalagahan at benepisyong idudulot ng nabanggit na bakuna.

Sinabi ni Tarlac Rep Susan Yap na kalusugan ng publiko ang siyang pangunahing tungkulin ng gobyerno at magbigay ito ng direktang prodaktibong pangangailangan nito.

Ayon kay Yap, ang komplikasyon sa sakit ay maaaring lumala at magkaroon ng habang-buhay na impeksyon tulad ng cirrhosis o scarring of the liver, liver cancer, liver failure at tuluyang pagkamatay.

Sinabi naman ni Cavite Rep Joseph Emilio Abaya na maiiwasan umano na magkaroon ng viral infection ang sanggol at ang pinakamabisang paraan para maproteksyunan ito ay ang palagiang pagbibigay ng Hepatitis-B vaccination dito.

Nag-aantabay na lamang sa aksiyon at pagpasa ng Senado ang nabanggit na panukala bago ito maging ganap na na batas.

Daraan na sa X-ray machine ang mga balik-bayan box

2011-05-18T15:18:00.003+08:00

Hiniling ng mga kongresista sa BoC o Bureau of Customs na isama sa x-ray inspection ang mga balik-bayan boxes bilang bahagi ng magagawang remedyo ng Kamara mula sa kanilang imbestigasyon sa iligal na pagpasok sa bansa ng “hot cars” at motorsiklo mula sa Amerika.

Sinabi ni Attorney Lourdes Mangaoang, head ng BoC X-Ray Inspection Project, hindi sumasalang sa kanilang x-ray machine ang mga balik-bayan boxes dahil ito ay na-classify bilang isang consolidated shipment.

Sinabi naman ni Dasmarinas City Rep Elpidio Barzaga na kailangan umanong magkaroon ng mahigpit na eksaminasyon at imbestigasyon ng mga tauhan ng BoC sa mga shipments kahit na ito ay door-to-door shipments.

Itanong ni Barzaga kay Mangaoang sa ginanap na pagdinig ng House sub-committee on customs, tariff and related laws kung sa kasalukuyang batas ay ipinagbabawal ba na dumaan sa scanning ang balik-bayan boxes at sinabi naman ng nahuli na walang pagbabawal daw at na sa katunayan nga daw, ang kanya umanong nirerekomenda na dumaan ito sa x-ray machine kahit man lang mag-random x-ray ng mga consolidated shipments.

Sa ilalim ng BoC selectivity system, ipinaliwanag ni Mangaoang na mayroong tag na berde, dilaw at pula sa bawat epektus na ang ibig sabihin ng green ay walang inspection ng mga containers, ang yellow ay para sa document inspection at ang red ay X-ray inspection o physical examination.

29 na young Mindanao scholars, nag-tapos sa isang congressional internship program

2011-05-17T09:28:00.003+08:00

Dalawamputsiyam na young Mindanao congressional interns ang matagumpay na nagtapos ng tatlong buwang internship program na inisponsor ng Kamara de Representantes at ng USAID o United States Agency for International Development GEM o Growth with Equity in Mindanao Program sa ilalim ng pangangasiwa ng MinDA o Mindanao Development Authority.

Nilahukan nina Deputy Speaker Lorenzo Erin Tanada III at U.S. Ambassador Harry Thomas, Jr. ang closing ceremony para sa mga nagtapos ng 11th Cycle of the Congressional Internship Program for Young Mindanao Leaders (CIPYML) na ginanap sa Kamara kamakailan lamang.

Ang CIPYML ay isang pagtutulungang proyekto ng mga pamahalaang Pilipinas at Estados Unidos na ibinibigay sa mga potensiyal na kabataang lider na nagmula sa Mindanao lalu na sa mga lugar na apektado ng kaguluhan upang bigyan sila ng pagkakataong maging intern ng tatlong buwan sa Kongreso kung saan sila ay matututong manaliksik para sa proseso ng pagsasabatas, paggawa ng panukala, pagdalo sa mga pagdinig ng komite, pagbalangkas ng mga committee report at pagsasaayos ng mga round table discussion.

Sinabi ni Tañada na siyang kumatawan kay House Speaker Feliciano Belmonte, Jr. na ang mga nagtapos sa programa ay ganap na nagkaroon ng pagkakataon na maka-immerse sa pamahalaang nasyunal upang madaragdagan ang kanilang pagsisikap na maghasa ng kanilang mga kasanayan sa pamumuno.

Naki-usap si Tanada at sinabi na siya umano ay nagpapatulong sa mga graduate sa kanilang pagsikap para sa kapayapaan sa Mindanao at tuloy-tuloy na pagdaloy ng kaunlaran sa buong rehiyon.

Idinagdag pa ng mambabatas na sa paggawa nito, sila umano ay makakatulong hindi lamang sa paglutas ng problema sa rehiyon bagkus makakatulong din umano sila na maumpisahan ang isang mas mapayapa at maunlad na kinabukasan para sa bansa.

Ang mga iskolar ay galing sa mga lalawigan ng Lanao del Sur, Lanao del Norte, Marawi City, Zamboanga City, Zamboanga del Sur, Sulu, Basilan, Tawi-Tawi, General Santos City, Iligan City, Sarangani, Maguindanao at Cotabato City.

Suspensiyon, 12 taong pagkakakulong at P200 libo multa ang aabutin ng pulis o sundalong nagdudroga

2011-05-11T16:52:00.005+08:00

Matatanggal sa serbisyo at makukulong, bukod pa sa P200 libong multa, ang pulis o sundalo kung ito ay lalabag sa mga probisyon ng panukalang batas naglalayong patawan ng mas mabigat na parusa ang sinumang miyembro ng PNP o Philippine National Police at AFP o Armed Forces of the Philippines na mapapatunayang gumagamit ng iligal na droga.

Sinabi nina Iligan City Rep Vicente Belmonte at Cavite Rep Elpidio Barzaga, batay sa HB03990 na kanilang iniakda, na magkakaroon na ng drug testing sa PNP at AFP, kasama na ang mga estudyante, mga driver, mga kawani ng gobyerno at ng pribadong sector at maging yaong mga nagnanais magsilbi sa pamahalaan at mga kakandidato sa eleksiyon.

Ayon kay Belmonte, chairman ng committee on dangerous drugs, ang sinuman umanong opisyal at miyenbro ng militar at kapulisan o kawani ng gobyerno na mapapatunayan at magpopositibong gumagamit ng iligal na droga ay mapaparusahan ng kasong administratibo na magiging daan upang sila ay masuspinde at tuluyang matanggal sa serbisyo batay sa ilalim ng probisyon ng Civil Service Law.

Nakasaad din daw sa panukala ang probisyong magpapataw ng parusang pagkakakulong ng mula apat na taon hanggang 12 taon at multang mula P10,000 hanggang P200,000 at mahaharap din ang sinumang mapapatunayang nagdodroga sa summary dismissal proceedings.

Idinagdag pa ng mambabatas na ang mga gumagamit umano ng iligal na droga ay itinuturing na mga biktima ng maruming kalakarang ito, ngunit kung ang gumagamit nito ay mga nasa katungkulan na may kakayahan at may atas na magpatupad ng mga batas upang matigil ang pagkalat ng iligal na droga, ibang usapin na daw ito at nararapat lamang na sila ay maparusahan sa paglabag sa batas.

Ayon pa sa kanya, hindi maaaring sabihin na hindi nalalaman at naiintindihan ng mga miyembro ng kapulisan at ng militar ang batas hinggil dito dahil sila ay dumaan sa mga pagsasanay at sa mga komprehensibong pag-aaral hinggil sa Comprehensive Dangerous Drugs Act o RA09165 upang masigurong maipatutupad ang batas ng maayos.

Maging ang mga estudyante sa pampubliko o pribado mang paaralan at mga kawani ng pampubliko at pribadong sector ay sasailalim din sa random drug testing at ang gagastusin sa drug testing ay papasanin ng pamahalaan kahit na ito ay sa pampubliko o pribado mang paaralan.

Mahalaga sa kaunlaran ng bansa ang pagpasa ng mga lokal na panukala

2011-05-11T16:27:00.004+08:00

Aaprubahan ng Kamara de Representates ang dalawamput-limang lokal na mga panukalang batas, kasama na ang pagtatatag ng bagong probinsiya ng Davao Occidental, bago magtapos ang unang regular na sesyon ng ika-15 Kongreso sa Hunyo anuwebe.

Sinabi ni Speaker Feliciano Belmonte, Jr., na napakaimportante ng mga lokal na panukalang batas na ito dahil ang mga ito ang magdadala ng kaunlaran sa kanayunan lalo na sa pamamahagi ng mga serbisyong pampubliko sa buong bansa.

Kasama sa listahan ng mga panukalang batas na ito na nasa ikalawang pagbasa ay ang pagpapalawak ng distrito ng lungsod ng Caloocan sa HB03858 na isinusulong ni Caloocan City Rep Oscar Malapitan at ang paghihiwalay ng lungsod ng Batangas mula sa ikalawang distrito na nakapaloob sa HB04094 ni Batangas Rep Hermilando Mandanas.

Nangangahulugan daw ito na madadagdagan ang bilang ng congressional district mula sa kasalukuyang 284 na ganap na bilang ng mga kinatawan sa Kamara sa 286 kapag naitatag ang mga bagong distrito ng mga lungsod ng Caloocan at Batangas.

Bukod dito, 11 panukala ang naghihintay ng pinal na pag-apruba ng plenaryo upang gawing regular na distritong tanggapan ang mga Land Transportation Offices sa ibat-ibang lugarsa buong bansa.

Labing-isa pang lokal na panukala din na nagdideklara sa mga petsa bilang special non-working public holiday sa ibat-ibang lokalidad sa bansa ang naghihintay ng pag-apruba sa ikatlo at pinal na pagbasa bago magtapos ang sesyon.

Ayon kay Belmonte, kahit nakatutok pa daw ang Kongreso sa mga prayoridad na itinadhana ng LEDAC o ang Legislative-Executive Development Advisory Council na pinamunuan ni Pangulong Benigno PNoy Aquino, tungkulin pa rin umano nila na bigyang-halaga ang mga lokal na panukalang batas na napakahalaga sa kaunlaran ng buong bansa.

Mahirap na pasulit ng Japan para sa Filipino nurses, inireklamo

2011-05-10T16:54:00.007+08:00

Nananawagan ngayon ang mga mambabatas sa bansang Japan na maghinay-hinay sa pagbibigay ng mahihirap na eksaminasyon para sa mga Filipinong nars (nurse) at caregivers para makapagtrabaho sa kanilang bansa.

Sinabi nina Cagayan de Oro Rep Rufus Rodriguez at Abante Mindanao Rep Maximo Rodriguez na marapat lamang umanong repasuhin ang kasalukuyang kasunduan sa ilalim ng JPEPA o ang Japan-Philippine Economic Partnership Agreement matapos na isang Filipino lamang ang nakapasa sa Japanese licensure examination para sa nurse kamakailan lamang.

Sa ilalaim ng JPEPA, ang mga Filipino nurses at caregivers na nagnanais na magtrabaho sa Japan ay kailangang sumailalim sa anim na buwang pagsasanay sa wikang Japanese at pagsasanay sa kanilang mga ospital bago sila papayagang makapag-eksamin, ngunit napakahigpit at napakahirap anila ng eksaminasyong ibinibigay sa mga Filipino na nakasulat sa dayalektong Kanji na mas mahirap umanong basahin at isulat kaysa sa Nihonggo, ang pangunahing wika ng Japan.

Ayon kay Rodriguez, dapat igiit ng gobyerno ng Pilipinas sa bansang Japan na maghinay-hinay at repasuhin nila ang kanilang licensure exams upang mabigyan ng pagkakataon ang mga Filipino na makapagtrabaho sa kanilang bansa.

Imposible umanong makapagbigay ng 1,000 trabaho ang gobyerno ng Japan sa mga Filipino nurses at caregivers sa taong ito kung napakahirap naman ng licensure examination ang ibinigay para sa mga aplikante.

Dahil dito, hinimok ni Rodriguez si Pangulong Benigno Noynoy Aquino III na pag-usapan ang isyu sa gobyerno ng Japan sa pagsisimula ng renegosasyon ng JPEPA, limang taon matapos lagdaan ang kasunduan.

Safety and health standard, hihigpitan

2011-05-10T16:21:00.003+08:00

Hiniling ngayon ni Kabataan partylist Rep Raymond Palatino sa kagawaran ng paggawa o sa DOLE, ang Department of Labor and Employment na ugaliing bisitahin at inspeksiyunin ang mga construction jobsites para matiyak na ang mga kumpanya ng construction ay sumunod sa ipinag-utos ng batas sa safety and health standards upang maiwasan ang pagkakaroon ng sakuna sa mga jobsite.

Sinabi ni Palatino, batay sa kanyang HB04332, na dapat lamang umano na iwasto ang DOLE department order no. 57-04 na pinapayagan ang mga kumpanya na may 200 empleyado na magsagawa ng sariling pagmatyag bilang pagsunod sa nabanggit na standard o batayan.

Ayon kay Palatino, ipinag-utos sa Labor Code na bigyan ng kapangyarihan sa Secretary of Labor at ang kanyang mga kinatawan na mamahala at magpatupad ng batas sa pamamagitan ng pagbisita at pag-inspeksiyon sa mga construction site.

Walang na umanong saysay ang naturang kauutusan sa kasalukuyan dahil wala na itong kaugnayan sa kapangyarihan ng gobyerno na tiyakin ang pagsunod sa labor standards, partikular na sa pagsunod sa safety and health sa mga lugar ng paggawa.

Kasalukuyang prayoridad ng gobyerno: pabahay

2011-05-04T12:50:00.000+08:00

Tiniyak ni Speaker Feliciano Belmonte, Jr. na nananatiling nakatuon sa isyu ng pabahay ang Kongreso bilang isa sa prayoridad ng gobyerno na mapabuti ang kalidad ng pamumuhay ng bawat Filipino.

Sinabi ni Speaker Belmonte na ang paglikha ng Department of Housing and Urban Development ay isa sa 23 prayoridad na kinilala sa huling pagpupulong ng LEDAC o Legislative Development Advisory Council na pinangunahan ni Pangulong Benigno Noynoy Aquino at ito rin ang isa sa pangunahing malasakit ng Kamara.

Ayon sa Speaker, bago magtapos ang taong 2011 ay nakahanda ang Committee on Housing and Urban Development sa pangunguna ni Rep Rodolfo Valencia at Committee on Government Reorganization sa pamumuno ni Rep Cesar Jalosjos na iulat at takalayin ito sa plenaryo.

Sinabi naman ni Valencia na mahabang panahon na rin umanong naghihintay ang Filipino at talagang tunay na may pangangailangan maglikha ng naturang departamento para matugunan ang kakulangan sa serbisyo ng pabahay.

Programang alternative classroom experience sa mga paaralan, itatatag

2011-05-04T12:43:00.000+08:00

Isinusulong ngayon sa Kamara de Representantes ang isang panukala na naglalayong magtatag ng alternative classroom experience program (ACLE) sa lahat ng paaralan sa buong bansa upang palawakin ang kaalaman ng mga mag-aaral.

Sa HB04337 na inihain ni Kabataan partylist Rep Raymond Palatino na tatawagin ding Alternative Classes Act, ipag-uutos sa lahat na mga secondary at tertiary educational institution na magsagawa ng mga ibat-ibang mga aktibidad kada semester o termino.

Ang panukala ay nalimbag base sa isang resolusyon na inaprubahan ng mga delegado ng 2nd National Youth Parliament ng NYC o National Youth Commission na humiling sa HED on Commission of Higher Education na magtatag ng ACLE sa lahat ng mga unibersidad at kolehiyo.

Sinabi ni Palatino na sa kasalukuyan ay mayroon nang mga paaralan na nagsasagawa ng ACLE tulad ng University Student Council ng University of the Philippines-Diliman kada semester at itinatag din nila ito sa ibat-ibang UP campuses.

Mayroon din ACLE ang Ateneo de Manila High School na kanilang tinaguriang KLIK o Klaseng Ibang Klase, sa University of Santo Tomas at sa Polytechnic University of the Philippines.

Dato Arroyo, hindi natinag sa bantang paguungkat sa kanyang SALN

2011-05-04T07:57:00.000+08:00

Hindi natinag si Camarines Sur Rep Diosdado Dato Macapagal Arroyo sa banta ng BIR o Bureau of Internal Revenue na uungkatin nito ang kanyang SALN o Statement of Assets and Liabilities and Networth.

Sinabi ni Arroyo na hindi niya mamasamain ang hakbang ng BIR kung ang layunin nito ay tuparin lamang ang mandato ng ahensya at hindi kaladkarin siya o ang kanyang pamilya sa walang batayang iskandalo.

Ayon sa kanya, regular naman umano siyang nagsusumite ng update sa BIR at bukas daw siya sa pakikipagtulungan at pagtugon sa mga tanong ng ahensya hinggil sa kanyang mga ari-arian.

Ngunit duda ang kongresista sa tunay na motibo ng administrasyon na eksaminin ang kanyang SALN na ayon sa kanya, posible umanong naghahanap lamang ng mapagbabalingang isyu ang pamahalaan para iligaw ang taumbayan sa tunay na kalagayan ng bansa ngayon.

Ang hakbang ng BIR ay kasunod na rin ng inihaing tax evasion case laban sa kapatid nito na si Mikey.

Dahil dito, iminungkahi ng mambabatas na busisihin din ang mga SALN ng taga-majority at mga miyembro ng gabinete kung ang gobyerno ay talagang seryoso sa kanilang hakbang para sa ikabubuti ng pamahalaan.

Posibleng matapos na ang kahirapan sa taong 2024 - Speaker

2011-05-03T07:49:00.001+08:00

Pinangunahan ni House Speaker Feliciano Belmonte, Jr. ang pagsusulong ng panukalang Filipino Volunteerism in National Building (VNB) Act,” na may layuning mag-aahon sa bansa Pilipinas mula sa labis na kahirapan sa taong 2024.

Sinabi ni Belmonte na sa ilalim ng HB04374 na inihain ng mga makabayang mambabatas, hindi umano madali ang hangaring ito subalit magagawa daw na mapaunlad ang bawat mamamayang Pilipino at maging tagapagtaguyod ng bansa.

Ayon sa kanya, ang hamon ay tugon sa napakataas umano na antas ng kahirapan na umaabot sa 26 porsiyento, katumbas ng 34 porsiyento ng populasyon na walang trabaho, at pambansang utang na umabot sa 325 bilyon piso sa pagtatapos ng taong 2010 na may negatibong epekto sa anumang programang kasalukuyang ipinatutupad upang maiangat ang antas ng pamumuhay.

Layunin ng HB04374 na hikayatin ang pribadong sektor na tulungan at suportahan ang pamahalaan, imbes na tumuligsa, upang maibalik ang pagtitiwala ng mga mamamayan sa pamahalaan. Magagawa ito sa pamamagitan ng pakikipag-uganayan at pakikipagtulungan ng pribadong sektor, at ang pagsasaisantabi ng usaping pulitika, relihiyon, ideolohiya at paniniwala, at kumpitensya sa negosyo.

Nakatakda ng balangkasin ng Committee on People’s Participation, na pinamumunuan ni Manila Rep Benjamin Asilo ang unang pagdinig hinggil sa usapin sa ika-11 ng Mayo, dalawang araw matapos ang muling pagbabalik ng regular na sesyon ng Kamara.

Ginagarantiya ng Saligang Batas at ng Local Government Code ang mahalagang tungkulin ng sambayanan, mga NGO o non-government organization, volunteer groups at people’s organizations ang paggamit ng limitadong likas-yaman sa pakikibaka laban sa kahirapan at iba pang suliraning panglipunan.

Inihalimbawa ni Belmonte na sa Pilipinas ay ipinatutupad ang programang GK o Gawad Kalinga na naglalayong paigtingin ang socio-economic-political frontiers sa pamamagitan ng kakaibang sistema na tinawag na Social Engineering, kahalintulad ng tradisyong Pinoy na bayanihan o pagboboluntaryo na may kasamang kalinga, na maiuugat natin mula sa ating mga ninuno.

Ang GK ay isa na ngayong Asian Model of Development at naging sanhi ng converging point for multi-sectoral partnerships at Template for Good Governance dahil sa pagtataguyod ng mga komunidad sa pamamagitan ng proyektong pabahay at imprastraktura, pangangalaga sa kalusugan ng mga kabataan at nagdadalang-tao, edukasyon ng mga kabataan, samut-saring kabuhayan at pamuhunan, sapat na pagkain, pantay na karapatan ng kasarian at kapangyarihan ng kababaihan, pagsusulong ng kapayapaan, kultura, turismong pangkalikasan at pangangalaga ng kapaligiran at kalikasan.

Kasama ng Speaker sa nagtataguyod ng HB04374 sina Reps. Freddie Tinga, Neptali Gonzales II, Rufus Rodriguez, Rodolfo Valencia, Juan Edgardo Angara, Hermilando Mandanas, Deputy Speakers Raul Daza, Jesus Crispin Remulla and Ma. Isabel Climaco, Minority Leader Edcel Lagman, Reps. Lucy Torres-Gomez, Winston Castelo, Henedina Abad, Amado Bagatsing, Jorge John Banal Jr, Bernadette Herrera-Dy at Fatima Aliah Dimaporo.

Pagwagayway ang bandila ng Pilipinas, ipag-uutos

2011-04-28T11:09:00.000+08:00

Ipinanukala sa Mababang Kapulungan ng Kongreso ng Pilipinas sa pamamagitan ng HB004384 ang pag-aatas sa lahat nang tanggapan ng pamahalaan, maging sa mga kampo ng militar, na iwagayway ang bandila ng Pilipinas sa lugar na dapat nitong kalagyan.

Ang HB04384 na iniakda ni Southern Leyte Rep Roger Mercado ay may pangunahing layunin na pataasin ng bawat empleyado ng gobyerno ang pagiging makabayan at pagpapahalaga sa watawat ng Pilipinas na siyang sagradong pangunahing simbolo ng ating mahal na bansa.

Nakasaad sa panukalang batas ni Mercado na papatawan ng parusang administratibo ang sinumang empleyado ng gobyerno na lalabag dito.

Gayundin, pagmumultahin din ang lumabag dito alinsunod sa probisyon ng new civil code at sa Revised Penal Code at mananagot ang opisyal ng tanggapan o kampo man ng militar sa hindi nito pagsunod sa nakasaad sa batas.

Impeachment trial, hindi makakaapekto sa legislative function ng Kamara

2011-04-27T16:54:00.000+08:00

Hindi umano mapababayaan ng Kamara de Representantes ang mga trabaho nito kahit na maging abala sila sa impeachment trial laban kay Ombudsman Merceditas Gutierrez.

Tiniyak ni House Speaker Feliciano Belmonte Jr, na siyang tumatayo bilang manager ng 11-man House prosecution team na lilitis kay Gutierrez, na magpapatuloy ang pagtatrabaho ng Kamara sa pagsasagawa ng imbestigasyon at pagpasa ng mga panukalang batas na kailangan ng bansa.

Aniya, hindi naman lahat ng miyembro ng Kamara ay kailangan sa impeachment trial na gagawin sa Senado.

Nais umano niya na ang Kamara ay normal na gaganap ng tungkulin nito sa kabila ng isasagawang paglilitis sa Senado at ang mga kinatawang may tungkuling gumanap ng kanilang mga atas bilang mga mambababatas ay tuloy-tuloy pa rin magta-trabaho sa Kamara.

Ayon sa kanya, ang Mababang Kapulungan ay nararapat lamang na magpatuloy ng pagganap ng legislative function nito.

Kasama sa mga pagkakaabalahan ng Kamara ang kontrobersiyal na Reproductive Health bill at ang deliberasyon ng budget para sa taong 2012.

Sa kabila ng trahedya sa ComVal: pagpasa ng alternative mining bill, isinusulong

2011-04-27T16:36:00.000+08:00

Muling iginiit ni Deputy Speaker Lorenzo Erin Tanada III ang kanyang paninindigan laban sa iresponsable at talamak na pagmimina bunsod ng trahediyang naranasan sa Compostela Valley nitong nakaraang linggo.

Sinabi ni Tanada na isang kabalintunaan na nangyari ito kasabay ng Earth Day kung kailan ipinagdiriwang ang pag-aalaga kay Inang Kalikasan, patuloy npa ring nakikita ang pagkamatay ng napakarami nating kababayan dahil sa ganitong uri ng pagmiminang nakakasira sa kalikasan at nagbibigay-daan sa kalamidad.

Si Tañada ang may-akda ng HB00206 o mas kilala bilang Alternative Mining Bill, na naglalayong ipalaganap ang makatwirang pagsaliksik, pagpapaunlad, at paggamit ng yamang mineral, kasabay ng pagtatanggol ng karapatan ng mga katutubong Filipino at mga lokal na komunidad na nasa mga lugar malapit sa mga minahan.

Hinikayat niya ang mga kapwa niyang Filipinong sumuporta sa panawagan laban sa pagkasira kalikasan at tumulong sa pagpapasa ng HB00206 sapagkat ang kasalukuyang Philippine Mining Act of 1995 ay masyadong maraming kamaliang nagbibigay-daan sa pagkasira ng kapaligiran at pagkamatay ng ating mga kababayan.

Ani Tañada, napapanahon na na sama-sama ang mga mamamayan na kumilos sa pagtitiyak na ang ganitong uri ng trahediya sa Compostela Valley ay hindi na mangyari pang muli.

Pagsasagawa ng ng CHR ng mga imbistigasyon, pinaiigting

2011-04-27T16:26:00.000+08:00

Ipinanukala ni Deputy Speaker Lorenzo Erin Tanada na paigtingin ang kapangyarihan ng nasabing CHR o Commission of Human Rights sa pagsasagawa ng mga tungkulin nito sa pagtatanggol ng karapatang pantao.

Sinabi ng kinatawan ng Aurora na kasabay ng mga nakita sa mga imbestigasyon, kahit pa ibinuhos na CHR ang lahat para dito, limitado pa rin ang kakayahan ng nito sa pagsisiguradong mapapangalagaan ang karapatang pantao at mapaparusahan ang mga manlalabag nito.

Si Tanada ang pangunahing may-akda ng HB00055 o ang Commission on Human Rights Act na naglalayong palakasin pa ang naturang Komisyon.

Ayon sa kanya, kailangan umanong palawigin pa ang mandato ng Komisyon para sa pag-iimbestiga dahil sa kasalukuyan, habang nagagawa ng CHR ang mga imbestigasyon nito, kailangan pa ring tiyaking buong-buo ang kakayahan nito upang gampanan ang tungkulin nitong pigilan ang paglabag sa karapatang pantao.

Sa paglalayong palakasin ang CHR, sinabi ni Tanada na hindi nakapagbigay ang Komisyon ng mga pangalan ng mga may sala laban mga biktima ng paglabag sa karapatang pang-tao dahil kulang ang kanilang kapangyarihan upang isagawa ang ganitong uri ng imbestigasyon.

Mabigat na kaparusahan laban sa pag-rehistro ng puslit na sasakyan, pinanukala

2011-04-27T16:15:00.000+08:00

Iminungkahi ni Tarlac Rep Jeci Lapus sa Kamara ang mabigat na parusa para sa sinumang indibidwal na masasangkot sa iligal na aktibidad sa pagrehistro ng puslit o smuggled na sasakyan.

Sa HB04362 na inihain ni Lapus, layunin nito na kaharapin ang suliraning smuggling ng mga imported na sasakyan at parusahan ang mga indibidwal na masasangkot sa iligal na gawaing ito.

Sinabi ni Lapus na ang pagrirehistro ng mga imported na sasakyan na walang clearance galing sa BOC o Bureau of Customs at BIR o Burueau of Internal Revenue ay nanatiling di napipigilan sa kabila ng ipinatutupad na batas hinggil dito.

Ayon sa kanya, ang mga tiwaling indibidwal ay nakakapagparehistro ng mga ganitong sasakyan sa LTO o Land Transportation Office na walang mga clearance o kung mayroon man ay may bahid ng irigularidad.

Ang iligal na pagpasok ng mga imported na sasakyan sa local market umano ay ang siyang pumupigil na makakolekta ang pamhalaan ng revenue na nakakaapekto sa progreso ng bansa.

Sa panukala, ang sinumang opisyal o empleyado ng pamahalaan na napapatunayang guilty ng gross negligence of duty, connivance o nagpaparaya na maisagawa ang tiwaling kaganapana ay paparusahan ayon sa itinakda ng batas, maliban pa sa outright dismissal sa serbisyo, disqualifcation na maluklok sa anumang halal na posisyon at appointment sa anumang serbisyo publiko.

Pagbasura sa oil deregulation law, di sinang-ayunin ng Speaker.

2011-04-27T15:48:00.042+08:00

Hindi pabor si House Speaker Feliciano Belmonte Jr sa panukala ng mga militanteng kongresista na ibasura na ang oil deregulation law matapos ang sunod-sunod na pagtaas ng presyo ng produktong petrolyo.

Naniniwala si Belmonte na pansamantala lamang ang sobrang pagtaas ng presyo ng langis na dulot ng kaguluhan sa mga bansa na pinagkukunan nito.

Sinabi ni Belmonte na ang pagbabale-wala o pagpapalit nito galing sa deregulation na maging regulation ay nangangailangan pa ng mahabang pagtatalakay at mahaba-habang usapin at hindi umano siya pabor dito, ngunit sa tingin naman niya, dapat lamang umanong magsagawa ng hakbang upang mapawi ang ganitong mga sitwasyon na palagay niya ay pansamantala lamang.

Isa umanong mahabang proseso ang pagsasapinal ng deregulation sa industriya ng langis na ayon sa kanya ay tama naman ang naging pasya nila.

Ang maaari umanong gawin sa Downstream Oil Industry Deregulation Act of 1998 o ang RA08479 ay amiyendahan ito upang mas maging angkop sa kasalukuyang sitwasyon.

Sa panukalang dapat bang suspendihin ng gobyerno ang ipinapataw na value added tax sa langis upang mabawasan ang presyo nito, sinabi ng Speaker na hindi ito dapat na manggaling sa kanya bagamat ang Kamara ay susuporta sa anumang hakbang na isasagawa ni Pangulong Benigno PNOy Aquino.

Responsibilidad sa pag-aayos at paglilinis ng dalampasigan at lansangan, ini-atang sa mga barangay

2011-04-27T15:06:00.000+08:00

Sapilitang ini-atang ang responsibilidad sa pagkupkop ng mga barangay para mapanatiling maayos at malinis ang mga lansangan o highways at mga dalampasigan o shorlines sa kanilang mga nasasakuoang lugar.

Ito ang isinusulong at layunin ng HB04398 na inihain ni Southern Leyte Rep Roger Mercado at kanyang sinabi na bagamat kadalasan ay wala sa posisyon ang pamahalaan para i-monitor ang kalagayan ng mga national highway at mga shoreline na libu-libong kilometro, marapat lamang daw na ibigay ang responsibilidad sa barangay para mapanatili itong malinis at maayos.

Dapat lamang umanong pangalagaan ng barangay ang mga ito mula sa mga bagay na maaaring makasagabal sa daloy ng trapiko at makasira sa kagandahan ng dalampasigan.

Anak ng guro sa pampublikong paaralan, libre nang mag-aral sa kolehiyo

2011-04-26T13:36:00.000+08:00

Isinusulong ngayon sa Kamara de Representantes ang panukalang magbibigay magandang kinabukasan sa mga anak ng guro na nagtuturo sa mga pampublikong paaralan.

Layunin ng HB04077 ni ACT partylist Rep Antnonio Tinio na mabigyan ng libreng edukasyon sa kolehiyo ang anak ng guro para makatulong sa kanilang suliranin.

Sinabi ni Tinio na bagamat isinabatas na ang Magna Carta for Public School Teachers noong 1996, nananatili pa ring naghihitay ang mga guro sa benepisyong nakalaan para sa kanila para matugunan ang kanilang kahirapan.

Pangunahing layunin ng panukala ni Tinio na mai-angat ang kabuhayan ng mga guro sa
pamamagitan ng probisyong non-wage benefit sa uri ng libreng tuition fee para sa kanilang anak na nasa kolehiyo.

Sa panukala, libre sa lahat ng bayarin sa tuition fee at iba pang mga bayarin ang mga nabanggit na benipisyaryo subalit kailangan kumpleto ito ng minimum requirement ng unibersidad, kolehiyo o kahit anong public technical o vocational school sa ilalim ng TESDA o Technical Education and Skills Development Authority.

Sakaling parehong guro ang mag-asawa, dalawa din ang malilibre sa kanilang anak.

Produktong Pinoy lamang ang dapat tangkilikin

2011-04-25T15:08:00.000+08:00

Isinusulong ngayon sa Kamara de Representantes ang pagpasa ng panukalang magmamando sa mga mamamayang Filipino na bilhin, gamitin at arkilahin ang mga produktong gawa sa bansa lamang upang mapaigting ang lokal na kalakalan at industriya.

Sinabi ni Southern Leyte Rep Roger Mercado na sa kanyang panukala, ang HB04383, dapat lamang umanong suportahan ng pamahalaan ang local trade and industry sa pamamagitan ng paggawad ng kinakailangang suportang imprastraktura kung saan ito ay hindi mangyayari kung ang sarili nating mga mamamayan ay hindi bibili ng ating mga sariling produkto.

Ayon sa kanya, ang pagtangkilik ng mga produktong gawa ng lokal na industriya ay pagpapakita lamang na ang kalidad ng mga ito ay maaari na ring maipanghikayat sa mga dayuhang mamimili.

Marapat lamang umanong ideklarang isang polisiya ng Estado na paigtingin ang lokal na kalakalan at industriya sa pamamagitan ng paghikayat na bilhin, gamitin at arkilahin ang locally made products.

Batay sa panukala, ang bawat mamamayan ay obligahing bumili, gumamit at rirenta ng mga produkto at materyales na gawa lamang dito sa bansa kung saan, ang produkto ay ikonsidera bilang locally produced kung ito ay gumagamit ng 80% raw materials buhat sa bansa.

mga litrato ni terencio: Hosting of Radyo EDSA 110225

2011-04-22T07:32:00.000+08:00

mga litrato ni terencio: Hosting of Radyo EDSA 110225

Paglabag sa minimum wage law, mabigat na parusa ang ipapataw

2011-04-17T16:53:00.000+08:00

Mabigat na parusang multa na aabot sa P100,000.00 ang kakaharapin ng mga negosyante na hindi tutupad sa batas hinggil sa wastong pasahod.

Ito ang layunin ng panukalang batasang, ang HB01889 na inihain ni Estaern Samar Rep Ben Evardone bilang tugon sa kalagayan ng mga manggagawang Pilipino na biktima ng mababang pasahod na hindi naaayon sa umiiral na batas.

Matutupad ang layuning ito sa pamamagitan ng pag-amiyenda ng RA06727 o ang Wage Rationalization Law, na nagpapataw lamang ng multang P25,000.00 bilang paglabag sa batas.

Sa ilalim ng panukalang ito, ang mga lalabag na negosyante ay magbabayad ng moral damages na hindi lalampas ng P30,000.00 bawat apektadong manggagawa, kasama na ang bayad sa kaso at serbisyo ng abogado.

Ayon kay Evardone, sa 19,539 negosyong ininspeksyon kamakailan lamang ng DOLE o Department of Labor and Employment, umaabot sa 3,660 ng bilang na ito ang hindi sumusunod sa minimum wage law ngunit ang 15,879, katumbas ng 81% ng mga inispeksyong negosyo ay tumatalima naman sa ipinaiiral na batas hinggil sa pasahod.

Batay daw sa pag-aaral, mayroong mahigit na 800,000 negosyo sa bansa ang nag-eempleyo ng may 6.5 milyong manggagawa at ang wastong pasahod ay napakalaking tulong sa mga ito kung naipapatupad lamang ito ng wasto at maayos.

Iginiit ni Evardone na ang sahod umano ng ordinaryong manggagawa ay hindi sapat upang matugunan ang mga pangunahing pangangailangan ng kanilang mga pamilya tulad ng pagkain, damit, upa sa bahay at iba pa kayat dapat lamang daw na mahigpit na magpatupad ng minimum wage rate ang mga korporasyon at iba pang negosyo.

Sinabi pa ng mambabatas na ang tanging paraan lamang para matugunan ang problemang ito ay dagdagan ang multa laban sa mga negosyanteng hindi tumutupad sa ipinaiiral na batas nang sa gayun ay mapanangalagaan ang mga karapatan ng manggangawang Pilipino hinggil sa wastong pasahod.

Matagumpay na isinagawa: medical mission para sa mga buntis at kabataan

2011-04-17T16:35:00.000+08:00

Isang medical mission na magbebenipisyo sa mga nagdadalang-tao at mga kabataan sa mga mahihirap na lugar sa lungsod ng Maynila upang mabawasan ng mga kumplikasyon sa panahon ng pagbubuntis at pagsisilang ang isinagawa noong nakaraang Martes.

Ang misyon ay pinangunahan ni Manila Rep Zenaida Angping na isinagawa sa Barangay San Nicolas sa Sta. Cruz, Manila na dinaluhan ng mga residente na kinabibilangan ng mga buntis at kabataan.

Sinabi ni Angping na boluntaryong naglingkod ang mga manggagamot at nurses mula sa Jose Reyes Memorial Hospital, San Lazaro Hospital at Fabella Hospital sa tinawag na Nanay Ngan Anak o Mother and Child.

Ang kaganapang ito ay bahagi ng pangkalahatang pagsisikap ng pamahalaan na makamit ang tagumpay ng layunin ng Millennium Development Goals upang mapababa ang bilang ng pagkamatay ng mga kabataan at mga buntis sa bansa.

Bukod sa pagbibigay-lunas sa mga pasyente, isang feeding program din ang isinagawa para sa mga residente.

Ayon kay Angpin, hindi lamang wastong pag-aalaga sa kalusugan at pangangatawan ng mga ina ang layunin nila dito kundi upang turuan din maging ang mga lalaki kung papaano nila aalagaan ang kanilang mga asawa.

Inihayag ng mambabatas na pipili sila ng 10 buntis na tinataya nila na nanganganib ang pagdadalang-tao at tutukan nila ang kanilang pagbubuntis upang ganap na maalagaan mula pre-natal hanggang post-natal at ito ay kinabibilangan ng mga mga batang buntis na nagkakaedad ng 14 na taon pababa, mga nakatatandang kababaihan at mga may malalang karamdaman tulad ng diabetes.

Labis na nagpasalamat si Angping sa mga suportang inilaan ng mga pribadong samahan at indibidwal na nakilahok sa isinagawang medical mission.

Mga katangian para mapatiwala ang mamamayan sa pamamahala: integridad at kakayahan

2011-04-17T16:24:00.000+08:00

Ipninahayag ni House Speaker Feliciano Belmonte na ang integridad at kakayahan ang dalawang katangian ng propesyon ng mga abogado ang mahalagang nakakapagpataas ng patitiwala ng mga mamamayan sa pamamahala.

Sa kanyang mensahe sa ika-13 Ntional Convention of Lawyers na ginanap sa Subic Exhibition and Convenyion Center noong ika-9 ng Abril ng kasalukuyang taon, sinabi ni Belmonte na ang kakayahan, sa pamamagitan ng kaalaman, dunong at katangiang maasahan ay hindi umano maihihiwalay sa integridad – ang pagsisikap na manatiling tunay at matapat at sang-ayon sa kanyang mga kilos kahit pa mangangahulugan ito ng panganib sa kanyang sarili.

Ayon pa sa kanya, ang kahalagahan umano ng isang lipunan sa pagkilala sa mga abogado ay ang mataas na pagtitiwala at paggalang sa kakayahan at integridad nila.

Ilan sa mga matataas na pinuno na dumalo sa pagpupulong ay sina Justice Santiago Kapunan, OIC National President; Atty. Roan Libarios, Incoming IBP National President; Central Luzon Governor Ferdinand Miclat at mga myembro ng Board of Governors; Zambales Chapter President Deo Amor David at lahat ng mga Chapter Presidents at opisyales.

Nanawagan si Belmonte sa mga abogado na maging sensitibo sa mga pagbabago sa iba’t ibang aspeto ng pamumuhay na umuugnay sa pulitika, ekonomiya, panglipunang gawain, at pandaigdigang karapatan sa kalikasan.

Ayon sa kanya, ang mga ganitong pagbabago ang mabigat na hamon na hinaharap umano ng ating mga abogado upang maresolba ang mga masalimuot na suliraning ligal

Ganito rin daw ang kinakaharap ng ating mga mambabatas upang maisaayos ang mga umiiral na batas para sa mga nagpapatupad nito at para sa mga hukom na nagpapakahulugan nito.

Pinaigting na proteksyon sa mga biktima at testigo, isinusulong

2011-04-17T16:05:00.000+08:00

Lalung paiigtingin pa ang proteksyon at pangangalaga sa mga saksi at biktima sa kanilang pagtestigo sa mga hukuman o imbestigasyon sa HB04079 ni Sorsogon Rep Salvador Escudero III.

Batay sa panukala, hindi maaaring ibunyag ng isang testigo o biktima ang kanyang mga personal na impormasyon tulad ng tirahan, pangalan at lugar ng negosyo, numero ng telepono, at mga mahahalagang personal na detalye sa pagharap nito sa isang pagdinig sa hukuman, maliban na lamang kung may kaugnayan ito sa impormasyong hinihingi ng korte.

Sinabi ni Escudero na ang pangangalaga sa mga biktima o testigo na nagbibigay ng salaysay at ebidensya sa isang kriminal na kaso ay labis na napakahalaga sa ikatatagumpay ng laban ng pamahalaan sa kriminalidad.

Ang HB04079 o Witness Confidentiality Act ay naglalayong itatag muna ang pangangailangan ng depensa na naghahangad ng impormasyon bago ito ihayag para maproteksiyunan ang testigo.

Ayon pa kay Escudero, kapansin-pansin na umano ang hinahangad na hustisya ay hindi naigagawad sa mga biktima ng krimen dahil sa nararanasan nilang pananakot, pagbabanta at panggigipit na ang naging resulta ay kabiguan ng hustisya na maparusahan ang mga nagkasala sanhi ng pag-atras ng mga testigo at biktima dahil sa takot na mapahamak.

Iginiit ng mambabatas na dapat lamang daw na maglatag ang pamahalaan ng matatag na proteksyon at mahigpit na patakaran upang mapanatiling lihim ang mga impormasyon ng mga testigo at biktima para mailigtas sila mula sa mga kriminal.

Puwede nang maglingkod ang sinumang responsableng mamamayan bilang poll duty officer

2011-04-13T13:17:00.000+08:00

Iminungkahi ni ACT Teachers partylist Rep Antonio Tinio na payagan na ang COMELEC o Commission on Elections na mangalap ng mga maglilingkod nang boluntaryo sa panahon ng halalan sa kanyang inhaing HB04096 na naglalayong amiyendahan ang Section 13 ng RA06646, o ang Electoral Reforms Law of 1987.

Nais ni Tinio na ipawalang-bisa ang probisyon ng batas na tanging mga pampublikong guro lamang ang maaaring magsilbi bilang mga miyembro ng BEI o Board of Election Inspectors at payagan ang mga guro mula sa mga pribadong paaralan, mga kawani ng gobyerno na sakop ng serbisyo sibil, at mga mapagkakatiwalaang mamamayan .

Sinabi ng mambabatas na ang halalan ay isang mahalagang kaganapan sa isang demokratikong bansa at ang paglilingkod sa panahon ng halalan ay isang makabayang tungkulin na dapat ay maaaring igawad sa lahat ng mamamayan.

Ayon kay Tinio, ang pagpili ng mga BEI mula sa hanay ng mga mapagkakatiwalaang mamamayan ay magbibigay ng malawak na oportunidad upang makilahok ang maraming botante sa halalan.

Sinabi niya na malaki na raw ang hirap ng ating mga guro sa pampublikong paaralan sa pagbibigay ng kalidad na edukasyon sa ating mga kabataan at ang kakayahang ito ang nagpapatunay sa kanilang kredibilidad para sa isang matagumpay na halalan, sa kabila ng mababang sahod at hirap na dinaranas nila sa mga lugar na kanilang pinagtuturuan.

Ngunit dapat din umanong igalang ang kanilang desisyon at kalayaang pumili kung gagampanan ba nila o hindi ang tungkulin ng BEI sa panahon ng halalan.

Iginiit pa ng mambabatas na ang tanging paraan lamang dito ay ang payagan at bigyan ng pagkakataon ang mga responsableng mamamayan na makapaglingkod bilang poll duty officers upang mabawasan ang mga pangamba ng ating mga guro mula sa mga panganib na dulot ng isang mainit na halalan.

SSS retirees, tataas na ang pensiyon

2011-04-13T10:43:00.000+08:00

Madaragdagan na ang tatanggaping pension ng mahigit 25 milyong miyembro ng SSS o Social Security System na retirado ng P7,000 retirement pension kapag naging ganap na batas ang HB04365 na iniakda nina Bayan Muna partylis Reps Neri Javier Colmenares at Teodoro Casiño.

Sinabi nina Casiño at Colmenares na malaki umano ang maitutulong nito sa mga SSS retiree para makaahon sa patuloy na pagtaas ng mga pangunahing bilihin.

Sa kasalukuyan, tumatanggap ang isang SSS retiree na mayroong 10 credited years of service ng buwanang pensyon na P1,200 at ang may 20 credited years ay tumatanggap ng P2,400.

Sa ilalim ng batas, ang minimum na buwanang pensiyon ay P4,000 at taun-taon ay tataas ito ng P500 kada buwan hanggang maabot ang minimum na buwanang pensiyon na P7,000.

Kamalayan sa Liver cancer at Hepatitis–B, pinaiigting

2011-04-12T11:14:00.000+08:00

Pasado na sa ikatlo at pinal na pagbasa sa Kamara ang panukala na magtatakda sa buwan ng Enero bilang Liver Cancer at Hepatitis-B awareness and prevention month.

Sinabi ni Negros Occidental at House Health Committe Chair Alfredo Maranon III na layunin ng HB00988 na kanyang inakda ang pagpapalaganap ng wastong edukasyon at mga programa para sa proteksyon laban sa Hepatitis-B at sakit na kanser sa atay, lalo na sa mga bagong silang na sanggol.

Ang Liver Cancer and Hepatitis-B Awareness and Prevention Month Act ay itinakda dahil sa nakakaalarmang pagtaas ng bilang ng mga Pilipinong kinakapitan ng naturang karamdaman.

Ayon kay Maranon, kailangang umanong kumilos ang pamahalaan upang maiwasan ang pagkalat ng sakit na aniya ay bantang panganib lalo na sa mga sanggol.

iminungkahi niya sa panukala na isang komprehensibong edukasyon at programa para sa kamalayan ng mga mamamayan sa naturang mga sakit ang dapat na ipatupad na pangungunahan ng DOH o Department of Health, katuwang ang bawa’t pamahalaang lokal upang matiyak ang makasaysayang paggunita sa okasyon.

Sa ilalim ng panukala, isang programang pang edukasyon at mahahalagang impormasyon na magbabalangkas sa mga kadahilanan ng naturang karamdaman kung papaano ito nakukuha at nahahawa, mga paraan ng paggamot at wastong lunas para sa Hepatitis B, mga benepisyo ng maagap na pagbakuna, kasama na ang pangangailangan ng bakuna sa mga sanggol na ibibigay sa loob ng 24 na oras matapos itong isilang.

Kaakibat ni Marañon sina Pampanga Rep Anna York Bondoc at Iloilo Rep Augusto Syjuco sa paghahain ng nabanggit na panukala.

Pinakamalalang uri ng child labor, nasa Pinas

2011-04-11T16:54:00.000+08:00

Paiimbestigahan ng ilang mga mababatas ang iniulat ng United States Department of Labor na ang Pilipinas umano ay may pinakamalalang uri ng child labor.

Sa HR01058 na inihain nina Cagayan de Oro Rep Rufus Rodriguez at Abante Mindanao Rep. Maximo Rodriguez, nanawagan sila sa House Committee on Labor and Employment na masusing pag-aralan ang ulat at ipatawag ang mga kinauukulang ahensya ng pamahalaan upang magbigay-linaw sa naturang ulat.

Sinabi ni Rodriguez na ang ulat ng US Department of Labor ay isinumite kay US Vice President Joseph Biden at sa Kongreso ng Estados Unidos at ito ay nakakabahala dahil isinusulong nito ang kahirapan at pinagkakaitan ang mga kabataan ng pagkakataon na makapag-aral at matutunan ang mga kaalaman upang mamuhay na produktibo sa kanilang pagtanda.

Nais ipatawag ng mga mambabatas sa Kamara ang mga kinatawan ng DOLE o Department of Labor and Employment, BID o Bureau of Immigration and Deportation, DFA o Department of Foreign Affairs at iba pang kinauukulang ahensiya hinggil sa ulat na pinamagatang Findings on the Worst Forms of Child Labor na naglalaman ng pag-abuso umano sa maraming kabataang Pilipino at nagsasadlak sa kanila sa prostitusyon pornograpiya at kalakalan ng turismo sa sex bukod pa sa paggamit sa kanila bilang mga manggagawa sa sektor ng agrikultura, pangangatulong, at tagahatid ng mga ipinagbabawal na gamot na labis na nagiging mabigat na problema.

Ayon kay Rodriguez, ang ulat ay batay sa pagsasaliksik na isinagawa sa 125 bansa kasama ang 3 bansa sa rehiyon ng ASEAN – ang Indonesia, Thailand at Cambodia at sa kabuuang 753 pahina ng nasabing ulat, 7 pahina ang naglalaman ng kalagayan ng problema sa child labor sa Pilipinas, na nagpapatunay ng mabigat na suliranin para sa bansa.

Isinasaad sa ulat na ang mga kabataang Pilipino umano ay nakararanas ng sapilitang pagtatrabaho bilang katulong o di kaya ay ginagamit sa pang-aabuso at kahalayan at maraming kabataan din ang ginagamit sa mga minahan, paninisid sa karagatan para mangisda, at mga trabaho sa mga industriya, mula sa paggawa ng mga paputok hanggang sa mga fashion accessories.

Ang mga kabataang ito ay nagiging biktima umano ng aksidente sa trabaho na nagreresulta sa lubhang pagkasugat o pagkamatay, bukod pa sa sobra sobrang oras ng pagtatrabaho ng walang alalay mula sa mga nakatatanda.

Mandatory na ang ocular prophylaxis sa mga bagong silang na sanggol

2011-04-11T08:08:00.000+08:00

Ipinasa na sa ikatlo at huling pagbasa sa Kamara ang HB04075 o Mandatory Ocular Prophylaxis Act na iniakda ni Surigao del Sur Rep Philip Pichay na naglalayong mapangalagaan ang mga sanggol mula sa opthalmia neonatorum o isang karamdaman na maaaring ikabulag ng mga ito.

Sinabi ni Pichay na layunin ng panukala na gawing compulsory sa mga ospital at paanakan ang ocular prophylaxis sa mga bagong silang na sanggol at dapat na gawin ito ng manggagamot na nagluwal sa sanggol upang maiwasan ang pagkabulag.

Ayon sa kanya, ang kakulangan sa wastong nutrisyon tulad ng Vitamin A ang pangunahing dahilan na nagdudulot ng ophthalmia neonatorum sa mga sanggol - isang karamdamang labis na ikinababahala ng mga manggagamot at nakukuha ito sa panahon ng pagbubuntis na kasama ang tigdas at premature na panganganak.

Idinagdag pa ng mambabatas na ito ay sanhi umano ng impeksyon sa mata ng sanggol, pamamaga o pamumula sa isa o dalawang mata na maaaring makita sa loob ng dalawang linggo matapos na isilang ang sanggol.

Batay sa ulat ng WHO o World Health Organization ani Pichay, may 1.5 milyong kabataan sa buong mundo ang bulag at isang milyong kabataan sa Asia ay bulag, at ito ay sanhi ng corneal opacification - isang depekto sa mata na namiminsala sa central o peripheral area ng cornea.

Sa resulta ng pambansang survey sa pagkabulag sa bansa na isinagawa mula Abril 1994 hanggang Hunyo 1995 ay lumabas na may 478,968 mula sa 68.4 milyong Pilipino ay bulag.

Ipinaliwanag ni Pichay na ang lunas sa naturang karamdaman ay ang paglalagay ng 0.5% Erythromycin na nagkakahalaga lamang ng P160.

Hindi daw kailangang maging isang dalubhasa para malaman ang kahalagahan ng paggagamot sa karamdamang ito na siyang tanging lunas na magtatagal sa mahabang panahon.

Ayon sa mga kasamang mambabatas na may-akda ng panukala na sina Negros Occidental Rep Alfredo Maranaon III at Bagong Henerasyon Rep Bernadette Herrera-Dy, gagawing mandatory sa mga doktor ang paglalagay ng 1% tetracycline ophthalmic ointment o 0.5% erythromycin ophthalmic ointment o 1% silver nitrate aqueous solution sa mga mata ng bagong silang na sanggol.

Batasan complex buildings, handa ba sa mga kalamidad?

2011-04-11T07:59:00.000+08:00

Nanawagan ngayon ang mga mambababtas sa mga kinauukulang ahensya ng pamahalaan na magsagawa ng pagtaya sa kahandaan ng Batasang Pambansa complex at mga pasilidad nito sa anumang kalamidad na maaaring tumama sa lungsod ng Quezon tulad ng lindol na may lakas o intensity 7.2.

Sinabi ni Muntinlupa Rep Rodolfo Biazon, na kailangang malaman umano ng bayan kung ang Batasang Pambansa complex ay may kakayahang makaligtas sa isang malakas na lindol.

Sa isinagawang pagdinig ng House Committee on National Defense and Security, sinabi ni Atty Priscilla Duque ng Office of Civil Defense na bagamat ang Batasang Pambansa complex ay hindi sakop ng tinatawag na fault line, ay napag-alaman sa isang pag-aaral na posibleng makaranas ito ng malaking pinsala dahil malapit din ito sa fault lines.

Ipinanukala ni Biazon sa House Sergeant at Arms at House security na magpatupad ng mga kahandaan tulad ng earthquake drills sa House Secretariat at congressional staff ng mga mambabatas at kasama na ang iba pang mga kawani.

Nanawagan din ang mambabatas sa DPWH o Department of Public Works and Highways at iba pang kinauukulang tanggapan ng pamahalaan na magsagawa ng masusing pagsasaliksik hinggil sa kahandaan ng mga gusali ng pamahalaan sa buong bansa mula sa anumang kalamidad tulad ng lindol.

Ayon kay Biazon, naniniwala umano sila sa Kamara na kailangang obserbahan at imbestigahan kung paano haharapin ang mga natural na kalamidad tulad ng lindol at tsunami sakaling dumating ang mga ito at maminsala sapagkat hindi daw malaman kung papaano ito gagawan ng batas.

Kayat nais umano nila malaman mula sa National Disaster Risk Reduction and NDRRMC o Management Council kung anong mga panukala ang dapat gawin dahil sila naman ang mga dalubhasa sa usaping ito, ani Biazon.

Naghain din ng ibat-ibang resolusyon hinggil sa usaping ito sina Cebu Rep Gabriel Luis Quisumbing, Cagayan de Oro City Rep Rufus Rodriguez, Abante Mindanao Rep Maximo Rodriguez Jr, Southern Leyte Rep Roger Mercado, Quezon Rep Danilo Suarez at Basilan Rep Jim Hataman Salliman.

Kahalagahan ng VAT bill, payagan sana ni PNoy

2011-04-09T09:57:00.000+08:00

Umaasa si Batangas Rep Hermilando Mandanas na ikokonsidera ng Malacanang ang kahalagahan ng kanyang panukala na bawasan ang tax payment ng mamimili mula sa VAT o Value Added Tax rate ng 12% sa mababang Value Simplified Tax rate na anim na porsiyento.

Bilang pagbibigay-halaga, inaasahan din ni Mandanas na tatalakayin ang panukalang VAST sa susunod na pagpupulong ng LEDAC o Legislative Executive Development Advisory Council.

Sinabi ni Mandanas na magiging totoo umano ang salita ng administrasyon na kung walang corrupt, walang mahirap kapag pinayagan ito Pangulong Aquino.

Ayon sa kanya, ang VAST bill ang siyang malaking ambag ng Kamara sa pagpupunyagi ng pamahalaan na mapababa ang kakulangan sa badget.

Pinaliwanag ni Mandanas na ang pangunahing nilalaman ng VAST bill ay maalis ang Input Tax Credit System, na maaaring pagmulan ng korapsyon at kumakain ng koleksyon sa buwis ng gobyerno.

Tiyak umano na mababawasan ang graft and corruption sa VAST bill na magsagawa ng komplikadong sistema at paper works sa ilalim ng Input Tax Credit System na mahina sa korapsyon gaya ng paggamit ng pekeng resibo, paulit-ulit na tax credit claims, understatement of sales at mahinang monitoring at auditing.

Isinusulong, diskuwento sa ospital at medical services para sa mahihirap

2011-04-07T10:59:00.000+08:00

Ipinanukala sa HB04125 na mabigyan ng 50 porsiyentong diskuwento sa medical services ang mga batang nasa anim na taong gulang pababa para matugunan ang tumataas na bilang ng namamatay na sanggol sa bansa.

Sinabi nina Bayan Muna partylist Reps Congressmen Neri Colmenares and Teddy Casino na hindi kayang bayaran ng mahihirap na pamilya ang mataas na singil ng ospital at doktor dahil kapos sila sa pera kahit pambili ng gamot para sa kanilang anak.

Ayon kay Colmenares, maiiwasan umano sana ang pagkamatay ng mga bata at sanggol kung mabibigyan man lamang ng diskuwento sa ospital at medical services ang mga
mahihirap na pamilya.

Tatawaging Children’s Medical Services Discount Act ang panukalang magbibigay ng diskuwento sa medical services sa ospital at licensed physicians sa kanilang panggagamot.

Sakop din ng panukala ang mga magulang na kumikita ng annual net income na
hindi tataas ng 100,000.

Mga kongresista hati sa isyu hinggil sa pagbuwag ng SK

2011-04-07T10:43:00.000+08:00

Hati ang mga kongresista sa isyu kung bubuwagin o palalawigin pa ang batas na lumikha sa SK o Sangguniang Kabataan.

Iminungkahi ng Negros Oriental Rep George Arnaiz, chair ng House committee on local government, sa kanyang mga kasamahang mambabatas na magkaroon muna ng cooling period o pagpapaliban muna ng talakayan hinggil sa naturang bago pagbotohan ito hanggang sa pagtatapos ng taong kasalukuyan.

Sa siyam na panukalang batas na inihain sa Kamara, apat ang pabor na buwagin ang SK at lima naman ang pumapabor na lalo pang palakasin at repormahin ito.

Sinabi ni Valenzuela Rep Magtanggol Gunigundo, isa sa may akdang buwagin ang SK, mismong sina Pangulong Noynoy Aquino at DILG Secretary Jesse Robredo ay pumapabor din na buwagin ang nabanggit na sanggunian.

Ayon sa kanya, hindi dapat ipagkatiwala ang pondo ng publiko sa mga kabataan na nasa edad 15 at 17 na nag-uumpisa pa lamang na matuto kung ano ang resposibilidad at pananagutan.

Sa panig naman ni Kabataan partylist Rep. Raymundo Palatino, ang kailangan naman umano ng SK mula sa lehislatura ay hindi planong buwagin ito kundi ang panukalang lalo itong palakasin sa pamamagitan ng matibay na reporma at direktang magpapasak sa mga butas ng kasalukuyang batas.

Sentro ng palahian ng mga kambing at tupa, itatatag

2011-03-31T08:06:00.000+08:00

Tatalakayin na sa bulwagan ng Kamara ang panukalang naglalayong bigyang proteksiyon at paunlarin ang industriya ng mga maliliit na hayop tulad ng kambing, tupa at iba pa.

Ito ay makaraang maaprubahan ng komite ang HB01809 na inihain nina Pampanga Reps Gloria Macapagal-Arroyo at Camarines Sur Rep Diosdado Arroyo na naglalayong itatag ang Philippine Small Ruminants Center sa ibat-ibang bahagi ng bansa na kung saan ang pinakasentro ay matatagpuan sa CLSU o Central Luzon State University sa Nueva Ecija at magtatayo rin ng mga satellite center sa Luzon, Visayas at Mindanao.

Sinabi ni Macapagal-Arroyo na malaki umano ang maitutulong ng batas na ito sa magsasaka, higit sa lahat sa maliliit na magsasaka, na magkaroon ng de-kalidad na lahi ng kambing at tupa sa murang halaga dahil layon nito na magkaroon ng programa at tamang sistema kung papaanong mapapaunlad ang industriyang ito.

Layunin din umanong hikayatin ng panukalang ito ang mga maliliit na magsasaka na palaganapin at paunlarin ang kanilang negosyo upang dumami ang napagkukunan ng karne, gatas, at fiber na mula sa kambing, tupa at iba pang maliliit na hayop, upang matugunan ang pangangailangan kahit sa kani-kanilang probinsiya lamang.

Ayon sa kanya, mahalaga umano ang mga hayop na ito sa maliliit na magsasaka at malaking tulong din daw ang nagagawa nito sa pagpapaunlad sa sektor ng pangsakahan ng bansa at kung maisasaayos lamang ang programa hinggil dito ay maaari na itong mapagkunan ng kabuhayan ng mga mgasasaka.

Nakakalungkot lamang umano na sa kabila ng mga kahalagahan ng maliliit na hayop na ito at ang malaking silbi nila sa aspeto ng agrikultura ay hindi ito nabibigyan ng sapat na atensiyon ng pamahalaan tulad ng importansiyang naibibigay sa baka at kalabaw.

Anti-money laundering law, pinaiigting sa Kamara

2011-03-31T07:48:00.000+08:00

Pinalalakas ng mga mababatas sa Kamara ang kasalukuyang batas hinggil sa anti-money laundering upang ito ay makasang-ayon sa pamantayan ng international anti-money laundering at counter-terrorist financing.

Idinideklara sa HB04275 ang terorismo at ang pagpopondo sa mga terorista at mga gawain nito, human trafficking, sexual exploitation ng bata, katiwalian, panunuhol, panghuhuwad at pamemeke, at mga krimen laban sa kapaligiran o environmental crime bilang mga iligal na gawain.

Ang naturang panukala na naglalayong amiyendahan ang RA09160 o ang Anti-Money Laundering Act of 2000 ay inihain sa Kamara nina Cagayan de Oror Rep Rufus Rodriguez, Abante Mindanao prtylist Rep Maximo Rodriguez, Paranaque Rep Roilo Golez at Leyte Rep Sergio Apostol.

Ibinabalik ng panukalang ito ang dati nang nakasaad sa batas ng anti-money laudering na pagbibigay ng pabuya at insentibo na inalis sa pamamagitan ng RA09194 na nag-aamiyenda sa naunang RA09160.

Panukalang magtatatag ng PTHA lusot na sa komite

2011-03-30T09:18:00.000+08:00

Bubusisihin ng mga kongresista sa bulawagan ng Kamara ang panukalang magtatatag ng Philippine Thoroughbred Horseracing Authority (PTHA) bilang kapalit sa kasalukuyang Philippine Racing Commission (Philracom).

Ito ay makaraang maaprubahan sa committee level ang HB000224 na mas kikilalanin bilang Charter of the Philippine Thoroughbred Horseracing Authority na siyang mamamahala upang patuloy na umunlad at mapalawak ang de-kalidad na kabayo na magagamit sa pagpapalaganap ng industriya ng pangangabayo sa bansa.

Sinabi ni Manila Rep Amado Bagatsing, pangunahing may akda ng panukala na ang PTHA na ang pangunahing ahensiyang may responsibilidad at kontrol sa lahat ng aspetong may kinalaman sa industriya ng pangangabayo, kabilang na ang pagpaparami at pagpapaunlad ng mga ito.

Kasama pa sa pangangasiwaan ng PTHA ay ang importasyon at eksportasyon ng kabayo, breeding stock, framing at maging ang pagtatakda kung kailan ang mga isasagawang karera, kung sino ang may karapatang mag-alaga ng kabayo, pagpapagawa ng mga ligtas na karerahan, pagdidesisyon kung ano at magkano ang magiging papremyo sa mga karera ng kabayo at ang seguridad sa horseracing.

Ayon kay Bagatsing, hindi pa nagmamaliw ang importansiya ng karera ng kabayo bilang pinakamatanda at pinakatanyag na libangan ng mga kalalakihan sa bansa at kahit na sa buong mundo.

Idinagdap pa niya na kung tutuusin daw, naging mas de-kalidad at sopistikado na ang larong ito kaya mas kinakailangang bigyan ito ng pansin ng pamahalaan upang hindi ito mawalang saysay.

Batas hinggil sa pagmamanehong lasing, paiigtingin

2011-03-28T15:28:00.000+08:00

Ipinasa na sa ikatlo at pinal na pagbasa ang panukalang naglalayong parusahan ang mga motorista na nagmamaneho kahit na sila ay nasa ilalim ng impluwensiya ng alak o sa iligal na gamot.

Sinabi ni Pampanga Rep Gloria Macapagal-Arroyo na kung sa ibang bansa ay mahigpit na ipinagbabawal ang pagmamaneho ng nakainom ng alak, kataka-katang naman daw dito sa Pilipinas na sa kabila ng mga pag-aaral na nagsasabing ikalawa sa sanhi ng pagkamatay ng bawat Pilipino ay ang aksidente sa kalsada at na dulot ng pagmamaneho na lasing, nananatili pa rin uamnong maluwag at ipinagwawalang bahala ang bagay na ito.

Ayon kay Arroyo, may akda ng panukala, hindi dapat na ang mga aksidente sa daan ay lagi na lamang itinuturing bilang resulta ng reckless imprudence, dapat ay ituring itong isang iresponsableng gawa lalo na kung ang sangkot ay isang lasing.

Kikilalanin ang panukalang ito bilang Driving Under the Influence of Alcohol, Dangerous Drugs and Similar Substances Act,” at ang panukalang ito ay magpapataw ng administrative sanctions at multa sa sinumang lalabag dito.

Nahaharap sa parusang isang taong pagkakakulong, multang di bababa sa P20,000 at pagsuspende ng lisensiya sa pagmamaneho ang sinumang mapapatunayang nagkasala at lumabag sa batas na ito.

Suliranin ng bansa sa malnutrisyon, tutugunan ng Kongreso

2011-03-28T15:16:00.001+08:00

Iminungkahi ni Alagad partylist Rep Rodante Marcoleta na magtatag ng Barangay Integrated Development Approach for Nutrition Improvement (BIDANI), isang programang magsasagawa ng pag-aaral kung papaanong magkatulungan ang mga unibersidad at ang mga lokal na pamahalaan sa pagsasaayos at pagpapa-unlad ng nutrition program para sa mga mamamayan.

Sinabi ni Marcoleta na ang HB01330 na prinsipal na kanyang inakda ay naglalayong mapapangalagaan ang kalusugan ng mga mamamayan lalo na sa mga batang naninirahan sa mga itinuturing na depressed barangay.

Ayon sa kanya, ang programang kanyang iminungkahi ay magbibigay ng kamulatan sa kahalagahan ng nutrisyon at kung papaano maging produktibo uapng mapaunlad ang kalagayan ng bawat mamamayan.

Iginiit ng mambababats na ang malnutrisyon ang dahilan ng malawakang paghihirap ng bansa dahil ito ang nagpapaantala ng pisikal na kagalingan ng mga mamamayan at ito ay nakakaapeko sa paglaki ng mga bata at maging sa kanlang pag-iisip kung sila ay malnourished, dahilan para hindi sila maging alisto sa paaralan at hindi makakakuha ng magandang trabaho pagdating ng panahon.

Batay sa panukala, itatatag ang National Nutrition Council (NNC) na siyang mamamahala at magsasagawa ng pakikipag-ugnayan sa mga unibersidad na pinupondohan ng pamahalaan at siyang gagawa ng mga alituntunin at regulasyon na dapat sundin upang maipatupad ang mga probisyon ng panukalang ito.

212 na boto para ma-impeach ang Ombudsman, vote of confidence kay PNoy

2011-03-22T19:57:00.000+08:00

Ipinahayag kahapon ni House Speaker Feliciano Belmonte na ang boto na 212 ng mga kongresista sa HR01089 upang ma-impeach si Ombudsman Merceditas Gutierrez ay isang pagpapakita lamang ng vote of confidence ng Kamara de Representantes kay Pangulong Benigno PNoy Aquino.

Ayon kay Belmonte, sa overwhelming majority ng Mababang Kapulungan sa impeachment ng Ombudsman, ipinakita lamang na malaki pa rin ang suporta ng mga kongresista kay Pangulong Aquino

Ngunit mabilis namang ipinalagay ng Speaker na ang solidong boto ng nabanggit na bilang ng mga mambabatas kahapon ng madaling araw laban kay Mercy ay assurance na rin ng kanyang kapangyarihan bilang lider ng Mababang Kapulungan.

Nanindigan aniya ang mga kongresista dahil alam ng mga ito na binabantayan ng taumbayan ang kanilang mga boto sa Gutierrez impeachment.

Kasabay nito, sinabi ni Belmonte na maaari nilang iakyat sa Senado ang Articles of Impeachment laban kay Gutierrez kahit naka-recess ang sesyon ng Kongreso para sa Holy Week.

Hindi naman aniya kailangang in-session ang Kongreso para sa transmittal nito kaya ipina-ubaya na lamang niya kay House Secretary General Marilyn Yap ang pagpapadala sa Senado ng Articles of Impeachment.

Idinagdag pa niya na sa pagbabalik na rin lamang ng sesyon sa Mayo kukompletuhin ng Kamara ang mga prosecutor sa Gutierrez impeachment.

Suplay ng langis ng Pilipinas, hindi kakapusin

2011-03-21T14:06:00.000+08:00

Ipinahayag kahapon ni Department of Energy (DOE) Undersecretary Jose Layug sa isang pagdinig sa Kamara na nangako umano ang Saudi Arabia at International Energy Agency (IEA) na susuplayan ang Pilipinas ng dalawang milyong bariles ng langis kada araw sa loob ng dalawang taon.

Sinabi ni Layug na bukas daw ang DOE sa pagbibigay ng oil subsidy sa mga sector na matinding naaapektuhan kapag tumataas ang presyo ng langis.

Ayon sa kanya, ang pagkilos na ito ay hindi umano katulad ng nabuwag na Oil Price Stabilization Fund sapagkat ang isinusulong nilang oil subsidy ay hindi panglahatan kundi para lamang sa mga targeted vulnerable sector kagaya ng transportasyon.

Ipinaliwanag ni Layug na kung ibalik sa pamahalaan ang regulasyon ng oil industry at magkaroon ng pangkalahatang subsidiya, mangangilangan daw ang gobyerno ng 2 bilyong dolyares bawat buwan para ito ay matustusan at ang limitadong subsidiya aya puwedeng pondohan sa pamamagitan ng sobrang kita ng gobyerno kagaya ng windfall profit mula sa value added tax (VAT) ng langis.

9 na bilyong pisong supplemental budget para sa paglikas ng mga OFW, iminungkahi

2011-03-21T13:51:00.002+08:00

Sa layuning maisalba at mai-repatriate ang mga overseas filipino worker (OFWs) mula sa rehiyon ng North Africa at Middle East at bansang Japan, iminungkahi ni Bayan Muna partylist Rep Tedy Casino sa nakapaloob sa HB04406 na maglaan ang pamahalaan ng 9 na bilyong piso na pamamamahalaan ng Department of Foreign Affairs (DFA) at kalakip na rito ang paglalaan para sa Department of Trade and Industry, (DTI) Department of Labor and Employment (DOLE) at Department of Interior and Local Government (DILG).

Sinabi ni Casino na tatlong dekada nang isinasalba ng mga OFW ang ekonomiya ng bansa kaya marapat lamang umanong ibalik ng gobyerno ang pabor sa oras ng kanilang pangangailangan.

Nararapat lamang daw na madaliin ng pamahalaan ang pagdedesisyon kung dapat bang dagdagan ang pondo para sa kaligtasan ng mga OFW ngayong inaatake na ng allied forces ang puwersa ni Libyan leader Muamar Qaddafy.

15 milyon pamilya sa buong bansa, di nagkaroon ng mailinis na tubig

2011-03-20T11:30:00.000+08:00

Tinatayang humigit-kumulang sa 15 milyong kabahayan at pamilya sa buong bansa ang walang nakakarating na malinis na patubig at 273 munisipalidad naman ang nananatiling walang sistema ng patubig.

Sinabi ni House Speaker Feliciano Belmonte na batay sa ulat na isinumite ng Department of Interior and Local Government (DILG), tumaas ang bilang ng mga walang patubig mula sa dating 189 noong 2003 at umabot na sa 273 nitong 2009.

Ayon kay Speaker Belmonte, lumitaw din sa pag-aaral ng DILG na kung mayroon mang mahigit sa 80% na pamilya ang mayroong malinis na inuming tubig at malinis na pasilidad ng palikuran, mahigit naman sa 15 milyong pamilya ang di nagkakaroon ng malinis na tubig at walang maayos at malinis na palikuran.

Dagdag pa ni Belmonte, ang problemang ito ay hindi lamang mga mahihirap na pamilya ang nakakaranas kundi maging mga pamilya na naninirahan sa mga itinuturing na maunlad na lugar tulad ng National Capital Region, Central Luzon, Southern Tagalog at Central Visayas.

Hinahalimbawa ng Speaker ang Metro Manila na umaasa ang karamihan dito sa tubig na nanggagaling sa Angat Dam para sa suplay ng tubig kung saan 97% ng tubig ay dito nanggagaling at isinusuplay sa 12 Milyong mamamayan sa lungsod.

Nitong nakaraang taon, sinabi daw ng mga eksperto na mayroong kakulangang di bababa sa 500 milliliters ang suplay ng tubig kada araw at inaasahan pang mas lalong lalaki at aabot hanggang sa 2,000 milliliters ang magiging kakulangan ng suplay ng tubig sa darating na taong 2015.

Upang matugunan ang darating na problemang ito, sinabi ni Belmonte na napagkasunduan sa nakaraang National Executive-Legislative Dialogue hinggil sa Water Supply and Sanitation workshop na isasama sa mga priority bills ang mga panukalang tungkol sa patubig tulad ng pagtatatag ng Water Regulatory Commission na siyang mamamahala sa usaping patubig ng buong bansa.

Ayon pa kay Belmonte, sa kasalukuyan, ayon na rin sa kontratang pinasok ng Metropolitan Waterworks and Sewerage System (MWSS), nagsisilbi lamang na mga developer at regulator ang MWSS sa dalawang concessionaires nito, ang Manila Water Company at ang Maynilad Water Services.